NCB ਦਾ ਵੱਡਾ ਐਕਸ਼ਨ, ਬਾਲੀਵੁੱਡ ਦੇ ਕਈ ਨਿਰਦੇਸ਼ਕਾਂ ਤੇ ਨਿਰਮਾਤਾਵਾਂ ਦੇ ਘਰ ਛਾਪੇਮਾਰੀ

ਮੁੰਬਈ- ਬਾਲੀਵੁੱਡ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਦੀ ਜਾਂਚ 'ਚ ਨਸ਼ਿਆਂ ਦਾ ਦ੍ਰਿਸ਼ਟੀਕੋਣ ਸਾਹਮਣੇ ਆਉਣ 'ਤੇ ਬਾਲੀਵੁੱਡ 'ਚ ਨਾਰਕੋਟਿਕਸ ਕੰਟਰੋਲ ਬਿਓਰੋ ਦੀ ਛਾਪੇਮਾਰੀ ਜਾਰੀ ਹੈ। ਰਿਪੋਰਟਾਂ ਮੁਤਾਬਿਕ ਐਨ.ਸੀ.ਬੀ. ਟੀਮ ਵਲੋਂ ਹੁਣ ਬਾਲੀਵੁੱਡ ਦੇ ਕਈ ਡਾਇਰੈਕਟਰ ਤੇ ਨਿਰਮਾਤਵਾਂ ਦੇ ਘਰ ਛਾਪੇਮਾਰੀ ਕੀਤੀ ਗਈ ਹੈ। ਜਿਨ੍ਹਾਂ ਦੇ ਨਾਂ ਅਜੇ ਤੱਕ ਸਾਹਮਣੇ ਨਹੀਂ ਆਇਆ ਹੈ। 

ਦੱਸ ਦੇਈਏ ਕਿ ਬੀਤੇ ਦਿਨੀ ਐਨਸੀਬੀ ਵੱਲੋਂ ਚੱਲ ਰਹੇ ਡਰੱਗ ਮਾਮਲੇ 'ਚ ਦੀ ਜਾਂਚ ਦੌਰਾਨ ਬਾਲੀਵੁੱਡ ਦੇ ਮਸ਼ਹੂਰ ਨਿਰਮਾਤਾ ਫਿਰੋਜ਼ ਨਾਡੀਆਡਵਾਲਾ ਦੇ ਘਰ ਛਾਪਾ ਮਾਰਿਆ ਹੈ। ਸੂਤਰਾਂ ਦੇ ਅਨੁਸਾਰ, ਨਿਰਮਾਤਾ ਦੀ ਰਿਹਾਇਸ਼ ਮੁੰਬਈ ਦੇ ਉੱਚ ਪੱਛਮੀ ਉਪਨਗਰਾਂ ਵਿੱਚ ਸਥਿਤ ਹੈ। ਅਧਿਕਾਰੀਆਂ ਨੇ ਨਿਰਮਾਤਾ ਦੇ ਘਰ 'ਤੇ ਕੁਝ ਮਾਤਰਾ ਵਿਚ ਨਸ਼ੀਲੀਆਂ ਦਵਾਈਆਂ ਬਰਾਮਦ ਕੀਤੀਆਂ ਹਨ। ਛਾਪੇ ਦੌਰਾਨ ਨਿਰਮਾਤਾ ਆਪਣੇ ਘਰ ਮੌਜੂਦ ਨਹੀਂ ਸੀ। ਫਿਰੋਜ਼ ਨਾਡੀਆਡਵਾਲਾ ਦੀ ਪਤਨੀ ਤੋਂ ਅੱਜ ਐਨਸੀਬੀ ਅਧਿਕਾਰੀਆਂ ਨੇ ਉਨ੍ਹਾਂ ਦੇ ਦਫਤਰ ਵਿਖੇ ਪੁੱਛਗਿੱਛ ਕੀਤੀ। ਨਿਰਮਾਤਾ ਨੂੰ ਏਜੰਸੀ ਦੁਆਰਾ ਛੇਤੀ ਹੀ ਪੁੱਛਗਿੱਛ ਲਈ ਬੁਲਾਇਆ ਜਾਵੇਗਾ। 

NCB ਨੇ 4 ਥਾਵਾਂ ਤੇ ਮਾਰੇ ਛਾਪੇ 
 ਸ਼ਨੀਵਾਰ ਸ਼ਾਮ ਨੂੰ, ਐਨਸੀਬੀ ਅਧਿਕਾਰੀਆਂ ਨੇ ਮੁੰਬਈ ਦੇ ਵੱਖ ਵੱਖ ਹਿੱਸਿਆਂ ਵਿੱਚ ਚਾਰ ਛਾਪੇ ਮਾਰੇ ਅਤੇ ਵਪਾਰਕ ਮਾਤਰਾ ਵਿੱਚ ਭੰਗ ਅਤੇ ਐਮਡੀ ਬਰਾਮਦ ਕੀਤਾ। ਕੱਲ੍ਹ ਸ਼ਾਮ ਛਾਪੇਮਾਰੀ ਦੇ ਸਬੰਧ ਵਿੱਚ, ਚਾਰ ਲੋਕਾਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਸੀ ਅਤੇ ਫਿਲਹਾਲ ਮੁੰਬਈ ਦੇ ਐਨਸੀਬੀ ਦਫਤਰ ਵਿਖੇ ਉਨ੍ਹਾਂ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।

ਫਿਰੋਜ਼ ਨਾਡੀਆਡਵਾਲਾ 'ਹੇਰਾ ਫੇਰੀ', 'ਆਵਾਰਾ ਪਗਲ ਦੀਵਾਨ' ਅਤੇ 'ਵੈਲਕਮ' ਵਰਗੀਆਂ ਕਈ ਫਿਲਮਾਂ ਦੇ ਨਿਰਮਾਤਾ ਹਨ। ਇਸ ਤੋਂ ਪਹਿਲਾਂ ਵੀ ਇਕਮ ਟੈੱਕਸ ਬਕਾਇਆ ਕੇਸ ਵਿਚ  ਨਾਡੀਆਡਵਾਲਾ ਨੂੰ ਤਿੰਨ ਮਹੀਨਿਆਂ ਦੀ ਜੇਲ੍ਹ ਹੋ ਗਈ ਸੀ।