ਹੁਣ ਅਕਸ਼ੇ ਕੁਮਾਰ ਨੂੰ ਜਾਣਾ ਪੈ ਸਕਦਾ ਹੈ ਜੇਲ੍ਹ! ਪੜ੍ਹੋ ਪੂਰੀ ਖ਼ਬਰ

File

ਮੁੰਬਈ- ਬਾਲੀਵੁੱਡ ਸੁਪਰਸਟਾਰ ਅਕਸ਼ੇ ਕੁਮਾਰ ਦਾ ਇੱਕ ਇਸ਼ਤਿਹਾਰ ਇਸ ਸਮੇਂ ਕਾਫੀ ਚਰਚਾ 'ਚ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਇਸ ਇਸ਼ਤਿਹਾਰ 'ਚ ਅਕਸ਼ੇ ਕੁਮਾਰ ਕੱਪੜੇ ਧੋਂਦੇ ਅਤੇ ਨੱਚਦੇ ਵਿਖਾਈ ਦੇ ਰਹੇ ਹਨ। ਵਾਸ਼ਿੰਗ ਪਾਊਟਰ ਦੇ ਇਸ ਇਸ਼ਤਿਹਾਰ ਨੂੰ ਵੇਖ ਕੇ ਲੋਕਾਂ ਨੇ ਉਨ੍ਹਾਂ 'ਤੇ ਮਹਾਰਾਜਾ ਛੱਤਰਪਤੀ ਸ਼ਿਵਾਜੀ ਦਾ ਅਪਮਾਨ ਕਰਨ ਦਾ ਦੋਸ਼ ਲਗਾਇਆ ਹੈ।

ਦਰਅਸਲ ਇਸ ਇਸ਼ਤਿਹਾਰ 'ਚ ਵਿਖਾਇਆ ਗਿਆ ਹੈ ਕਿ ਅਕਸ਼ੇ ਲੜਾਈ ਕਰ ਕੇ ਪਰਤੇ ਹਨ ਅਤੇ ਜਸ਼ਨ ਦਾ ਐਲਾਨ ਕਰਦੇ ਹਨ। ਉਸੇ ਸਮੇਂ ਮਹਾਰਾਣੀ ਕਹਿੰਦੀ ਹੈ ਕਿ ਕੱਪੜੇ ਇੰਨੇ ਗੰਦੇ ਕਰ ਦਿੱਤੇ। ਸਾਨੂੰ ਹੀ ਰਗੜ-ਰਗੜ ਕੇ ਸਾਫ ਕਰਨੇ ਪੈਣਗੇ। ਜਵਾਬ 'ਚ ਅਕਸ਼ੇ, ਜੋ ਮਹਾਰਾਜ ਬਣੇ ਵਿਖਾਈ ਦੇ ਰਹੇ ਹਨ, ਉਹ ਕਹਿੰਦੇ ਹਨ ਕਿ ਮਹਾਰਾਜ ਦੀ ਫੌਜ ਦੁਸ਼ਮਣਾਂ ਨੂੰ ਧੋਣਾ ਜਾਣਦੀ ਹੈ ਤਾਂ ਕੱਪੜੇ ਵੀ ਧੋਣਾ ਜਾਣਦੀ ਹੈ। ਉਸ ਤੋਂ ਬਾਅਦ ਅਕਸ਼ੇ ਅਤੇ ਸਾਰੇ ਫੌਜੀ ਕੱਪੜੇ ਧੋਣ ਲੱਗਦੇ ਹਨ। ਇਹ ਵੇਖ ਕੇ ਲੋਕ ਅਕਸ਼ੇ ਤੋਂ ਨਾਰਾਜ਼ ਹੋ ਗਏ ਹਨ।

ਮਹਾਰਾਜ ਸ਼ਿਵਾਜੀ ਉੱਪਰ ਬਣੇ ਇਸ ਇਸ਼ਤਿਹਾਰ ਤੋਂ ਸ਼ਿਵਾਜੀ ਪ੍ਰੇਮੀ ਬਹੁਤ ਨਾਰਾਜ਼ ਹਨ ਅਤੇ ਟਵਿਟਰ 'ਤੇ #BoycottNirma ਅਤੇ #ApologizeAkshay ਟਰੈਂਡ ਕਰ ਰਿਹਾ ਹੈ। ਟਵਿਟਰ 'ਤੇ ਲੋਕ ਅਕਸ਼ੇ 'ਤੇ ਭੜਕਦੇ ਨਜ਼ਰ ਆ ਰਹੇ ਹਨ।

ਬਾਲੀਵੁੱਡ ਲਾਈਫ ਦੀ ਰਿਪੋਰਟ ਮੁਤਾਬਿਕ ਅਕਸ਼ੇ ਕੁਮਾਰ ਵਿਰੁੱਧ ਇਸ ਇਸ਼ਤਿਹਾਰ ਲਈ ਪੁਲਿਸ 'ਚ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਸ਼ਿਕਾਇਤ 'ਚ ਕਿਹਾ ਗਿਆ ਕਿ ਅਕਸ਼ੇ ਨੇ ਇਸ ਇਸ਼ਤਿਹਾਰ ਨਾਲ ਮਰਾਠੀ ਸੱਭਿਆਚਾਰ ਦਾ ਮਜ਼ਾਕ ਉਡਾਇਆ ਹੈ ਅਤੇ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਸੱਟ ਪਹੁੰਚਗਾਈ ਹੈ। ਅਕਸ਼ੇ ਵਿਰੁੱਧ ਮੁੰਬਈ ਦੇ ਵਰਲੀ ਪੁਲਿਸ ਥਾਣੇ 'ਚ ਸ਼ਿਕਾਇਤ ਦਰਜ ਕੀਤੀ ਗਈ ਹੈ।