ਇੰਸਟਾਗ੍ਰਾਮ 'ਤੇ ਕੱਲ ਅਪਣੇ ਪ੍ਰਸ਼ੰਸਕਾਂ ਨਾਲ ਜੁੜੇਗੀ ਐਸ਼ਵਰਿਆ

ਮੁੰਬਈ, 10 ਮਈ : ਸੋਸ਼ਲ ਮੀਡੀਆ ਤੋਂ ਹਮੇਸ਼ਾ ਦੂਰ ਰਹਿਣ ਵਾਲੀ ਐਸ਼ਵਰਿਆ ਰਾਏ ਬੱਚਨ ਆਖ਼ਿਰਕਾਰ ਕੱਲ ਇੰਸਟਾਗ੍ਰਾਮ 'ਤੇ ਅਪਣੇ ਪ੍ਰਸ਼ੰਸਕਾਂ ਨਾਲ ਜੁੜੇਗੀ। ਸੋਸ਼ਲ ਮੀਡੀਆ 'ਤੇ ਆਉਣ ਦਾ ਉਨ੍ਹਾਂ ਦਾ ਫ਼ੈਸਲਾ ਅਪਣੇ ਉਨ੍ਹਾਂ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕਰਨ ਦਾ ਇਕ ਤਰੀਕਾ ਹੈ ਜਿਨ੍ਹਾਂ ਨੇ ਕਰੀਅਰ ਦੀ ਸ਼ੁਰੂਆਤ ਨਾਲ ਉਨ੍ਹਾਂ ਨੂੰ ਪਿਆਰ ਦਿਤਾ ਹੈ।

ਇਹ ਉਨ੍ਹਾਂ ਨੂੰ ਸਿੱਧੇ ਤੌਰ 'ਤੇ ਜਨਤਾ ਨਾਲ ਜੁਡ਼ਣ ਦਾ ਇਕ ਤਰੀਕਾ ਹੈ। ਐਸ਼ਵਰਿਆ ਦੇ ਇਕ ਕਰੀਬੀ ਨੇ ਦਸਿਆ ਕਿ ਪ੍ਰਸ਼ੰਸਕਾਂ ਅਤੇ ਲੋਚਣ ਵਾਲਿਆਂ ਦੇ ਲਗਾਤਾਰ ਬੇਨਤੀ ਨੂੰ ਦੇਖਦੇ ਹੋਏ ਉਨ੍ਹਾਂ ਨੇ ਇੰਸਟਾਗ੍ਰਾਮ 'ਤੇ ਆਉਣ ਦਾ ਫ਼ੈਸਲਾ ਲਿਆ। ਐਸ਼ਵਰਿਆ ਕਾਨ ਫ਼ਿਲਮ ਉਤਸਵ 'ਚ ਵੀ ਸ਼ਮੂਲੀਅਤ ਕਰੇਗੀ। ਅਦਾਕਾਰਾ ਅਪਣੀ ਅਗਲੀ ਫ਼ਿਲਮ 'ਫ਼ੰਨੇ ਖਾਂ' ਵਿਚ ਅਨਿਲ ਕਪੂਰ ਅਤੇ ਰਾਜਕੁਮਾਰ ਰਾਵ ਦੇ ਨਾਲ ਨਜ਼ਰ ਆਵੇਗੀ।