“ਕਿਸਾਨਾਂ ਦੇ ਸਮਰਥਨ ਵਿਚ ਸੋਨਾਕਸ਼ੀ ਸਿਨਹਾ ਨੇ ਪੜ੍ਹੀ ਭਾਵੁਕ ਕਵਿਤਾ, ਕਿਹਾ........

Sonakshi Sinha

ਨਵੀਂ ਦਿੱਲੀ: ਕਿਸਾਨ ਪਿਛਲੇ ਕਈ ਮਹੀਨਿਆਂ ਤੋਂ ਖੇਤੀਬਾੜੀ ਕਾਨੂੰਨਾਂ ਨੂੰ ਲੈ ਕੇ ਅੰਦੋਲਨ ਕਰ ਰਹੇ ਹਨ। ਸਮਾਜ ਦੇ ਵੱਖ ਵੱਖ ਵਰਗਾਂ ਤੋਂ ਲੈ ਕੇ ਸਿਆਸਤਦਾਨਾਂ, ਰਾਜਨੇਤਾਵਾਂ, ਅਦਾਕਾਰਾਂ ਤੱਕ ਹਰ ਕੋਈ ਇਸ ਅੰਦੋਲਨ ਪ੍ਰਤੀ ਆਪਣੀ ਪ੍ਰਤੀਕ੍ਰਿਆ ਦੇ ਰਿਹਾ ਹੈ।

ਕੁਝ ਲੋਕ ਇਸ ਦੇ ਸਮਰਥਨ ਵਿਚ ਖੜੇ ਹਨ ਅਤੇ ਕੁਝ ਇਸ ਨੂੰ ਸਾਜਿਸ਼ ਕਰਾਰ ਦੇ ਰਹੇ ਹਨ। ਇਸ ਦੌਰਾਨ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਨੇ ਕਿਸਾਨਾਂ ਲਈ ਇਕ ਕਵਿਤਾ ਪੜ੍ਹੀ ਜੋ ਬਹੁਤ ਵਾਇਰਲ ਹੋ ਰਹੀ ਹੈ।

ਉਹਨਾਂ ਨੇ ਕਿਸਾਨਾਂ ਲਈ ਵਰਦ ਭੱਟਨਗਰ ਦੁਆਰਾ ਲਿਖੀ ਇਸ ਬਹੁਤ ਭਾਵੁਕ ਕਵਿਤਾ ਨੂੰ ਪੜ੍ਹਦਿਆਂ ਇੰਸਟਾਗ੍ਰਾਮ ਤੇ ਇੱਕ ਵੀਡੀਓ ਸਾਂਝਾ ਕੀਤਾ ਹੈ। ਇਸ ਕਵਿਤਾ ਦਾ ਸਿਰਲੇਖ ਹੈ 'ਕਿਉਂ'.

ਸੋਨਾਕਸ਼ੀ ਨੇ ਕਵਿਤਾ ਦੇ ਵੀਡੀਓ ਦੇ ਨਾਲ ਕੈਪਸ਼ਨ ਵਿਚ ਲਿਖਿਆ, ਨਜ਼ਰਾਂ ਮਿਲਾ ਕੇ ਜ਼ਰਾ ਖੁਦ ਤੋਂ ਪੁੱਛੋਂ, ਕਿਉਂ?' ਉਸਨੇ ਅੱਗੇ ਲਿਖਿਆ ਹੈ ਕਿ ਇਹ ਕਵਿਤਾ ਹੱਥਾਂ ਨੂੰ ਸਮਰਪਤ ਹੈ ਜਿਸ ਕਾਰਨ ਅਸੀਂ ਹਰ ਰੋਜ ਭੋਜਨ ਖਾਂਦੇ ਹਾਂ।

ਕਿਉਂ, ਹਰ ਕੋਈ ਪੁੱਛਦਾ ਹੈ ਕਿ ਅਸੀਂ ਸੜਕਾਂ ਉੱਤੇ ਕਿਉਂ ਉੱਤਰ ਆਏ ਹਾਂ।
ਖੇਤਾਂ ਦੇ ਮੰਜਰ ਛੱਡ, ਕਿਉਂ ਬੰਜਰ ਸ਼ਹਿਰਾਂ ਵਿੱਚ ਦਾਖਲ ਹੋ ਗਏ ਹਾਂ
ਇਹ ਮਿੱਟੀ, ਬੋਰੀ, ਕਹੀ, ਦਾਤਰੀ ਵਾਲੇ ਹੱਥ, ਕਿਉਂ ਅਸੀਂ ਰਾਜਨੀਤੀ ਦੀ ਦਲਦਲ ਵਿਚ ਪਾਏ ਨੇ
ਦਹੀਂ, ਮੱਖਣ ਅਤੇ ਗੁੜ ਵਾਲਿਆਂ ਨੇ ਕਿਉਂ ਇਰਾਦੇ ਮਸ਼ਾਲਾਂ ਨਾਲ ਸੁਲਵਾਏ ਨੇ
ਹੇ ਬੁੱਢੀਆ ਅੱਖਾਂ, ਨੰਨ੍ਹੇ ਕਦਮ ਨੇ ਕਿਉਂ ਦੰਗੇ ਭੜਕਾਏ ਨੇ
ਦੰਗੇ, ਤੁਹਾਨੂੰ ਇਹ ਦੰਗੇ ਦਿਖਾਈ ਦਿੰਦੇ ਹਨ ਕਿਉਂ
ਆਪਣੇ ਹਿੱਸੇ ਦੀ ਰੋਟੀ ਖਾਣਾ ਉਚਿਤ ਨਹੀਂ ਹੈ, ਕਿਉਂ
ਮੱਕੀ ਦੀ ਰੋਟੀ, ਸਰ੍ਹੋ ਦਾ ਸਾਗ, ਵੈਸੇ ਤਾਂ ਕਈ  ਚਟਕਾਰੇ ਲੈਂਦੇ ਹਨ
ਹੁਣ ਉਨ੍ਹਾਂ ਲਈ ਇਹ ਸਭ ਕਰਨਾ ਸਹੀ ਨਹੀਂ ਹੈ, ਕਿਉਂ
ਨਜ਼ਰਾਂ ਮਿਲਾ ਕੇ ਜ਼ਰਾ ਖੁਦ ਤੋਂ ਪੁੱਛੋਂ, ਕਿਉਂ''

ਦਬੰਗ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਅਕਸਰ ਹੀ ਸਮਾਜਿਕ ਮੁੱਦਿਆਂ 'ਤੇ ਖੁੱਲ੍ਹ ਕੇ ਵਿਚਾਰ ਰੱਖਦੀ ਵੇਖੀ ਜਾਂਦੀ ਹੈ। ਸੋਨਾਕਸ਼ੀ ਨੇ ਵੀ ਕਿਸਾਨਾਂ ਦੇ ਮੁੱਦੇ 'ਤੇ ਗੱਲ ਕੀਤੀ ਹੈ। 26 ਜਨਵਰੀ ਦੀ ਹਿੰਸਾ ਤੋਂ ਬਾਅਦ, ਸੋਨਾਕਸ਼ੀ ਨੇ ਦਿੱਲੀ ਐਨਸੀਆਰ ਵਿੱਚ ਇੰਟਰਨੈੱਟ ਬੰਦ ਹੋਣ ਬਾਰੇ ਵੀ ਆਪਣੀ ਗੱਲ ਰੱਖੀ।