'ਤਾਰਕ ਮਹਿਤਾ...' ਦੇ ਇਸ ਅਦਾਕਾਰ ਨੂੰ ਮਿਲਣ ਲਈ 2 ਬੱਚੇ ਕਰ ਗਏ ਕੁਝ ਐਸਾ, ਘਰ ਪ੍ਰੇਸ਼ਾਨ ਲੋਕ ਹੈਰਾਨ
ਫਿਲਮ ਅਤੇ ਟੀਵੀ ਅਦਾਕਾਰਾਂ ਲਈ ਫੈਂਸ ਦੀ ਦੀਵਾਨਗੀ ਅਕਸਰ ਵੇਖੀ ਜਾਂਦੀ ਹੈ।
ਮੁੰਬਈ : ਫਿਲਮ ਅਤੇ ਟੀਵੀ ਅਦਾਕਾਰਾਂ ਲਈ ਫੈਂਸ ਦੀ ਦੀਵਾਨਗੀ ਅਕਸਰ ਵੇਖੀ ਜਾਂਦੀ ਹੈ। ਹੁਣ ਸਬ ਟੀਵੀ ਦੇ ਮਸ਼ਹੂਰ ਸ਼ੋਅ 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ਵਿਚ ਜੇਠਾਲਾਲ ਦਾ ਕਿਰਦਾਰ ਨਿਭਾਅ ਰਹੇ ਮਸ਼ਹੂਰ ਅਦਾਕਾਰ ਦਿਲੀਪ ਜੋਸ਼ੀ ਲਈ ਦੋ ਨਬਾਲਿਗ ਫੈਂਸ ਨੇ ਕੁੱਝ ਅਜਿਹਾ ਕਰ ਦਿਤਾ ਜਿਸਦੇ ਨਾਲ ਉਨ੍ਹਾਂ ਦੇ ਪਰਵਾਰ ਜਿਥੇ ਪ੍ਰੇਸ਼ਾਨ ਹਨ ਉਥੇ ਹੀ ਜਿਸ ਨੂੰ ਵੀ ਇਸ ਖਬਰ ਬਾਰੇ ਪਤਾ ਚੱਲ ਰਿਹਾ ਹੈ ਉਹ ਹੈਰਾਨ ਹੈ।
ਹਾਲ ਹੀ ਵਿਚ ਕਾਮੇਡੀ ਸ਼ੋਅ 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ਦੇ ਅਦਾਕਾਰ ਜੇਠਾਲਾਲ ਨਾਲ ਮਿਲਣ ਲਈ ਦੋ ਬੱਚਿਆਂ ਨੇ ਯੋਜਨਾ ਬਣਾਈ। ਸਪੋਟਬੋਏ ਦੀ ਰਿਪੋਰਟ ਅਨੁਸਾਰ 14 ਅਤੇ 13 ਸਾਲ ਦੇ ਦੋ ਬੱਚੇ ਘਰ 'ਚ ਕੁਝ ਵੀ ਬਿਨ੍ਹਾਂ ਦੱਸੇ ਰਾਜਸਥਾਨ ਤੋਂ ਮੁੰਬਈ ਵੱਲ ਰਵਾਨਾ ਹੋ ਗਏ। ਰਾਜਸਥਾਨ ਤੋਂ ਮੁੰਬਈ ਦਾ ਸਫ਼ਰ ਦੋਵੇਂ ਬੱਚਿਆਂ ਨੇ ਬੱਸ ਰਾਹੀਂ ਤੈਅ ਕੀਤਾ। ਸਹੀ ਸਲਾਮਤ ਮੁੰਬਈ ਪੁਹੰਚ ਕੇ ਦੋਵੇਂ ਬੱਚੇ ਮੁੰਬਈ ਦੇ ਪਵਈ ਪਹੁੰਚੇ।
ਉਥੇ ਪੁਹੰਚ ਕੇ ਦੋਵੇਂ ਬੱਚਿਆਂ ਨੇ ਆਲੇ ਦੁਆਲੇ ਦੇ ਲੋਕਾਂ ਤੋਂ ਜੇਠਾਲਾਲ ਦੇ ਘਰ ਦਾ ਪਤਾ ਪੁੱਛਣਾ ਸ਼ੁਰੂ ਕਰ ਦਿਤਾ। ਇਕ ਸ਼ਖਸ ਨੇ ਦੋਵੇਂ ਬੱਚਿਆਂ ਦੀ ਗੱਲਾਂ ਸੁਣ ਕੇ ਪੁਲਿਸ ਨੂੰ ਇਸ ਗੱਲ ਦੀ ਖ਼ਬਰ ਕੀਤੀ। ਮੌਕੇ ਉਤੇ ਪੁਲਿਸ ਨੇ ਪਹੁੰਚ ਕੇ ਦੋਵੇਂ ਬੱਚਿਆਂ ਤੋਂ ਪੁੱਛਗਿੱਛ ਕਰਨ ਤੋਂ ਬਾਅਦ ਇਸ ਸਾਰੇ ਮਾਮਲੇ ਦਾ ਖੁਲਾਸਾ ਹੋਇਆ।
ਅੱਠਵੀਂ ਅਤੇ ਛੇਵੀਂ ਕਲਾਸ ਵਿਚ ਪੜ੍ਹਨ ਵਾਲੇ ਦੋਵੇਂ ਬੱਚਿਆਂ ਨੇ ਪੁਲਿਸ ਨੂੰ ਪੁੱਛਗਿਛ ਦੌਰਾਨ ਦਸਿਆ ਕਿ ਉਹ ਤਾਰਕ ਮਹਿਤਾ ਦਾ ਉਲਟਾ ਚਸ਼ਮਾ ਸ਼ੋਅ ਰੋਜ਼ਾਨਾ ਵੇਖਦੇ ਹਨ। ਉਨ੍ਹਾਂ ਨੂੰ ਇਸ ਸ਼ੋਅ ਵਿਚ ਜੇਠਾਲਾਲ ਦਾ ਕਿਰਦਾਰ ਨਿਭਾਉਣ ਵਾਲੇ ਦਿਲੀਪ ਜੋਸ਼ੀ ਬਹੁਤ ਪਸੰਦ ਹਨ। ਉਨ੍ਹਾਂ ਨੂੰ ਮਿਲਣ ਲਈ ਹੀ ਉਹ ਮੁੰਬਈ ਘਰ ਵਾਲਿਆਂ ਨੂੰ ਬਿਨ੍ਹਾਂ ਦੱਸੇ ਇਥੋਂ ਤੱਕ ਪਹੁੰਚੇ ਹਨ। ਫਿਲਹਾਲ ਪੁਲਿਸ ਬੱਚਿਆਂ ਦੇ ਪਰਵਾਰ ਵਾਲਿਆਂ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਇਥੇ ਤੁਹਾਨੂੰ ਦਸ ਦਈਏ ਕਿ ਇਹ ਦੋਵੇਂ ਬੱਚੇ ਕਜ਼ਨ ਹਨ ਤੇ ਇਹ ਦੋਵਾਂ ਨੇ ਕਰੀਬ 4100 ਰੁਪਏ ਜਮ੍ਹਾ ਕੀਤੇ ਤਾਂ ਜੋ ਦੋਵੇਂ ਆਸਾਨੀ ਨਾਲ ਮੁੰਬਈ ਪਹੁੰਚ ਸਕਣ। ਇਥੇ ਇਹ ਵੀ ਜਾਣਕਾਰੀ ਮਿਲੀ ਹੈ ਕਿ ਪੁਲਿਸ 'ਤਾਰਕ ਮਹਿਤਾ ਕਾ ਉਲਟਾ' ਚਸ਼ਮਾ ਦੀ ਟੀਮ ਨਾਲ ਸੰਪਰਕ ਕਰ ਰਹੀ ਹੈ ਤਾਂ ਜੋ ਇਨ੍ਹਾਂ ਬੱਚਿਆਂ ਨੂੰ ਤਰਕ ਮਹਿਤਾ ਨਾਲ ਮਿਲਵਾਇਆ ਜਾ ਸਕੇ।