Amitabh Bachchan

ਮੁੰਬਈ (ਭਾਸ਼ਾ) :- ਹਿੰਦੀ ਸਿਨੇਮਾ ਦੇ ਸਭ ਤੋਂ ਚਹੇਤੇ ਕਲਾਕਾਰ ਅਮੀਤਾਭ ਬੱਚਨ ਦਾ ਅੱਜ 75ਵਾਂ ਜਨਮਦਿਨ ਹੈ। ਅਮੀਤਾਭ ਬੱਚਨ ਉਨ੍ਹਾਂ ਕੁਝ ਅਦਾਕਾਰਾਂ ਵਿਚੋਂ ਇਕ ਹਨ ਜਿਨ੍ਹਾਂ ਦੀ ਦਮਦਾਰ ਐਕਟਿੰਗ ਨੇ ਉਨ੍ਹਾਂ ਦੇ ਆਲੋਚਕਾਂ ਨੂੰ ਵੀ ਹੈਰਾਨ ਕਰ ਦਿਤਾ। ਉਨ੍ਹਾਂ ਦੇ ਉਤਸ਼ਾਹ ਅਤੇ ਕੰਮ ਕਰਨ ਦੀ ਲਗਨ ਨੇ ਅੱਜ ਉਨ੍ਹਾਂ ਨੂੰ ਅਜਿਹੇ ਮੁਕਾਮ ਉੱਤੇ ਪਹੁੰਚਾਇਆ ਹੈ ਜਿਸ ਨੂੰ ਪਾਉਣ ਦਾ ਮੁਕਾਮ ਹਰ ਕੋਈ ਦੇਖਦਾ ਹੈ। ਅਮੀਤਾਭ ਬੱਚਨ ਦੀ ਸੰਘਰਸ਼ ਦੀ ਕਹਾਣੀ ਜਿੰਨੀ ਹੈਰਾਨੀਜਨਕ ਹੈ ਓਨੀ ਰੋਮਾਂਚਕ ਵੀ ਹੈ। ਅਮੀਤਾਭ ਬੱਚਨ ਕਈ ਦਸ਼ਕਾਂ ਤੋਂ ਬਾਲੀਵੁਡ ਵਿਚ ਰਾਜ ਕਰ ਰਹੇ ਹਨ।

 

ਉਹ ਫਿਲਮਾਂ ਦੇ ਨਾਲ - ਨਾਲ ਟੀਵੀ ਇੰਡਸਟਰੀ ਵਿਚ ਸਰਗਰਮ ਹਨ। ਇੰਡਰੂਟਰੀ ਵਿਚ ਬਿੱਗ ਬੀ ਦੇ ਨਾਮ ਨਾਲ ਮਸ਼ਹੂਰ ਅਮਿਤਾਭ ਬੱਚਨ ਨੂੰ ਅੱਜ ਵੀ ਦਰਸ਼ਕ ਉਨ੍ਹਾਂ ਨੂੰ ਪਰਦੇ ਉੱਤੇ ਵੇਖਣਾ ਪਸੰਦ ਕਰਦੇ ਹਨ। ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ 'ਠਗਸ ਆਫ ਹਿੰਦੋਸਤਾਨ' ਹੈ ਜਿਸ ਵਿਚ ਉਹ ਆਮਿਰ ਖਾਨ ਅਤੇ ਕੈਟਰੀਨਾ ਕੈਫ ਨਾਲ ਨਜ਼ਰ ਆਉਣ ਵਾਲੇ ਹਨ। ਅਮੀਤਾਭ ਬੱਚਨ ਦਾ ਜਨਮ 11 ਅਕਤੂਬਰ 1942 ਨੂੰ ਉੱਤਰ ਪ੍ਰਦੇਸ਼ ਦੇ ਇਲਾਹਾਬਾਦ ਵਿਚ ਹੋਇਆ ਸੀ।

 

ਉਹ ਪ੍ਰਸਿੱਧ ਕਵੀ ਡਾ. ਹਰੀਵੰਸ਼ ਰਾਏ ਬੱਚਨ ਦੇ ਬੇਟੇ ਹਨ ਅਤੇ ਉਨ੍ਹਾਂ ਦੀ ਮਾਂ ਦਾ ਨਾਮ ਤੇਜੀ ਬੱਚਨ  ਸੀ ਜਿਨ੍ਹਾਂ ਨੂੰ ਥਿਏਟਰ ਵਿਚ ਗਹਿਰੀ ਰੂਚੀ ਸੀ ਪਰ ਉਨ੍ਹਾਂ ਨੂੰ ਘਰ ਸੰਭਾਲਨਾ ਪਸੰਦ ਆਇਆ। ਸਾਲ 2003 ਵਿਚ ਅਮਿਤਾਭ ਦੇ ਸਿਰ ਤੋਂ ਪਿਤਾ ਦਾ ਸਾਇਆ ਉਠ ਗਿਆ ਅਤੇ ਸਾਲ 2007 ਵਿਚ ਉਨ੍ਹਾਂ ਦੀ ਮਾਂ ਨੇ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਦਿਤਾ।

ਅਮਿਤਾਭ ਬੱਚਨ ਦੀ ਚਰਚਿਤ ਫਿਲ‍ਮਾਂ ਵਿਚ ਜ਼ੰਜੀਰ, ਨਮਕ ਹਰਾਮ, ਰੋਟੀ ਕੱਪੜਾ ਅਤੇ ਮਕਾਨ, ਦੀਵਾਰ, ਕਦੇ ਕਦੇ, ਹੇਰਾਫੇਰੀ, ਅਮਰ ਅਕਬਰ ਐਂਥਨੀ, ਖੂਨ ਪਸੀਨਾ, ਪਰਵਰਿਸ਼, ਕਸਮਾਂ ਵਾਦੇ, ਤਰਿਸ਼ੂਲ, ਡੋਨ, ਮੁਕੱਦਰ ਦਾ ਸਿਕੰਦਰ, ਮਿ. ਨਟਵਰਲਾਲ, ਕਾਲ਼ਾ ਪੱਥਰ, ਸੁਹਾਗ, ਲਾਵਾਰਸ, ਸਿਲਸਿਲਾ, ਕਾਲੀਆ, ਸੱਤੇ ਪੇ ਸੱਤਾ, ਨਮਕ ਹਲਾਲ, ਸ਼ਰਾਬੀ, ਖੁੱਦਾਰ, ਸ਼ਕਤੀ, ਅਗਨੀਪਥ, ਮੋਹਬਤਾਂ, ਏਕ ਰਿਸ਼ਤਾ, ਕਬੀ ਖੁਸ਼ੀ ਕਬੀ ਗ਼ਮ, ਆਂਖੇ, ਅਕਸ, ਕਾਂਟੇ, ਬਾਗਬਾਨ, ਖਾਕੀ, ਵੀਰ - ਜਾਰਾ, ਬ‍ਲੈਕ, ਸਰਕਾਰ ਅਤੇ ਕਬੀ ਅਲਵਿਦਾ ਨਾ ਕਹਿਣਾ ਸ਼ਾਮਿਲ ਹਨ।

ਅਮਿਤਾਭ ਬੱਚਨ ਨੂੰ ਸਰਵ ਉੱਤਮ ਅਦਾਕਾਰ ਲਈ 4 ਰਾਸ਼‍ਟਰੀ ਪੁਰਸ‍ਕਾਰ ਮਿਲ ਚੁੱਕੇ ਹਨ। ਉਹਨਾਂ ਨੇ ਕਈ ਅੰਤਰ ਰਾਸ਼‍ਟਰੀ ਮੰਚਾਂ ਉੱਤੇ ਵੀ ਪੁਰਸ‍ਕਾਰ ਜਿੱਤੇ ਹਨ। ਉਹਨਾਂ ਨੂੰ 15 ਫਿਲ‍ਮ ਫੇਅਰ ਅਵਾਰਡ ਮਿਲੇ ਹਨ ਅਤੇ 41 ਵਾਰ ਨਾਮੀਨੈਟ ਵੀ ਹੋਏ ਹਨ। ਉਹਨਾਂ ਨੇ ਸਾਲ 1954 ਵਿਚ ਪਦਮਸ਼ਰੀ, ਸਾਲ 2001 ਵਿਚ ਪਦਮ ਭੂਸ਼ਣ ਅਤੇ ਸਾਲ 2015 ਵਿਚ ਪਦਮ ਵਿਭੂਸ਼ਨ ਨਾਲ ਸਨਮਾਨਿਤ ਕੀਤਾ ਗਿਆ।