ਕੀ ਇਹ ਔਰਤ ਲੈ ਲਵੇਗੀ ਰਾਨੂੰ ਮੰਡਲ ਦੀ ਜਗ੍ਹਾ 

Will these women take the place of the ranu mandal

ਉੱਤਰ ਪ੍ਰਦੇਸ਼- ਕੁੱਝ ਦਿਨ ਪਹਿਲਾਂ ਇਕ ਰੇਲਵੇ ਸਟੇਸ਼ਨ ਗਾਣਾ ਗਾਉਣ ਵਾਲੀ ਰਾਨੂੰ ਮੰਡਲ ਸੁਰਖੀਆਂ ਵਿਚ ਸੀ ਜੋ ਕਿ ਅੱਜ ਬਾਲੀਵੁੱਡ ਸਿੰਗਰ ਬਣ ਚੁੱਕੀ ਹੈ। ਰਾਨੂੰ ਮੰਡਲ ਦੀ ਵੀਡੀਓ ਇਕ ਆਮ ਇਨਸਾਨ ਨੇ ਸੋਸ਼ਲ ਮੀਡੀਆ 'ਤੇ ਅਪਲੋਡ ਕੀਤੀ ਸੀ। ਰਾਨੂੰ ਮੰਡਲ ਦੀ ਆਵਾਜ਼ ਸੋਸ਼ਲ ਮੀਡੀਆ ਦੇ ਦਮ 'ਤੇ ਲੋਕਾਂ ਤੱਕ ਪਹੁੰਚੀ ਅਤੇ ਲੋਕਾਂ ਨੂੰ ਕਾਫ਼ੀ ਪਸੰਦ ਵੀ ਆਈ ਅਤੇ ਉਹਨਾਂ ਦੀ ਆਵਾਜ਼ ਸੁਣ ਕੇ ਉਹਨਾਂ ਨੂੰ ਮੁੰਬਈ ਬੁਲਾ ਲਿਆ ਗਿਆ।

ਹਿਮੇਸ਼ ਰੇਸ਼ਮੀਆ ਨੇ ਰਾਨੂੰ ਮੰਡਲ ਨੂੰ ਅਪਣੀ ਫਿਲਮ ਵਿਚ ਗਾਣਾ ਗਾਉਣ ਦਾ ਮੌਕਾ ਵੀ ਦਿੱਤਾ। ਸੋਸ਼ਲ ਮੀਡੀਆ ਨੇ ਰਾਨੂੰ ਮੰਡਲ ਨੂੰ ਫਰਸ਼ ਤੋਂ ਅਰਸ਼ ਤੱਕ ਪਹੁੰਚਾ ਦਿੱਤਾ ਤੇ ਹੁਣ ਇਕ ਹੋਰ ਮਹਿਲਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਵਿਚ ਇਹ ਮਹਿਲਾ 'ਮਿਲੋ ਨਾ ਤੁਮ ਤੋ ਹਮ ਘਬਰਾਏ ਵਾਲਾ ਗਾਣਾ ਗਾ ਰਹੀ ਹੈ। ਗਾਣਾ ਗਾਉਣ ਦੇ ਨਾਲ ਇਹ ਮਹਿਲਾ ਮਿੱਟੀ ਦੇ ਚੁੱਲੇ ਨੂੰ ਲਿੱਪਦੀ ਹੋਈ ਨਜ਼ਰ ਆ ਰਹੀ ਹੈ।