Wrestler beat Rakhi Sawant

ਪੰਚਕੁਲਾ : (ਭਾਸ਼ਾ) ਪੰਚਕੁਲਾ ਦੇ ਤਾਊ ਦੇਵੀਲਾਲ ਸਟੇਡੀਅਮ ਵਿਚ CWE ਰੈਸਲਿੰਗ ਪ੍ਰੋਗਰਾਮ ਦਾ ਪ੍ਰਬੰਧ ਕੀਤਾ ਗਿਆ ਸੀ। ਇਸ ਪ੍ਰੋਗਰਾਮ ਵਿਚ ਰਾਖੀ ਸਾਵੰਤ ਜ਼ਖ਼ਮੀ ਹੋ ਗਈ ਅਤੇ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ। ਦਰਅਸਲ, ਮਹਿਲਾ ਪਹਿਲਵਾਨ ਰੋਬੇਲ ਨੇ ਪੰਚਕੁਲਾ ਦੀਆਂ ਔਰਤਾਂ ਨੂੰ ਉਨ੍ਹਾਂ ਨੂੰ ਮੁਕਾਬਲਾ ਕਰਨ ਲਈ ਚੈਲੇਂਜ ਦਿਤਾ ਸੀ। ਉਨ੍ਹਾਂ ਨੇ ਕਿਹਾ ਸੀ ਕਿ ਜੇਕਰ ਕਿਸੇ ਮਹਿਲਾ ਵਿਚ ਦਮ ਹੈ ਤਾਂ ਉਹ ਉਸ ਨਾਲ ਲੜ ਕੇ ਦਿਖਾਏ। ਰਾਖੀ ਸਾਵੰਤ ਨੇ ਇਸ ਚੁਣੋਤੀ ਨੂੰ ਸਵੀਕਾਰ ਕੀਤਾ ਅਤੇ ਰਿੰਗ ਵਿਚ ਚਲੀ ਗਈ ਪਰ ਰੋਬੇਲ ਨਾਲ ਲੜਨ ਤੋਂ ਪਹਿਲਾਂ ਰਾਖੀ ਨੇ ਉਨ੍ਹਾਂ ਨੂੰ ਇਕ ਚੈਲੇਂਜ ਦਿਤਾ।

ਰਾਖੀ ਨੇ ਰੋਬੇਲ ਨੂੰ ਉਨ੍ਹਾਂ ਦੇ ਨਾਲ ਡਾਂਸ ਕਰਨ ਦਾ ਚੈਲੇਂਜ ਦਿਤਾ। ਚੁਣੋਤੀ ਦੇ ਮੁਤਾਬਕ ਰੋਬੇਲ ਨੇ ਰਾਖੀ ਦੇ ਨਾਲ ਇਕ ਗੀਤ 'ਤੇ ਡਾਂਸ ਕੀਤਾ। ਗੀਤ ਖਤਮ ਹੋਣ ਦੇ ਤੁਰਤ ਬਾਅਦ ਰੋਬੇਲ ਨੇ ਰਾਖੀ ਨੂੰ ਮੋਢੇ 'ਤੇ ਚੁੱਕ ਕੇ ਸੁੱਟ ਦਿਤਾ। ਇਸ ਕਾਰਨ ਰਾਖੀ ਸਾਵੰਤ ਨੂੰ ਮੋਢੇ ਉਤੇ ਸੱਟ ਆਈ ਅਤੇ ਉਨ੍ਹਾਂ ਨੂੰ ਜ਼ੀਰਕਪੁਰ ਦੇ ਇਕ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ। ਰਾਖੀ ਸਾਵੰਤ ਕਾਫ਼ੀ ਸਮਾਂ ਤੱਕ ਰਿੰਗ ਦੇ ਅੰਦਰ ਹੀ ਲੇਟੀ ਰਹੀ। ਕੁੱਝ ਦੇਰ ਬਾਅਦ ਮੈਚ ਰੈਫਰੀ ਨੇ ਆਯੋਜਕਾਂ ਨੂੰ ਇਸ ਬਾਰੇ ਵਿਚ ਜਾਣਕਾਰੀ ਦਿਤੀ। ਫਿਰ ਰਾਖੀ ਨੂੰ ਰਿੰਗ ਤੋਂ ਬਾਹਰ ਲਿਜਾਇਆ ਗਿਆ।

ਦੱਸ ਦਈਏ ਕਿ ਹਾਲ ਹੀ ਵਿਚ ਰਾਖੀ ਸਾਵੰਤ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਬਹੁਤ ਵਾਈਰਲ ਹੋਇਆ ਸੀ। ਵੀਡੀਓ ਵਿਚ ਰਾਖੀ ਸਾਵੰਤ ਫਿਲਮ ਠਗਸ ਆਫ ਹਿੰਦੋਸਤਾਨ ਦੇ ਗੀਤ ਸੁਰਇਯਾ 'ਤੇ ਡਾਂਸ ਕਰਦੀ ਹੋਈ ਨਜ਼ਰ ਆਈ ਸੀ। ਵੀਡੀਓ ਵਿਚ ਉਨ੍ਹਾਂ ਦਾ ਹਾਟ ਅਵਤਾਰ ਦੇਖਣ ਨੂੰ ਮਿਲਿਆ ਸੀ।