Yami Gautam-Vicky Kaushal-Kapil Sharma

ਮੁੰਬਈ : ਬੀਤੇ ਕੱਲ੍ਹ ‘ਦ ਕਪਿਲ ਸ਼ਰਮਾ ਸ਼ੋਅ’ ਵਿਚ ਫ਼ਿਲਮ ‘ਉਰੀ’ ਦੀ ਸਟਾਰ ਕਾਸਟ ਵਿੱਕੀ ਕੌਸ਼ਲ ਅਤੇ ਯਾਮੀ ਗੌਤਮ ਪਹੁੰਚੇ। ਇਸ ਦੌਰਾਨ ਵਿੱਕੀ ਅਤੇ ਯਾਮੀ ਸਰੋਤਿਆਂ ਨੂੰ ਅਪਣੀ ਫ਼ਿਲਮ ਦੇ ਬਾਰੇ ਵਿਚ ਦੱਸਿਆ ਅਤੇ ਨਾਲ ਹੀ ਅਪਣੇ ਸਕੂਲ ਸਮੇਂ ਦੇ ਕਿੱਸੇ ਵੀ ਸੁਣਾਏ। ਅਜਿਹਾ ਹੀ ਇਕ ਕਿੱਸਾ ਦੱਸਦੇ ਹੋਏ ਵਿੱਕੀ ਕੌਸ਼ਲ ਨੇ ਖੁਲਾਸਾ ਕੀਤਾ ਕਿ ਕਿਵੇਂ ਇਕ ਸਕੂਲ ਜਸ਼ਨ ਵਿਚ ਸਭ ਦੇ ਸਾਹਮਣੇ ਉਨ੍ਹਾਂ ਦੀ ਪੈਂਟ ਉਤਰ ਗਈ ਸੀ ਅਤੇ ਉਹ ਸ਼ਰਮਿੰਦਾ ਹੋ ਗਏ ਸਨ।

ਵਿੱਕੀ ਨੇ ਦੱਸਿਆ ਕਿ ਸਕੂਲ ਦੇ ਜਸ਼ਨ ਵਿਚ ਇਕ ਵਾਰ ਉਨ੍ਹਾਂ ਨੂੰ ਸਟੇਜ ਉਤੇ ਡਾਂਸ ਪਰਫਾਰਮ ਕਰਨਾ ਸੀ। ਇਸ ਦੌਰਾਨ ਸਭ ਦੇ ਕੋਲ ਬੈਲਟ ਸੀ, ਪਰ ਉਨ੍ਹਾਂ ਦੇ  ਕੋਲ ਨਹੀਂ ਸੀ ਤਾਂ ਵਿੱਕੀ ਨੇ ਸਕਾਰਫ ਲੱਕ ਉਤੇ ਬੰਨ੍ਹ ਲਿਆ। ਪਰ ਜਦੋਂ ਉਨ੍ਹਾਂ ਨੇ ਡਾਂਸ ਕੀਤਾ ਤਾਂ ਸਕਾਰਫ ਖੁੱਲ ਗਿਆ ਅਤੇ ਉਨ੍ਹਾਂ ਦੀ ਪੈਂਟ ਸਭ ਦੇ ਸਾਹਮਣੇ ਉੱਤਰ ਗਈ। ਵਿੱਕੀ ਦੀ ਇਹ ਗੱਲ ਸੁਣ ਕੇ ਸਾਰੇ ਹੱਸਣ ਲੱਗੇ।

ਜਦੋਂ ਵਿਕੀ ਤੋਂ ਪੁੱਛਿਆ ਗਿਆ ਕਿ ਉਹ ਬਾਲੀਵੁੱਡ ਵਿਚ ਕਿਸ ਨੂੰ ਡੇਟ ਕਰਨਾ ਚਾਹੁੰਦੇ ਹਨ? ਤਾਂ ਉਨ੍ਹਾਂ ਨੇ ਅਪਣੀ ਸਟਾਰ ਯਾਮੀ ਦਾ ਨਾਮ ਲਿਆ ਅਤੇ ਕਿਹਾ ਕਿ ਉਹ ਉਨ੍ਹਾਂ ਨੂੰ ਡੇਟ ਕਰਨਾ ਪਸੰਦ ਕਰਨਗੇ। ਜਦੋਂ ਇਹੀ ਸਵਾਲ ਯਾਮੀ ਨਾਲ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਵਿੱਕੀ ਦਾ ਨਾਮ ਲਿਆ।