ਫਰਾਹ ਖ਼ਾਨ ਦੀ ਬੇਟੀ ਨੇ ਬਣਾਈ ਅਜਿਹੀ ਪੇਟਿੰਗ, ਵੇਚ ਕੇ ਕਮਾਏ 70,000

File photo

ਨਵੀਂ ਦਿੱਲੀ- ਕੋਰੀਓਗ੍ਰਾਫਰ ਤੋਂ ਨਿਰਦੇਸ਼ਕ ਬਣੀ ਫਰਾਹ ਖਾਨ ਨੇ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ਉੱਤੇ ਆਪਣੀ ਬੇਟੀ ਦੀ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ ਜੋ ਕਾਫ਼ੀ ਸੁਰਖੀਆਂ ਬਟੋਰ ਰਹੀ ਹੈ। ਇਸ ਵੀਡੀਓ ਵਿਚ ਉਹ ਵਰਕਆਊਟ ਵੀਡੀਓ ਬਣਾਉਣ ਵਾਲੀਆਂ ਮਸ਼ਹੂਰ ਹਸਤੀਆਂ ਨਾਲ ਨਾਰਾਜ਼ਗੀ ਜ਼ਾਹਰ ਕਰਦੀ ਦਿਖਾਈ ਦਿੱਤੀ।

ਪਰ ਹੁਣ ਫਰਾਹ ਖਾਨ ਇਕ ਵਾਰ ਫਿਰ ਸੁਰਖੀਆਂ ਵਿਚ ਆ ਗਈ ਹੈ ਅਤੇ ਆਪਣੀ 12 ਸਾਲਾਂ ਦੀ ਬੇਟੀ ਕਾਰਨ। ਫਰਾਹ ਖਾਨ ਦੀ 12 ਸਾਲਾ ਬੇਟੀ ਨੇ ਲਾਕਡਾਉਨ ਦੌਰਾਨ ਘਰ ਵਿਚ ਹੁੰਦੇ ਹੋਏ ਪਾਲਤੂ ਜਾਨਵਰਾਂ ਦੇ ਸਕੈੱਚ ਤਿਆਰ ਕੀਤੇ। ਫਰਾਹ ਦੀ ਬੇਟੀ ਨੇ ਇਨ੍ਹਾਂ ਸਕੈਚਾਂ ਤੋਂ ਪੂਰੇ 70,000 ਰੁਪਏ ਇਕੱਠੇ ਕੀਤੇ ਹਨ। ਹੁਣ ਇਹ ਪੈਸੇ ਜਾਨਵਰਾਂ ਦੀ ਮਦਦ ਲਈ ਵਰਤੇ ਜਾਣਗੇ।

ਫਰਾਹ ਖਾਨ ਨੇ ਆਪਣੇ ਟਵੀਟ ਦੇ ਜ਼ਰੀਏ ਇਹ ਸਾਰੀ ਜਾਣਕਾਰੀ ਲੋਕਾਂ ਨਾਲ ਸ਼ੇਅਰ ਕੀਤੀ ਹੈ। ਫਰਾਹ ਨੇ ਲਿਖਿਆ, 'ਮੇਰੀ 12 ਸਾਲਾਂ ਦੀ ਬੇਟੀ ਨੇ ਪਿਛਲੇ 5 ਦਿਨਾਂ 'ਚ ਪਾਲਤੂ ਜਾਨਵਰਾਂ ਪੇਟਿੰਗਾਂ ਬਣਾ ਕੇ 70,000 ਰੁਪਏ ਇਕੱਠੇ ਕੀਤੇ ਹਨ। ਫਰਾਹ ਖਾਨ ਦੀ ਬੇਟੀ ਨੂੰ ਇਕ ਸਕੈੱਚ 'ਤੇ 1000 ਰੁਪਏ ਮਿਲੇ ਹਨ। ਇਹ ਸਾਰਾ ਪੈਸਾ ਅਵਾਰਾ ਪਸ਼ੂਆਂ ਅਤੇ ਲੋੜਵੰਦਾਂ ਨੂੰ ਭੋਜਨ ਦੇਣ ਵਿਚ ਖਰਚ ਕੀਤਾ ਜਾਵੇਗਾ। ਉਨ੍ਹਾਂ ਸਾਰੇ ਲੋਕਾਂ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੇ ਸਕੈਚ ਆਰਡਰ ਕਰਕੇ ਦਾਨ ਕੀਤਾ।