2022 ਵਿਚ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ 'Shehzada' ਫ਼ਿਲਮ ਦੀ ਸ਼ੂਟਿੰਗ ਹੋਈ ਸ਼ੁਰੂ
ਇਹ ਫ਼ਿਲਮ ਰੋਹਿਤ ਧਵਨ ਦੁਆਰਾ ਨਿਰਦੇਸ਼ਤ ਹੈ ਤੇ ਭੂਸ਼ਨ ਕੁਮਾਰ, ਅੱਲੂ ਅਰਵਿੰਦ ਅਤੇ ਅਮਨ ਗਿੱਲ ਇਸ ਫ਼ਿਲਮ ਦੇ ਨਿਰਮਾਤਾ ਹਨ।
ਮੁੰਬਈ: ਅਗਲੇ ਸਾਲ 4 ਨਵੰਬਰ 2022 ਨੂੰ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋਣ ਜਾ ਰਹੀ 'ਸ਼ਹਿਜ਼ਾਦਾ' (Shehzada Shooting Begins) ਫ਼ਿਲਮ ਦੀ ਸ਼ੂਟਿੰਗ ਕੱਲ੍ਹ ਮੁੰਬਈ ਵਿਚ ਇੱਕ ਵਿਸ਼ਾਲ ਸੈੱਟ 'ਤੇ ਸ਼ੁਰੂ ਹੋ ਚੁੱਕੀ ਹੈ। ਇਸ ਵਿਚ ਕਾਰਤਿਕ ਆਰੀਅਨ, ਕ੍ਰਿਤੀ ਸੈਨਨ, ਪਰੇਸ਼ ਰਾਵਲ, ਮਨੀਸ਼ਾ ਕੋਇਰਾਲਾ, ਰੋਨਿਤ ਰਾਏ ਅਤੇ ਸਚਿਨ ਖੇਡੇਕਰ ਮੁੱਖ ਭੂਮਿਕਾ ਨਿਭਾਉਂਦੇ ਹੋਏ ਨਜ਼ਰ ਆਉਣਗੇ। ਇਹ ਫ਼ਿਲਮ ਰੋਹਿਤ ਧਵਨ ਦੁਆਰਾ ਨਿਰਦੇਸ਼ਤ ਹੈ ਅਤੇ ਭੂਸ਼ਨ ਕੁਮਾਰ, ਅੱਲੂ ਅਰਵਿੰਦ ਅਤੇ ਅਮਨ ਗਿੱਲ ਇਸ ਫ਼ਿਲਮ ਦੇ ਨਿਰਮਾਤਾ ਹਨ।
'ਸ਼ਹਿਜ਼ਾਦਾ' ਇੱਕ ਐਕਸ਼ਨ, ਸੰਗੀਤਕ ਅਤੇ ਪਰਿਵਾਰਕ ਫ਼ਿਲਮ ਹੈ, ਜਿਸ ਦੀ ਸ਼ੂਟਿੰਗ ਅਗਲੇ ਕਈ ਮਹੀਨਿਆਂ ਵਿਚ ਮੁੰਬਈ ਅਤੇ ਦਿੱਲੀ ਵਿਚ ਵੱਖ -ਵੱਖ ਕਾਰਜਕ੍ਰਮਾਂ 'ਤੇ ਕੀਤੀ ਜਾਏਗੀ। ਰੋਹਿਤ ਧਵਨ ਇੱਕ ਵਾਰ ਫਿਰ ਸੰਗੀਤ ਨਿਰਦੇਸ਼ਕ ਪ੍ਰੀਤਮ ਦੇ ਨਾਲ ਮਿਲ ਕੇ ਸਾਡੇ ਲਈ ਨਵੇਂ ਅਤੇ ਸ਼ਾਨਦਾਰ ਗੀਤ ਲਿਆਉਣ ਜਾ ਰਹੇ ਹਨ। ਨਿਰਮਾਤਾਵਾਂ ਅਤੇ ਕਲਾਕਾਰਾਂ ਨੇ ਅੱਜ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਫ਼ਿਲਮ ਦਾ ਲੋਗੋ ਜਾਰੀ ਕੀਤਾ ਹੈ, ਜਿਸ ਤੋਂ ਫ਼ਿਲਮ ਦੀ ਝਲਕ ਵੇਖਣ ਨੂੰ ਮਿਲਦੀ ਹੈ। ਇਸ ਦੇ ਨਾਲ ਹੀ ਫ਼ਿਲਮ ਦੇ ਸਿਨੇਮਾ ਘਰਾਂ ਵਿਚ ਰਿਲੀਜ਼ ਹੋਣ ਦੀ ਤਰੀਕ, 4 ਨਵੰਬਰ 2022 ਦੀ ਘੋਸ਼ਣਾ ਕੀਤੀ ਜਾਂਦੀ ਹੈ।
ਨਿਰਮਾਤਾ ਭੂਸ਼ਣ ਕੁਮਾਰ ਦਾ ਕਹਿਣਾ ਹੈ ਕਿ “ਮੈਂ ਲੰਬੇ ਸਮੇਂ ਤੋਂ ਇੱਕ ਵੱਡੇ ਪੱਧਰ 'ਤੇ ਫੈਮਿਲੀ ਐਕਸ਼ਨ ਨਾਲ ਭਰੀ ਅਤੇ ਸੰਗੀਤਕ ਫ਼ਿਲਮ ਬਣਾਉਣਾ ਚਾਹੁੰਦਾ ਸੀ, ਮੈਂ ਰੋਹਿਤ ਧਵਨ, ਅੱਲੂ ਅਰਵਿੰਦ ਅਤੇ ਅਮਨ ਗਿੱਲ ਦੇ ਨਾਲ ਮਿਲ ਕੇ ਇਸ ਫ਼ਿਲਮ ’ਤੇ ਕੰਮ ਕਰਨ ਲਈ ਉਤਸ਼ਾਹਿਤ ਹਾਂ। ਮੈਂ ਉਤਸੁਕਤਾ ਨਾਲ ਵੇਖ ਰਿਹਾ ਹਾਂ ਕਾਰਤਿਕ, ਕ੍ਰਿਤੀ, ਪ੍ਰੀਤਮ ਅਤੇ ਬਾਕੀ ਟੀਮ 'ਸ਼ਹਿਜ਼ਾਦਾ' ਵਿਚ ਵਧੀਆਂ ਭੁਮਿਕਾ ਨਿਭਾਉਣਗੇ ਅਤੇ ਫ਼ਿਲਮ ਨੂੰ ਕਾਮਯਾਬ ਬਣਾਉਣਗੇ।”
ਨਿਰਮਾਤਾ ਅਮਨ ਗਿੱਲ ਦਾ ਕਹਿਣਾ ਹੈ, “ਰੋਹਿਤ ਪਿਛਲੇ ਸਾਲ ਤੋਂ ਸਭ ਤੋਂ ਵੱਧ ਸੰਭਵ ਤਰੀਕੇ ਨਾਲ ‘ਸ਼ਹਿਜ਼ਾਦਾ’ ਨੂੰ ਬਣਾਉਣ ਲਈ ਮਿਹਨਤ ਅਤੇ ਲਗਨ ਨਾਲ ਕੰਮ ਕਰ ਰਿਹਾ ਹੈ, ਅਸੀਂ ਸਾਰੇ ਅਗਲੇ ਸਾਲ ਸਿਨੇਮਾਘਰਾਂ ਵਿਚ ਇਸ ਫਿਲਮ ਨੂੰ ਵੱਡੇ ਪਰਦੇ ‘ਤੇ ਦਰਸ਼ਕਾਂ ਦੇ ਸਾਹਮਣੇ ਲਿਆਉਣ ਲਈ ਉਤਸ਼ਾਹਿਤ ਹਾਂ। ਅੱਲੂ ਸਰ ਅਤੇ ਮੈਂ ਇਸ ਫ਼ਿਲਮ ਲਈ ਭੂਸ਼ਣ ਜੀ ਦੇ ਨਾਲ ਮਿਲ ਕੇ ਬਹੁਤ ਖੁਸ਼ ਹਾਂ।”