ਇਟਲੀ 'ਚ ਕੋਂਕਣੀ ਰੀਤੀ - ਰਿਵਾਜ ਨਾਲ ਹੋਇਆ ਦੀਪਿਕਾ ਪਾਦੁਕੋਣ ਦਾ ਵਿਆਹ
ਬਾਲੀਵੁਡ ਦੀ ਮਸਤਾਨੀ ਦੀਪੀਕਾ ਪਾਦੁਕੋਣ ਨੂੰ ਆਪਣਾ ਹਮਸਫ਼ਰ ਮਿਲ ਹੀ ਗਿਆ। ਦੀਪੀਕਾ ਪਾਦੁਕੋਣ ਅਤੇ ਰਣਵੀਰ ਸਿੰਘ ਆਖ਼ਿਰਕਾਰ ਇਟਲੀ ਵਿਚ ਵਿਆਹ ਦੇ ਬੰਧਨ ਵਿਚ ਬੰਨ੍ਹੇ ...
ਮੁੰਬਈ (ਭਾਸ਼ਾ): ਬਾਲੀਵੁਡ ਦੀ ਮਸਤਾਨੀ ਦੀਪੀਕਾ ਪਾਦੁਕੋਣ ਨੂੰ ਆਪਣਾ ਹਮਸਫ਼ਰ ਮਿਲ ਹੀ ਗਿਆ। ਦੀਪੀਕਾ ਪਾਦੁਕੋਣ ਅਤੇ ਰਣਵੀਰ ਸਿੰਘ ਆਖ਼ਿਰਕਾਰ ਇਟਲੀ ਵਿਚ ਵਿਆਹ ਦੇ ਬੰਧਨ ਵਿਚ ਬੰਨ੍ਹੇ ਗਏ ਹਨ।
ਦੀਪਿਕਾ ਅਤੇ ਰਣਵੀਰ ਨੇ ਅੱਜ ਇਟਲੀ ਦੇ 'ਲੇਕ ਕੋਮਾਂ' ਵਿਚ ਕੋਂਕਣੀ ਰੀਤੀ - ਰਿਵਾਜ ਨਾਲ ਵਿਆਹ ਕਰ ਲਿਆ ਹੈ। ਦੱਸ ਦਈਏ ਕਿ ਇਹ ਕਪਲ ਕੱਲ ਮਤਲਬ 15 ਨਵੰਬਰ ਨੂੰ ਇਕ ਵਾਰ ਫਿਰ ਵਿਆਹ ਕਰੇਗਾ ਅਤੇ ਇਸ ਵਾਰ ਇਹ ਵਿਆਹ ਸਿੰਧੀ ਰੀਤੀ - ਰਿਵਾਜ ਨਾਲ ਹੋਵੇਗਾ।
ਜਾਣਕਾਰੀ ਦੇ ਅਨੁਸਾਰ ਅੱਜ ਦੇ ਵਿਆਹ ਵਿਚ ਦੀਪਿਕਾ ਨੇ ਸਫੇਦ ਅਤੇ ਗੋਲਡਨ ਸਾੜ੍ਹੀ ਪਹਿਨੀ ਹੈ। ਇਸ ਜੋੜੀ ਨੇ ਅਪਣੇ ਇਸ ਵਿਆਹ ਨੂੰ ਪੂਰੀ ਤਰ੍ਹਾਂ ਪ੍ਰਾਈਵੇਟ ਰੱਖਣ ਦੀ ਕੋਸ਼ਿਸ਼ ਕੀਤੀ ਹੈ। ਇਸ ਵਿਆਹ ਦੀ ਇਕ ਵੀ ਝਲਕ ਅਜੇ ਤੱਕ ਸਾਹਮਣੇ ਨਹੀਂ ਆਈ ਹੈ। ਇਕ ਵੇਬਪੋਰਟਲ ਦੀ ਖਬਰ ਦੇ ਅਨੁਸਾਰ ਦੀਪਿਕਾ ਅਤੇ ਰਣਵੀਰ ਚਾਹੁੰਦੇ ਹਨ ਕਿ ਉਹ ਆਪਣੇ ਵਿਆਹ ਦੀ ਪਹਿਲੀ ਫੋਟੋ ਸ਼ੇਅਰ ਨਾ ਕਰਨ, ਇਸ ਲਈ ਉਨ੍ਹਾਂ ਨੇ ਆਪਣੇ ਕਿਸੇ ਵੀ ਦੋਸਤ ਨੂੰ ਵਿਆਹ ਦੀ ਫੋਟੋ ਸ਼ੇਅਰ ਨਾ ਕਰਣ ਦੀ ਅਪੀਲ ਕੀਤੀ ਹੈ।
ਇਸ ਵਿਆਹ ਦੇ ਤੁਰੰਤ ਬਾਅਦ ਰਣਵੀਰ ਅਤੇ ਦੀਪਿਕਾ ਦੇ ਖ਼ਾਸ ਦੋਸਤ ਅਤੇ ਫਿਲਮ ਮੇਕਰ ਕਰਣ ਜੌਹਰ ਨੇ ਇਸ ਜੋੜੀ ਨੂੰ ਵਧਾਈ ਦਿੰਦੇ ਹੋਏ ਲਿਖਿਆ ਹੈ, ਖੂਬਸੂਰਤ ਜੋੜੀ ਹੈ। ਨਜ਼ਰ ਉਤਾਰ ਲਓ। ਦੀਪੀਕਾ ਪਾਦੁਕੋਣ ਅਤੇ ਰਣਵੀਰ ਸਿੰਘ ਵਧਾਈ ਹੋਵੇ, ਤੁਹਾਡਾ ਜੀਵਨ ਖੁਸ਼ੀਆਂ ਨਾਲ ਭਰਿਆ ਹੋਵੇ।
ਕਰਣ ਜੌਹਰ ਦੇ ਇਸ ਟਵੀਟ ਨੇ ਫੈਂਸ ਦਾ ਉਤਸਾਹ ਹੋਰ ਵੀ ਵਧਾ ਦਿੱਤਾ ਹੈ ਕਿਓਂ ਕਿ ਹਰ ਕੋਈ ਇਸ ਜੋੜੀ ਦੇ ਵਿਆਹ ਦੀਆਂ ਤਸਵੀਰਾਂ ਵੇਖਣਾ ਚਾਹੁੰਦਾ ਹੈ। ਦੱਸ ਦਈਏ ਕਿ ਕੱਲ ਯਾਨੀ ਵੀਰਵਾਰ ਨੂੰ ਸਿੰਧੀ ਰੀਤੀ - ਰਿਵਾਜ ਨਾਲ ਇਟਲੀ ਵਿਚ ਹੀ ਇਕ ਵਾਰ ਫਿਰ ਇਹਨਾਂ ਦਾ ਵਿਆਹ ਹੋਵੇਗਾ। ਇਸ ਵਿਆਹ ਵਿਚ ਦੀਪਿਕਾ ਰੈਡ ਅਤੇ ਗੋਲਡਨ ਕਲਰ ਦੇ ਡਿਜਾਇਨਰ ਸਬਯਸਾਚੀ ਦੇ ਲੇਹੰਗੇ ਵਿਚ ਨਜ਼ਰ ਆਏਗੀ।