Bollywood News: ਵਿੱਕੀ ਕੌਸ਼ਲ ਦੀ 'ਛਾਵਾ' ਨੇ ਦੁਨੀਆ ਭਰ ਦੇ ਬਾਕਸ ਆਫਿਸ 'ਤੇ ਪਹਿਲੇ ਦਿਨ ਕਮਾਏ 50 ਕਰੋੜ ਰੁਪਏ
ਮੈਡੌਕ ਫਿਲਮਜ਼ ਨੇ ਸ਼ਨੀਵਾਰ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਕਿਹਾ ਕਿ ਛਾਵਾ ਨੇ 50 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।
Bollywood News: ਵਿੱਕੀ ਕੌਸ਼ਲ ਦੀ ਇਤਿਹਾਸਕ ਐਕਸ਼ਨ ਫਿਲਮ 'ਛਾਵਾ' ਨੇ ਆਪਣੇ ਪਹਿਲੇ ਦਿਨ ਦੁਨੀਆ ਭਰ ਦੇ ਬਾਕਸ ਆਫਿਸ 'ਤੇ 50 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਫਿਲਮ ਨਿਰਮਾਤਾਵਾਂ ਨੇ ਸ਼ਨੀਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਲਕਸ਼ਮਣ ਉਤੇਕਰ ਦੁਆਰਾ ਨਿਰਦੇਸ਼ਤ, ਇਹ ਫਿਲਮ ਦਿਨੇਸ਼ ਵਿਜਨ ਦੁਆਰਾ ਆਪਣੇ ਬੈਨਰ 'ਮੈਡੌਕ ਫਿਲਮਜ਼' ਹੇਠ ਬਣਾਈ ਗਈ ਹੈ।
ਰਸ਼ਮੀਕਾ ਮੰਡਾਨਾ ਅਤੇ ਅਕਸ਼ੈ ਖੰਨਾ ਅਭਿਨੀਤ ਇਹ ਫਿਲਮ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ।
ਮੈਡੌਕ ਫਿਲਮਜ਼ ਨੇ ਸ਼ਨੀਵਾਰ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਕਿਹਾ ਕਿ ਛਾਵਾ ਨੇ 50 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।
ਸਟੂਡੀਓ ਨੇ ਲਿਖਿਆ, "ਇਹ 'ਛਾਵਾ ਕੀ ਗਰਜ' ਹੈ। ਇੱਕ ਸੱਚੇ ਯੋਧੇ ਰਾਜੇ ਵਾਂਗ ਗਰਜੋ! ਇਤਿਹਾਸ 'ਤੇ ਆਧਾਰਿਤ ਕਿਸੇ ਹਿੰਦੀ ਫਿਲਮ ਲਈ ਹੁਣ ਤਕ ਦੀ ਸਭ ਤੋਂ ਵੱਡੀ ਓਪਨਿੰਗ। ਹੁਣੇ ਆਪਣੀਆਂ ਟਿਕਟਾਂ ਬੁੱਕ ਕਰੋ।"
ਉਨ੍ਹਾਂ ਨੇ ਇੱਕ 'ਪੋਸਟਰ' ਸਾਂਝਾ ਕੀਤਾ ਅਤੇ ਦੱਸਿਆ ਕਿ ਫ਼ਿਲਮ ਨੇ ਆਪਣੇ ਪਹਿਲੇ ਦਿਨ ਵਿਸ਼ਵ ਪੱਧਰ 'ਤੇ 50 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।
ਨਿਰਮਾਤਾਵਾਂ ਦੇ ਅਨੁਸਾਰ, ਫਿਲਮ ਨੇ ਘਰੇਲੂ ਬਾਕਸ ਆਫਿਸ 'ਤੇ 33.1 ਕਰੋੜ ਰੁ. ਦੀ ਕਮਾਈ ਕੀਤੀ ਹੈ।
ਕੌਸ਼ਲ ਦੀਆਂ ਫ਼ਿਲਮਾਂ 'ਸਰਦਾਰ ਊਧਮ' ਅਤੇ 'ਸੈਮ ਬਹਾਦੁਰ' ਵੀ ਜੀਵਨੀਆਂ 'ਤੇ ਆਧਾਰਿਤ ਸਨ।
ਫਿਲਮ ਵਿੱਚ, ਕੌਸ਼ਲ ਮਰਾਠਾ ਸਮਰਾਟ ਛਤਰਪਤੀ ਸੰਭਾਜੀ ਮਹਾਰਾਜ ਦੀ ਭੂਮਿਕਾ ਨਿਭਾਉਂਦੇ ਹਨ, ਜੋ ਕਿ ਮਰਾਠਾ ਸਾਮਰਾਜ ਦੇ ਸੰਸਥਾਪਕ ਛਤਰਪਤੀ ਸ਼ਿਵਾਜੀ ਮਹਾਰਾਜ ਦੇ ਪੁੱਤਰ ਹਨ।
ਮੰਡਾਨਾ ਸੰਭਾਜੀ ਮਹਾਰਾਜ ਦੀ ਪਤਨੀ ਮਹਾਰਾਣੀ ਯੇਸੂਬਾਈ ਦੀ ਭੂਮਿਕਾ ਨਿਭਾਉਂਦੇ ਹਨ, ਅਤੇ ਖੰਨਾ ਔਰੰਗਜ਼ੇਬ ਦੀ ਭੂਮਿਕਾ ਨਿਭਾਉਂਦੇ ਹਨ।
ਫਿਲਮ ਵਿੱਚ ਡਾਇਨਾ ਪੈਂਟੀ, ਆਸ਼ੂਤੋਸ਼ ਰਾਣਾ ਅਤੇ ਵਿਨੀਤ ਕੁਮਾਰ ਸਿੰਘ ਨੇ ਵੀ ਮਹੱਤਵਪੂਰਨ ਭੂਮਿਕਾਵਾਂ ਨਿਭਾਈਆਂ ਹਨ।