ਇਸ ਸੰਗੀਤ ਨਿਰਦੇਸ਼ਕ ਨੂੰ ਤਿੰਨ ਆਂਡਿਆਂ ਲਈ ਦੇਣੇ ਪਏ 1600 ਰੁਪਏ
ਬਾਲੀਵੁੱਡ ਦੇ ਮਸ਼ਹੂਰ ਸੰਗੀਤ ਨਿਰਦੇਸ਼ਕ ਸ਼ੇਖਰ ਰਵਜਿਯਾਨੀ ਅਪਣੇ ਸੁਪਰਹਿੱਟ ਗਾਣਿਆਂ ਲਈ ਜਾਣੇ ਜਾਂਦੇ ਹਨ।
ਨਵੀਂ ਦਿੱਲੀ: ਬਾਲੀਵੁੱਡ ਦੇ ਮਸ਼ਹੂਰ ਸੰਗੀਤ ਨਿਰਦੇਸ਼ਕ ਸ਼ੇਖਰ ਰਵਜਿਯਾਨੀ ਅਪਣੇ ਸੁਪਰਹਿੱਟ ਗਾਣਿਆਂ ਲਈ ਜਾਣੇ ਜਾਂਦੇ ਹਨ। ਉਹਨਾਂ ਦੀ ਅਤੇ ਵਿਸ਼ਾਲ ਡਡਲਾਨੀ ਦੀ ਜੋੜੀ ਨੇ ਬਾਲੀਵੁੱਡ ਨੂੰ ਕਈ ਸੁਪਰਹਿੱਟ ਗਾਣੇ ਦਿੱਤੇ ਹਨ। ਦੋਵਾਂ ਨੂੰ ਵਿਸ਼ਾਲ-ਸ਼ੇਖਰ ਦੇ ਨਾਂਅ ਨਾਲ ਵੀ ਜਾਣਿਆ ਜਾਂਦਾ ਹੈ। ਸ਼ੇਖਰ ਨੇ ਹਾਲ ਹੀ ਵਿਚ ਇਕ ਟਵੀਟ ਕੀਤਾ ਹੈ, ਜੋ ਕਾਫ਼ੀ ਸੁਰਖੀਆਂ ਬਟੋਰ ਰਿਹਾ ਹੈ।
ਉਹਨਾਂ ਨੇ ਇਸ ਟਵੀਟ ਵਿਚ ਇਕ ਹੋਟਲ ਦਾ ਜ਼ਿਕਰ ਕੀਤਾ ਹੈ, ਜਿਸ ਨੇ ਤਿੰਨ ਉਬਲੇ ਆਂਡਿਆਂ ਲਈ ਉਹਨਾਂ ਤੋਂ ਕਾਫ਼ੀ ਜ਼ਿਆਦਾ ਪੈਸੇ ਵਸੂਲੇ ਹਨ। ਸ਼ੇਖਰ ਨੇ ਟਵੀਟ ਕਰਕੇ ਲਿਖਿਆ, ‘3 ਉਬਲੇ ਹੋਏ ਆਂਡਿਆਂ ਲਈ 1672 ਰੁਪਏ? ਇਹ ਕਾਫ਼ੀ ਮਹਿੰਗੇ ਪਏ’। ਉਹਨਾਂ ਨੇ ਅਪਣੇ ਫੈਨਜ਼ ਨੂੰ ਦੱਸਿਆ ਕਿ ਕਿਵੇਂ ਇਕ ਹੋਟਲ ਨੇ ਉਹਨਾਂ ਤੋਂ ਤਿੰਨ ਆਂਡਿਆਂ ਲਈ ਐਨੇ ਪੈਸੇ ਵਸੂਲ ਲਏ।
ਸ਼ੇਖਰ ਨੇ ਟਵੀਟ ਵਿਚ ਹੋਟਲ ਦਾ ਬਿੱਲ ਵੀ ਸ਼ੇਅਰ ਕੀਤਾ। ਸ਼ੇਖਰ ਦੇ ਟਵੀਟ ‘ਤੇ ਲੋਕਾਂ ਦੀ ਕਾਫ਼ੀ ਪ੍ਰਤੀਕਿਰਿਆ ਆ ਰਹੀ ਹੈ ਅਤੇ ਉਹਨਾਂ ਦਾ ਟਵੀਟ ਵੀ ਵਾਇਰਲ ਹੋ ਰਿਹਾ ਹੈ। ਇਸ ਤੋਂ ਪਹਿਲਾਂ ਵੀ ਬਾਲੀਵੁੱਡ ਅਦਾਕਾਰ ਰਾਹੁਲ ਬੋਸ ਨੂੰ ਵੀ ਕੇਲਿਆਂ ਲਈ ਕਾਫ਼ੀ ਜ਼ਿਆਦਾ ਪੈਸੇ ਦੇਣੇ ਪਏ ਸੀ। ਇਸ ਤੋਂ ਬਾਅਦ ਉਸ ਹੋਟਲ ਵਿਰੁੱਧ ਕਾਰਵਾਈ ਦੀ ਮੰਗ ਵੀ ਕੀਤੀ ਗਈ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।