Ram Charan For Oscars Trends on twitter

 

ਮੁੰਬਈ:  ਐਸਐਸ ਰਾਜਾਮੌਲੀ ਦੀ ਫ਼ਿਲਮ ਆਰਆਰਆਰ ਦੀ ਹਰ ਪਾਸੇ ਚਰਚਾ ਰਹੀ। ਫਿਲਮ ਵਿਚ ਰਾਮ ਚਰਨ ਅਤੇ ਜੂਨੀਅਰ ਐਨਟੀਆਰ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ, ਜਿਨ੍ਹਾਂ ਦਾ ਅਮਰੀਕਾ ਵਿਚ ਕਈ ਮੈਗਜ਼ੀਨਾਂ ਅਤੇ ਨਿਊਜ਼ ਪੋਰਟਲਾਂ ਦੁਆਰਾ ਜਾਰੀ ਕੀਤੀ ਗਈ ਆਸਕਰ 2023 ਨਾਮਜ਼ਦਗੀਆਂ ਦੀ ਭਵਿੱਖਬਾਣੀ ਸੂਚੀ ਵਿਚ ਜ਼ਿਕਰ ਦੇਖਣ ਨੂੰ ਮਿਲਿਆ ਹੈ।

ਹਾਲ ਹੀ ਵਿਚ ਇਕ ਵਾਰ ਫਿਰ ਅਗਲੇ ਸਾਲ ਆਸਕਰ ਲਈ ਸਰਬੋਤਮ ਅਭਿਨੇਤਾ ਸ਼੍ਰੇਣੀ ਵਿਚ ਰਾਮ ਚਰਨ ਨੂੰ ਨਾਮਜ਼ਦ ਕਰਨ ਦੀਆਂ ਖ਼ਬਰਾਂ ਸਾਹਮਣੇ ਆਈਆਂ ਹਨ। ਇਸ ਤੋਂ ਬਾਅਦ ਸੋਸ਼ਲ ਮੀਡੀਆ ’ਤੇ ਅਦਾਕਾਰ ਦੇ ਪ੍ਰਸ਼ੰਸਕਾਂ ਵਿਚ ਖੁਸ਼ੀ ਦੀ ਲਹਿਰ ਹੈ।   ਪ੍ਰਸ਼ੰਸਕਾਂ ਨੇ ਅਭਿਨੇਤਾ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਪ੍ਰਸ਼ੰਸਾ ਕੀਤੀ ਹੈ। ਇਸ ਤੋਂ ਪਹਿਲਾਂ ਮੈਗਜ਼ੀਨ ਨੇ ਆਸਕਰ ਸੂਚੀ ਵਿਚ ਜੂਨੀਅਰ ਐਨਟੀਆਰ ਦੀਆਂ ਨਾਮਜ਼ਦਗੀਆਂ ਦੀ ਵੀ ਭਵਿੱਖਬਾਣੀ ਕੀਤੀ ਸੀ।

ਵੈਰਾਇਟੀ ਦੀ ਆਸਕਰ ਨਾਮਜ਼ਦਗੀਆਂ ਦੀ ਪੂਰਵ-ਅਨੁਮਾਨ ਸੂਚੀ ਵਿਚ ਰਾਮ ਚਰਨ ਦਾ ਨਾਂਅ ਕਾਫੀ ਵਾਇਰਲ ਹੋ ਰਿਹਾ ਹੈ। ਪ੍ਰਸ਼ੰਸਕਾਂ ਦੇ ਟਵੀਟਸ ਨਾਲ ਟਵਿੱਟਰ 'ਤੇ #RamCharanForOscars ਟਰੈਂਡ ਕਰ ਰਿਹਾ ਹੈ।