ਦਿਸ਼ਾ ਪਟਾਨੀ ਨੂੰ ਦੇਖੋਂ ਕਿਹੜਾ ਸਫ਼ਲਤਾ ਮੰਤਰ ਮਿਲਿਆ

Look what success key Disha Patani got

ਬਾਗ਼ੀ-2 ਦੀ ਸਫ਼ਲਤਾ ਤੋਂ ਬਾਅਦ ਅਭਿਨੇਤਰੀ ਦਿਸ਼ਾ ਪਟਾਨੀ ਦੇ ਹੱਥ ਇਕ ਹੋਰ ਵੱਡੀ ਫ਼ਿਲਮ ਮਿਲਣ ਦੀ ਖ਼ਬਰ ਮਿਲੀ ਹੈ। ਦਿਸ਼ਾ ਪਟਾਨੀ ਬਾਲੀਵੁਡ ਦੇ ਸੁਪਰਹੀਰੋ ਸਲਮਾਨ ਖ਼ਾਨ ਨਾਲ ਕੰਮ ਕਰਨ ਜਾ ਰਹੀ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਦਿਸ਼ਾ ਪਟਾਨੀ ਨੂੰ ਸਲਮਾਨ ਖਾਨ ਅਤੇ ਪ੍ਰਿਯੰਕਾ ਚੋਪੜਾ ਸਟਾਰਰ ਫ਼ਿਲਮ 'ਭਾਰਤ' ਲਈ ਕਾਸਟ ਕੀਤਾ ਗਿਆ ਹੈ।

ਜੇਕਰ ਇਹ ਖ਼ਬਰ ਸੱਚ ਨਿਕਲੀ ਤਾਂ ਦਿਸ਼ਾ ਪਟਾਨੀ ਲਈ ਕਿਸਮਤ ਬਦਲ ਜਾਵੇਗੀ। ਕਿਉਂਕਿ ਫ਼ਿਲਮ ਇੰਡਸਟਰੀ 'ਚ ਸਲਮਾਨ ਖਾਨ ਨਾਲ ਕੰਮ ਕਰਨਾ ਲੰਬੇ ਸਮੇਂ ਤੋਂ ਸਫ਼ਲ ਮੰਤਰਾ ਬਣ ਗਿਆ ਹੈ।

ਜ਼ਿਕਰਯੋਗ ਹੈ ਕਿ ਦਿਸ਼ਾ ਨੂੰ ਜਿਸ ਰੋਲ ਲਈ ਪੇਸ਼ ਕੀਤਾ ਗਿਆ ਹੈ ਉਸ ਰੋਲ ਲਈ ਸ਼ਰਧਾ ਕਪੂਰ ਨੂੰ ਚੁਣਿਆ ਗਿਆ ਸੀ। ਫਿਲਹਾਲ ਫ਼ਿਲਮ ਬਣਾਉਣ ਵਾਲਿਆਂ ਵਲੋਂ ਹਾਲੇ ਤਕ ਦਿਸ਼ਾ ਦਾ ਨਾਂ ਅਧਿਕਾਰਿਕ ਤੌਰ 'ਤੇ ਐਲਾਨ ਨਹੀਂ ਕੀਤਾ ਗਿਆ ਹੈ। 

ਭਾਰਤ-ਪਾਕਿਸਤਾਨ ਦੀ ਵੰਡ 'ਤੇ ਆਧਾਰਿਤ ਫ਼ਿਲਮ 'ਭਾਰਤ' 'ਚ 70 ਸਾਲਾਂ ਦਾ ਇਤਿਹਾਸ ਦਰਸਾਇਆ ਜਾਏਗਾ। ਫ਼ਿਲਮ ਦੀ ਸ਼ੂਟਿੰਗ ਭਾਰਤ ਸਰਹੱਦ ਦੇ ਨਾਲ ਨਾਲ ਪਾਕਿਸਤਾਨ ਸਰਹੱਦ 'ਤੇ ਵੀ ਹੋਵੇਗੀ।

ਫਿਲਹਾਲ ਫ਼ਿਲਮ ਦੇ ਡਾਇਰੈਕਟਰ ਅਲੀ ਅੱਬਾਸ ਜਫ਼ਰ ਬਾਰਡਰ 'ਤੇ ਸਹੀ ਲੋਕੇਸ਼ਨ ਲੱਭ ਰਹੇ ਹਨ। ਫ਼ਿਲਮ ਨੂੰ ਅਗਲੇ ਸਾਲ 2019 'ਚ ਈਦ ਦੇ ਮੌਕੇ ਰਿਲੀਜ਼ ਕਰਨ ਦੀ ਯੋਜਨਾ ਹੈ।