10 ਮਹੀਨੇ ਬਾਅਦ ਦੁਬਈ ਜੇਲ੍ਹ ਤੋਂ ਰਿਹਾਅ ਹੋਈ ਅਦਾਕਾਰ ਅਮਿਤ ਟੰਡਨ ਦੀ ਪਤਨੀ

Ruby Tandon Out Of Jail

ਅਦਾਕਾਰ ਅਮਿਤ ਟੰਡਨ ਦੀ ਪਤਨੀ ਰੂਬੀ ਟੰਡਨ ਆਖ਼ਿਰਕਾਰ ਦੁਬਈ ਦੀ ਜੇਲ੍ਹ ਤੋਂ ਬਾਹਰ ਆ ਗਈ ਹੈ। ਉਹ 10 ਮਹੀਨੇ ਬਾਅਦ ਆਪਣੀ 7 ਸਾਲ ਦੀ ਧੀ ਨਾਲ ਮਿਲੀ ਹੈ। ਸਪੋਟਬੋਏ ਦੀ ਖ਼ਬਰ ਮੁਤਾਬਕ, ਰੂਬੀ ਜੇਲ੍ਹ ਤੋਂ ਬਾਹਰ ਆ ਚੁਕੀ ਹੈ। ਬਸ ਕੁੱਝ ਕਾਨੂੰਨੀ ਰਸਮਾਂ ਨੂੰ ਪੂਰਾ ਕਰਨਾ ਬਾਕੀ ਹੈ। ਅਮਿਤ ਟੰਡਨ ਅਤੇ ਉਨ੍ਹਾਂ ਦੀ ਧੀ ਫਿਲਹਾਲ ਦੁਬਈ ਵਿਚ ਹੀ ਹਨ। 

ਦਸ ਦਈਏ ਕਿ ਅਦਾਕਾਰ ਅਮਿਤ ਟੰਡਨ ਪਤਨੀ ਨਾਲ ਮਿਲਣ ਅਕਸਰ ਦੁਬਈ ਦੀ ਜੇਲ੍ਹ ਵਿਚ ਜਾਇਆ ਕਰਦਾ ਸਨ। ਰੂਬੀ ਦੀ ਗ੍ਰਿਫ਼ਤਾਰੀ 10 ਮਹੀਨੇ ਪਹਿਲਾਂ ਹੋਈ ਸੀ। ਮੁਸ਼ਕਲ ਘੜੀ ਵਿਚ ਅਮਿਤ ਨੇ ਪਤਨੀ ਨੂੰ ਸਲਾਖਾਂ ਤੋਂ ਬਾਹਰ ਕੱਢਣ ਵਿਚ ਕੋਈ ਕਸਰ ਨਹੀਂ ਛੱਡੀ ਸੀ। 

ਰੂਬੀ ਨੂੰ ਦੁਬਈ ਜੇਲ੍ਹ ਵਿਚ ਮੌਨੀ ਰਾਏ ਮਿਲਣ ਗਈ ਸੀ। ਸੂਤਰਾਂ ਮੁਤਾਬਕ ਰੂਬੀ ਅਤੇ ਮੌਨੀ ਵਿਚ ਗੂੜੀ ਦੋਸਤੀ ਹੈ। ਦਸ ਦਈਏ ਕਿ ਰੂਬੀ ਦੁਬਈ ਹੈਲਥ ਅਥਾਰਿਟੀ ( DHA ) ਨੇ ਰੂਬੀ ਉਤੇ ਸਰਕਾਰੀ ਅਧਿਕਾਰੀਆਂ ਨੂੰ ਧਮਕਾਉਣ ਅਤੇ ਉਨ੍ਹਾਂ ਨਾਲ ਬਦਤਮੀਜ਼ੀ ਕਰਨ ਦਾ ਇਲਜ਼ਾਮ ਲਗਾਇਆ ਸੀ।  

ਅਮਿਤ ਟੰਡਨ ਅਤੇ ਰੂਬੀ ਦਾ ਵਿਆਹ 2007 ਵਿਚ ਹੋਇਆ ਸੀ ਅਤੇ ਇਸ ਜੋੜੀ ਦੀ ਇਕ 7 ਸਾਲ ਦੀ ਧੀ ਵੀ ਹੈ। ਰੂਬੀ ਦੇ ਜੇਲ੍ਹ ਜਾਣ ਤੋਂ ਪਹਿਲਾਂ ਦੋਨਾਂ ਦੇ ਵੱਖ ਹੋਣ ਦੀਆਂ ਖਬਰਾਂ ਵੀ ਆਈਆਂ ਸਨ।