Mauni Rai

ਮੁੰਬਈ : ਅਦਾਕਾਰਾ ਮੌਨੀ ਰਾਏ ਸੜਕ ਹਾਦਸੇ 'ਚ ਵਾਲ-ਵਾਲ ਬਚੀ ਹੈ। ਉਨ੍ਹਾਂ ਦੀ ਕਾਰ 'ਤੇ ਮੁੰਬਈ ਮੈਟਰੋ ਦੇ ਨਿਰਮਾਣ ਅਧੀਨ ਸਾਈਟ ਤੋਂ ਵੱਡਾ ਪੱਥਰ ਡਿੱਗ ਗਿਆ। ਹਾਦਸੇ 'ਚ ਮੌਨੀ ਦੇ ਕਾਰ ਦੀ ਸਨ ਰੂਫ ਟੁੱਟ ਗਈ। ਸ਼ੁੱਕਰ ਬਸ ਇੰਨਾ ਰਿਹਾ ਹੈ ਕਿ ਮੌਨੀ ਨੂੰ ਸੱਟ ਨਹੀਂ ਆਈ। ਮੌਨੀ ਨੇ ਟਵਿੱਟਰ 'ਤੇ ਵੀਡੀਓ ਪਾ ਕੇ ਮੁੰਬਈ ਮੈਟਰੋ ਨੂੰ ਫਟਕਾਰ ਲਗਾਈ ਹੈ।

 

 

ਅਦਾਕਾਰਾ ਨੇ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ, 'ਮੈਂ ਆਪਣੇ ਕੰਮ 'ਤੇ ਜਾ ਰਹੀ ਸੀ। ਜੁਹੂ ਸਿਗਨਲ 'ਤੇ ਇਕ ਵੱਡਾ ਜਿਹਾ ਪੱਥਰ ਕਾਰ 'ਤੇ ਡਿੱਗ ਗਿਆ। 11 ਮੰਜ਼ਿਲ ਦੀ ਉਚਾਈ ਤੋਂ। ਮੈਂ ਕੁਝ ਨਹੀਂ ਕਰ ਸਕਦੀ ਸੀ, ਪਰ ਸੋਚੋ ਜੇ ਕੋਈ ਸੜਕ ਤੋਂ ਲੰਘ ਰਿਹਾ ਹੁੰਦਾ ਤਾਂ ਕੀ ਹੁੰਦਾ। ਮੁੰਬਈ ਮੈਟਰੋ ਦੀ ਇਸ ਲਾਪਰਵਾਹੀ 'ਤੇ ਕੀ ਕੀਤਾ ਜਾਣਾ ਚਾਹੀਦਾ। ਕੋਈ ਸੁਝਾਅ ਹੋਵੇ ਤਾਂ ਜ਼ਰੂਰ ਦੱਸਿਓ।'

ਵੀਡੀਓ ਦੇਖ ਕੇ ਲੱਗ ਰਿਹਾ ਹੈ ਕਿ ਨਾਗਿਨ ਦੀ ਅਦਾਕਾਰਾ ਮੌਨੀ ਇਸ ਹਾਦਸੇ 'ਚ ਵਾਲ-ਵਾਲ ਬਚੀ ਹੈ। ਵੀਡੀਓ 'ਚ ਦਿਖਾਈ ਦੇ ਰਿਹਾ ਹੈ ਕਿ ਮੌਨੀ ਕਾਰ ਦੀ ਰੂਫ ਨੂੰ ਦਿਖਾ ਰਹੀ ਹੈ, ਜਿਸ 'ਤੇ ਪੱਥਰ ਡਿਗਿਆ ਹੈ। ਕਾਰ 'ਚ ਵੱਡਾ ਜਿਹਾ ਛੇਦ ਨਜ਼ਰ ਆ ਰਿਹਾ ਹੈ।