ਨੇਹਾ ਕੱਕੜ ਨੇ ਵਿਖਾਈ ਦਰਿਆਦਿਲੀ, ਕਰਜ਼ 'ਚ ਡੁੱਬੇ ਇਸ ਗੀਤਕਾਰ ਨੂੰ ਦਿੱਤੇ 5 ਲੱਖ ਰੁਪਏ
ਗਾਇਕਾ ਦੇ ਨਾਲ-ਨਾਲ ਇਕ ਚੰਗੀ ਇਨਸਾਨ ਵੀ ਹੈ ਨੇਹਾ
ਨਵੀਂ ਦਿੱਲੀ: ਬਾਲੀਵੁੱਡ ਦੀ ਮਸ਼ਹੂਰ ਗਾਇਕਾ ਨੇਹਾ ਕੱਕੜ ਇਕ ਚੰਗੀ ਗਾਇਕਾ ਦੇ ਨਾਲ-ਨਾਲ ਇਕ ਚੰਗੀ ਇਨਸਾਨ ਵੀ ਹੈ। ਨੇਹਾ ਕਿੰਨੀ ਭਾਵੁਕ ਅਤੇ ਖੁੱਲ੍ਹੇ ਦਿਲ ਦੀ ਹੈ ਇਸਦੀ ਝਲਕ ਇੰਡੀਅਨ ਆਈਡਲ ਦੇ ਸਟੇਜ 'ਤੇ ਨਜ਼ਰ ਆਉਂਦੀ ਹੈ।
ਹਾਲ ਹੀ ਵਿੱਚ ਨੇਹਾ ਨੇ ਇੱਕ ਵਾਰ ਫਿਰ ਆਪਣੀ ਦਰਿਆਦਿਲੀ ਦੀ ਉਦਾਹਰਣ ਪੇਸ਼ ਕਰਦੋ ਹੋਏ ਮਸ਼ਹੂਰ ਗੀਤਕਾਰ ਸੰਤੋਸ਼ ਆਨੰਦ ਦੀ ਸਹਾਇਤਾ ਕੀਤੀ। ਜਿਸ ਤੋਂ ਬਾਅਦ ਉਸਨੂੰ ਹਰ ਪਾਸੇ ਪ੍ਰਸੰਸਾ ਮਿਲ ਰਹੀ ਹੈ।
ਨੇਹਾ ਦੀ ਦਰਿਆਦਿਲੀ
ਹਾਲ ਹੀ ਵਿੱਚ, ਇੰਡੀਅਨ ਆਈਡਲ ਦੇ ਸੈੱਟ ਉੱਤੇ ਮਿਊਜ਼ਿਕ ਡਾਇਰੈਕਟਰ ਪਿਆਰੇਲਾਲ ਨਾਲ ਗੀਤਕਾਰ ਸੰਤੋਸ਼ ਆਨੰਦ ਆਏ ਸਨ। ਸੰਤੋਸ਼ ਆਨੰਦ ਨੇ ਦੱਸਿਆ ਸੀ ਕਿ ਉਹ ਵਿੱਤੀ ਤੌਰ 'ਤੇ ਬਹੁਤ ਕਮਜ਼ੋਰ ਹੋ ਗਏ ਹਨ ਉਨ੍ਹਾਂ 'ਤੇ ਬਹੁਤ ਸਾਰਾ ਕਰਜ਼ਾ ਹੈ ਅਤੇ ਨਿਰੰਤਰ ਮੁਸੀਬਤਾਂ ਵਿਚ ਘਿਰ ਰਹੇ ਹਨ।
ਉਹਨਾਂ ਦੀ ਇਹ ਸਥਿਤੀ ਵੇਖ ਕੇ ਨੇਹਾ ਕੱਕੜ ਕਾਫੀ ਬਹੁਤ ਭਾਵੁਕ ਲੱਗ ਰਹੀ ਸੀ ਅਤੇ ਉਸਨੇ ਤਰਫ਼ੋਂ ਪੰਜ ਲੱਖ ਰੁਪਏ ਦਾਨ ਦੇਣ ਦਾ ਐਲਾਨ ਕਰ ਦਿੱਤਾ। ਨੇਹਾ ਕੱਕੜ ਨੇ ਸੰਤੋਸ਼ ਆਨੰਦ ਨੂੰ ਵਿੱਤੀ ਸਹਾਇਤਾ ਦੇ ਨਾਲ, ਭਾਰਤੀ ਮਨੋਰੰਜਨ ਉਦਯੋਗ ਨੂੰ ਵੀ ਸੰਤੋਸ਼ ਜੀ ਨੂੰ ਕੁਝ ਕੰਮ ਦੇਣ ਦੀ ਬੇਨਤੀ ਕੀਤੀ।