File Photo
ਜੋਧਪੁਰ- ਹਿਰਨ ਸ਼ਿਕਾਰ ਮਾਮਲੇ ਵਿੱਚ ਬਾਲੀਵੁੱਡ ਐਕਟਰ ਸਲਮਾਲ ਖਾਨ ਤੇ ਸਰਕਾਰ ਦੀਆਂ ਅਪੀਲਾਂ ਉੱਤੇ ਜਿਲ੍ਹੇ ਅਤੇ ਸੈਸ਼ਨ ਅਦਾਲਤ ਜੋਧਪੁਰ ਜਿਲ੍ਹੇ ਵਿੱਚ ਅੱਜ ਸੁਣਵਾਈ ਹੋਵੇਗੀ। ਸਲਮਾਨ ਖਾਨ ਵੱਲੋਂ ਪੇਸ਼ ਸਥਾਈ ਹਾਜ਼ਰੀ ਮੁਆਫੀ ਉੱਤੇ ਵੀ ਸੁਣਵਾਈ ਹੋਵੇਗੀ।
ਸੀ.ਜੇ.ਐੱਮ ਗ੍ਰਾਮੀਣ ਦੇਵ ਕੁਮਾਰ ਖਤਰੀ ਦੀ ਕੋਰਟ ਨੇ ਬਹੁਚਰਚਿਤ ਕਾਲੇ ਹਿਰਨ ਸ਼ਿਕਾਰ ਦੇ ਮਾਮਲੇ ਵਿੱਚ 5 ਅਪ੍ਰੈਲ 2018 ਨੂੰ ਸਲਮਾਨ ਖਾਨ ਨੂੰ ਪੰਜ ਸਾਲ ਦੀ ਸਜਾ ਦੇ ਆਦੇਸ਼ ਦਿੱਤੇ ਸਨ।
ਇਸ ਫੈਸਲੇ ਖਿਲਾਫ ਸਲਮਾਨ ਖਾਨ ਨੇ ਜਿਲ੍ਹਾ ਅਤੇ ਸੈਸ਼ਨ ਜੱਜ ਕੋਰਟ ਜੋਧਪੁਰ ਜਿਲ੍ਹਾ ਵਿੱਚ ਅਪੀਲ ਪੇਸ਼ ਕੀਤੀ ਸੀ। ਵਿਸ਼ਨੇਈ ਮਹਾਸਭਾ ਵੱਲੋਂ ਵੀ ਸਲਮਾਨ ਨੂੰ ਕਨਕਣੀ ਮਾਮਲੇ ਵਿੱਚ ਦਿੱਤੀ ਗਈ ਸਜਾ ਨੂੰ ਵਧਾਉਣ ਲਈ ਅਪੀਲ ਪੇਸ਼ ਕੀਤੀ ਗਈ ਹੈ।
ਦੂੱਜੇ ਮਾਮਲੇ ਵਿੱਚ ਤਤਕਾਲੀਨ ਸੀ.ਜੇ.ਐੱਮ ਗ੍ਰਾਮੀਣ ਦਲਪਤ ਸਿੰਘ ਰਾਜਪੁਰੋਹਿਤ ਨੇ ਸਲਮਾਨ ਖਾਨ ਨੂੰ ਗੈਰਕਾਨੂੰਨੀ ਹਥਿਆਰਾਂ ਦੇ ਮਾਮਲੇ ਵਿੱਚ 18 ਜਨਵਰੀ 2017 ਨੂੰ ਬਰੀ ਕਰ ਦਿੱਤਾ ਸੀ। ਇਸ ਫੈਸਲੇ ਦੇ ਖਿਲਾਫ ਸਰਕਾਰ ਵੱਲੋਂ ਵੀ ਅਪੀਲ ਪੇਸ਼ ਕੀਤੀ ਗਈ ਹੈ।