ਰਣਵੀਰ ਸਿੰਘ ਦੀ ਨਵੀਂ ਐਡ ਵੇਖ ਕੇ ਭੜਕ ਉੱਠੇ ਸੁਸ਼ਾਂਤ ਦੇ ਫੈਨ, ਬੋਲੇ-ਇਹ ਬਰਦਾਸ਼ਤ ਨਹੀਂ ਕਰ ਸਕਦੇ
ਬਿੰਗੋ ਮੈਡ ਐਂਜਲਜ਼ ਲਈ ਸੀ ਰਣਵੀਰ ਦਾ ਐਡ
ਮੁੰਬਈ: ਬਾਲੀਵੁੱਡ ਦੇ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਪ੍ਰਸ਼ੰਸਕ ਅਜੇ ਵੀ ਉਨ੍ਹਾਂ ਦੀ ਮੌਤ ਦੇ ਸੋਗ ਤੋਂ ਬਾਹਰ ਨਹੀਂ ਆ ਸਕੇ ਹਨ। ਅਭਿਨੇਤਾ ਦੀ ਮੌਤ ਨੂੰ 5 ਮਹੀਨੇ ਤੋਂ ਜ਼ਿਆਦਾ ਦਾ ਸਮਾਂ ਬੀਤ ਗਿਆ ਹੈ ਅਤੇ ਅਜੇ ਵੀ ਉਸ ਦੀ ਮੌਤ ਦਾ ਭੇਦ ਸਾਹਮਣੇ ਨਹੀਂ ਆਇਆ ਹੈ।
ਇਸ ਦੌਰਾਨ ਸੁਸ਼ਾਂਤ ਦੇ ਪ੍ਰਸ਼ੰਸਕ ਰਣਵੀਰ ਸਿੰਘ ਦੀ ਨਵੀਂ ਐਡ 'ਤੇ ਨਾਰਾਜ਼ ਹਨ। ਰਣਵੀਰ ਸਿੰਘ ਦੇ ਇਸ ਨਵੇਂ ਇਸ਼ਤਿਹਾਰ ਨੂੰ ਵੇਖਣ ਤੋਂ ਬਾਅਦ ਸੁਸ਼ਾਂਤ ਦੇ ਪ੍ਰਸ਼ੰਸਕਾਂ ਨੇ ਟਵਿੱਟਰ 'ਤੇ ਰਣਵੀਰ ਸਿੰਘ ਨੂੰ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।
ਰਣਵੀਰ ਦਾ ਐਡ ਬਿੰਗੋ ਮੈਡ ਐਂਜਲਜ਼ ਲਈ ਸੀ, ਜਿਸ ਲਈ ਸੁਸ਼ਾਂਤ ਦੇ ਪ੍ਰਸ਼ੰਸਕ ਦੋਸ਼ ਲਗਾ ਰਹੇ ਹਨ ਕਿ ਇਸ ਦੇ ਜ਼ਰੀਏ ਸੁਸ਼ਾਂਤ ਦਾ ਮਜ਼ਾਕ ਉਡਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਰਣਵੀਰ ਸਿੰਘ ਐਡ ਵਿੱਚ ਆਪਣੇ ਰਿਸ਼ਤੇਦਾਰਾਂ ਨਾਲ ਘਿਰੇ ਨਜ਼ਰ ਆ ਰਹੇ ਹਨ।
ਜੋ ਉਨ੍ਹਾਂ ਨੂੰ ਬਾਰ ਬਾਰ ਆਪਣੀਆਂ ਭਵਿੱਖ ਦੀਆਂ ਯੋਜਨਾਵਾਂ ਬਾਰੇ ਪ੍ਰਸ਼ਨ ਪੁੱਛ ਰਹੇ ਹਨ। ਅਜਿਹੀ ਸਥਿਤੀ ਵਿਚ ਰਣਵੀਰ ਪਹਿਲਾਂ ਪਰੇਸ਼ਾਨ ਦਿਖਾਈ ਦਿੰਦੇ ਹਨ ਅਤੇ ਫਿਰ ਉਹ ਮੈਡ ਐਂਜਲਸ ਨੂੰ ਖਾਂਦਾ ਹੈ।
ਜਿਸ ਤੋਂ ਬਾਅਦ ਰਣਵੀਰ ਕਈ ਵਿਗਿਆਨਕ ਸ਼ਬਦ ਬੋਲ ਕੇ ਆਪਣੇ ਰਿਸ਼ਤੇਦਾਰਾਂ ਨੂੰ ਚੁੱਪ ਕਰਵਾ ਦਿੰਦਾ ਹੈ। ਹੁਣ ਸੁਸ਼ਾਂਤ ਦੇ ਪ੍ਰਸ਼ੰਸਕ ਦੋਸ਼ ਲਗਾ ਰਹੇ ਹਨ ਕਿ ਸੁਸ਼ਾਂਤ ਇਕਲੌਤਾ ਅਭਿਨੇਤਾ ਸੀ ਜਿਸਨੂੰ ਵਿਗਿਆਨ ਵਿਚ ਬਹੁਤ ਰੁਚੀ ਸੀ। ਉਹ ਬਹੁਤ ਜੀਨਿਅਸ ਸੀ, ਜਿਸਦਾ ਇਸ ਐਡ ਵਿੱਚ ਉਸਦਾ ਮਜ਼ਾਕ ਉਡਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ।