Rashmika Mandanna thanks Delhi Police after deepfake video creator arrested

Rashmika Mandanna Deepfake case: ਬਾਲੀਵੁੱਡ ਅਦਾਕਾਰਾ ਰਸ਼ਮਿਕਾ ਮੰਦਾਨਾ ਨੇ ਉਸ ਦੀ ‘ਡੀਪਫੇਕ ਵੀਡੀਉ’ ਸ਼ੂਟ ਕਰਨ ਵਾਲੇ ਵਿਅਕਤੀ ਨੂੰ ਗ੍ਰਿਫਤਾਰ ਕਰਨ ਲਈ ਦਿੱਲੀ ਪੁਲਿਸ ਦਾ ਧੰਨਵਾਦ ਕੀਤਾ ਹੈ।

ਪੁਲਿਸ ਨੇ ਅਭਿਨੇਤਰੀ ਦੀ ‘ਡੀਪਫੇਕ ਵੀਡੀਉ’ ਦੇ ਸਬੰਧ ’ਚ ਆਂਧਰਾ ਪ੍ਰਦੇਸ਼ ਤੋਂ ਇਕ ਬੀ-ਟੈਕ ਗ੍ਰੈਜੂਏਟ ਨੂੰ ਗ੍ਰਿਫਤਾਰ ਕੀਤਾ ਸੀ। ਮੰਦਾਨਾ ਦਾ ਇਹ ਵੀਡੀਉ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਹੋਇਆ ਸੀ। ਮੁਲਜ਼ਮ ਦੀ ਪਛਾਣ ਆਂਧਰਾ ਪ੍ਰਦੇਸ਼ ਦੇ ਗੁੰਟੂਰ ਦੇ ਰਹਿਣ ਵਾਲੇ 23 ਸਾਲਾ ਇਮਾਨੀ ਨਵੀਨ ਵਜੋਂ ਹੋਈ ਹੈ, ਜਿਸ ਨੇ ਬ੍ਰਿਟਿਸ਼-ਭਾਰਤੀ ਸੋਸ਼ਲ ਮੀਡੀਆ ਪ੍ਰਭਾਵਸ਼ਾਲੀ ਜ਼ਾਰਾ ਪਟੇਲ ਦੇ ਇਕ ਵੀਡੀਉ ’ਤੇ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (ਏ.ਆਈ.) ਦੀ ਵਰਤੋਂ ਕਰਦਿਆਂ ਮੰਦਾਨਾ ਦਾ ਚਿਹਰਾ ਲਗਾਇਆ ਸੀ।

ਰਸ਼ਮਿਕਾ ਨੇ ਸਨਿਚਰਵਾਰ ਨੂੰ ਦਿੱਲੀ ਪੁਲਿਸ ਦੀ ਸਾਈਬਰ ਕ੍ਰਾਈਮ ਯੂਨਿਟ ਨੂੰ ਐਕਸ ’ਤੇ ਟੈਗ ਕਰਦੇ ਹੋਏ ਇਹ ਪੋਸਟ ਲਿਖੀ। 27 ਸਾਲ ਦੀ ਅਦਾਕਾਰਾ ਨੇ ਲਿਖਿਆ, ‘‘ਡੀ.ਸੀ.ਪੀ. ਆਈ.ਐਫ.ਐਸ.ਓ. (ਇੰਟੈਲੀਜੈਂਸ ਫਿਊਜ਼ਨ ਐਂਡ ਸਟ੍ਰੈਟੇਜਿਕ ਆਪਰੇਸ਼ਨਜ਼) ਦਾ ਦਿਲੋਂ ਧੰਨਵਾਦ। ਮੁਲਜ਼ਮ ਨੂੰ ਫੜਨ ਲਈ ਧੰਨਵਾਦ। ਅਪਣਾ ਪਿਆਰ, ਸਮਰਥਨ ਅਤੇ ਮੇਰਾ ਬਚਾਅ ਕਰਨ ਲਈ ਸਾਰਿਆਂ ਦੀ ਧੰਨਵਾਦੀ ਹਾਂ।’’

ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।

ਉਨ੍ਹਾਂ ਕਿਹਾ, ‘‘ਜੇਕਰ ਤੁਹਾਡੀ ਸਹਿਮਤੀ ਤੋਂ ਬਿਨਾਂ ਕਿਤੇ ਵੀ ਤੁਹਾਡੀ ਫੋਟੋ ਦੀ ਵਰਤੋਂ ਕੀਤੀ ਜਾਂਦੀ ਹੈ ਜਾਂ ਇਸ ਨਾਲ ਛੇੜਛਾੜ ਕੀਤੀ ਜਾਂਦੀ ਹੈ ਤਾਂ ਇਹ ਬਿਲਕੁਲ ਗਲਤ ਹੈ। ਮੈਨੂੰ ਉਮੀਦ ਹੈ ਕਿ ਇਹ ਯਾਦ ਦਿਵਾਉਣ ਦਾ ਕੰਮ ਕਰਦਾ ਹੈ ਕਿ ਤੁਸੀਂ ਉਨ੍ਹਾਂ ਲੋਕਾਂ ਨਾਲ ਘਿਰੇ ਹੋਏ ਹੋ ਜੋ ਤੁਹਾਡਾ ਸਮਰਥਨ ਕਰਨਗੇ ਅਤੇ ਕਾਰਵਾਈ ਕਰਨਗੇ।’’ ਇਕ ਅਧਿਕਾਰੀ ਮੁਤਾਬਕ ਮੁਲਜ਼ਮ ਨੇ ਇੰਸਟਾਗ੍ਰਾਮ ’ਤੇ ਅਪਣੇ ਫਾਲੋਅਰਜ਼ ਦੀ ਗਿਣਤੀ ਵਧਾਉਣ ਲਈ ਇਹ ਵੀਡੀਉ ਬਣਾਇਆ ਹੈ।

(For more Punjabi news apart from Rashmika Mandanna thanks Delhi Police after deepfake video creator arrested , stay tuned to Rozana Spokesman)