ਮੁੰਬਈ- ਬਾਲੀਵੁੱਡ ਦੇ ਮਿਸਟਰ ਪਰਫੈਕਸ਼ਨਿਸਟ ਆਮਿਰ ਖਾਨ ਜਲਦੀ ਹੀ ਫਿਲਮ ਲਾਲ ਸਿੰਘ ਚੱਢਾ ਵਿੱਚ ਸਰਦਾਰ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਇਸ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ 'ਚ ਗੂੰਜ ਹੈ ਅਤੇ ਇਸ ਦੌਰਾਨ ਖ਼ਬਰਾਂ ਆ ਰਹੀਆਂ ਹਨ ਕਿ ਸਲਮਾਨ ਖਾਨ ਵੀ ਜਲਦੀ ਹੀ ਪੱਗ ਬੰਨਦੇ ਨਜ਼ਰ ਆਉਣਗੇ। ਆਮਿਰ ਦੀ ਪੱਗ ਲੁੱਕ ਹਾਲ ਹੀ ਵਿੱਚ ਜਾਰੀ ਕੀਤੀ ਗਈ ਸੀ, ਜਿਸ ਨੂੰ ਪ੍ਰਸ਼ੰਸਕਾਂ ਨੇ ਕਾਫ਼ੀ ਪਸੰਦ ਕੀਤਾ ਸੀ।
ਮੀਡੀਆ ਰਿਪੋਰਟ ਅਨੁਸਾਰ ਸਲਮਾਨ ਖਾਨ ਆਪਣੇ ਜੀਜੀ ਆਯੁਸ਼ ਸ਼ਰਮਾ ਦੇ ਨਾਲ ਇਕ ਗੈਂਗਸਟਰ ਫਿਲਮ ਲਈ ਹੱਥ ਮਿਲਾ ਸਕਦੇ ਹਨ। ਜਿਸ ਵਿਚ ਉਹ ਪੱਗ ਬੰਨ੍ਹੇ ਸਿੱਖ ਕਿਰਦਾਰ ਵਿਚ ਦਿਖਾਈ ਦੇਣਗੇ। ਜਾਣਕਾਰੀ ਅਨੁਸਾਰ ਇਸ ਫਿਲਮ ਵਿੱਚ ਸਲਮਾਨ ਖਾਨ ਇੱਕ ਨਕਾਰਾਤਮਕ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਮੀਡੀਆ ਰਿਪੋਰਟ ਦੇ ਅਨੁਸਾਰ ਇਸ ਫਿਲਮ ਦਾ ਨਿਰਦੇਸ਼ਨ ਅਭਿਰਾਜ ਮੀਨਾਵਾਲਾ ਕਰਨਗੇ।
ਅਤੇ ਇਹ ਫਿਲਮ ਇਸ ਸਾਲ ਮਈ ਵਿੱਚ ਰਿਲੀਜ਼ ਹੋ ਸਕਦੀ ਹੈ। ਰਿਪੋਰਟਾਂ ਵਿਚ ਕਿਹਾ ਗਿਆ ਹੈ ਕਿ ਸਲਮਾਨ ਖਾਨ ਇਸ ਭੂਮਿਕਾ ਲਈ ਆਪਣੀ ਦਾੜ੍ਹੀ ਵਧਾਉਣਗੇ ਅਤੇ ਆਯੁਸ਼ ਸ਼ਰਮਾ ਇਕ ਨਾਰਥ ਇੰਡੀਅਨ ਗੈਂਗਸਟਰ ਦਾ ਲੁੱਕ ਲੈਣ ਲਈ ਆਪਣੇ ਆਪ ਨੂੰ ਮਸਕੁਲਰ ਬਣਾਉਣਗੇ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਫਿਲਮ ਲਈ ਲੁੱਕ ਟੈਸਟ ਅਗਲੇ ਹਫਤੇ ਤੋਂ ਸ਼ੁਰੂ ਹੋ ਜਾਣਗੇ।
ਸਲਮਾਨ ਖਾਨ ਆਖਰੀ ਵਾਰ ਫਿਲਮ ਹੀਰੋਜ਼ ਵਿੱਚ ਸਰਦਾਰ ਦਾ ਕਿਰਦਾਰ ਨਿਭਾਉਂਦੇ ਵੇਖੇ ਗਏ ਸਨ। ਇਹ ਫਿਲਮ ਸਾਲ 2008 ਵਿਚ ਰਿਲੀਜ਼ ਹੋਈ ਸੀ। ਆਮਿਰ ਖਾਨ ਦੀ ਫਿਲਮ ਲਾਲ ਸਿੰਘ ਚੱਢਾ ਦੀ ਗੱਲ ਕਰੀਏ ਤਾਂ ਇਸ ਨੂੰ ਹਾਲੀਵੁੱਡ ਦੀ ਮਸ਼ਹੂਰ ਫਿਲਮ ਫਾਰੇਸਟ ਗੰਪ ਦੀ ਕਹਾਣੀ 'ਤੇ ਅਧਾਰਤ ਰੱਖਿਆ ਗਿਆ ਹੈ। ਫਿਲਮ ਤੋਂ ਆਮਿਰ ਖਾਨ ਅਤੇ ਕਰੀਨਾ ਕਪੂਰ ਖਾਨ ਦਾ ਲੁੱਕ ਜਾਰੀ ਹੋ ਗਿਆ ਹੈ।
ਇਹ ਵੇਖਣਾ ਹੋਵੇਗਾ ਕਿ ਫਿਲਮ ਬਾਕਸ ਆਫਿਸ 'ਤੇ ਕੀ ਕਮਾਲ ਕਰ ਪਾਉਂਦੀ ਹੈ। ਦੱਸ ਦਈਏ ਕਿ ਆਮਿਰ ਖਾਨ ਦੀ ਆਖਰੀ ਫਿਲਮ ਠੱਗਸ ਆਫ ਹਿੰਦੋਸਤਾਨ ਸੀ ਜੋ ਬਾਕਸ ਆਫਿਸ 'ਤੇ ਬੁਰੀ ਤਰ੍ਹਾਂ ਫਲਾਪ ਹੋ ਗਈ ਸੀ।