ਫਿਲਮ ਰਾਜੀ 100 ਕਰੋੜ ਦੇ ਕਰੀਬ, ਨਹੀਂ ਪਿਆ ਡੈੱਡਪੂਲ 2 ਦੀ ਰਿਲੀਜ ਦਾ ਅਸਰ

ਫਿਲਮਾਂ ਦੀ ਕਮਾਈ ਦੇ ਲਿਹਾਜ਼ ਨਾਲ 2018 ਵਿਚ ਮਈ ਦਾ ਮਹੀਨਾ ਕਾਫ਼ੀ ਚੰਗਾ ਸਾਬਤ ਹੋ ਰਿਹਾ ਹੈ। ਹੁਣ ਤੱਕ ਤਿੰਨ ਵੱਡੀਆਂ ਫਿਲਮਾਂ ਵੱਖ - ਵੱਖ ਹਫਤਿਆਂ 'ਚ ਰਿਲੀਜ ਹੋਈਆਂ ਹਨ। ਤਿੰਨੋ, ਬਾਕਸ ਆਫਿਸ ਉੱਤੇ ਚੰਗਾ ਕਮਾਉਣ 'ਚ ਕਾਮਯਾਬ ਹੋਈਆਂ ਹਨ। ਇਹਨਾਂ ਤਿੰਨ ਫਿਲਮਾਂ ਵਿਚ ਅਮਿਤਾਭ ਬੱਚਨ - ਰਿਸ਼ੀ ਕਪੂਰ ਦੀ 102 ਨਾਟ ਆਊਟ, ਆਲਿਆ ਭੱਟ - ਵਿੱਕੀ ਕੌਸ਼ਲ ਦੀ ਰਾਜੀ ਅਤੇ ਹਾਲੀਵੁਡ ਫਿਲਮ ਡੈੱਡਪੂਲ 2 ਦੇ ਰੂਪ ਵਿੱਚ ਸ਼ਾਮਲ ਹੈ। 

ਟਰੇਂਡ ਐਨਾਲਿਸਟ ਤਰਨ ਆਦਰਸ਼ ਨੇ ਫਿਲਮਾਂ ਦੇ ਹੁਣ ਤੱਕ ਦੇ ਬਾਕਸ ਆਫਿਸ ਕਲੈਕਸ਼ਨ ਦੇ ਆਂਕੜੇ ਜਾਰੀ ਕੀਤੇ ਹਨ। ਇਸਦੇ ਮੁਤਾਬਕ ਡੈੱਡਪੂਲ 2 ਨੇ ਵੀਕੇਂਡ ਵਿਚ ਤਿੰਨ ਦਿਨ  ਦੇ ਅੰਦਰ ਹੀ 33.40 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਇਹ ਕਮਾਈ ਭਾਰਤ ਵਿਚ ਰਿਲੀਜ ਸਾਰੀਆਂ ਭਾਸ਼ਾਵਾਂ ਨੇ ਕੀਤੀ ਹੈ। ਦਸ ਦਈਏ ਕਿ ਇਹ ਫਿਲਮ ਭਾਰਤ ਵਿਚ ਅੰਗਰੇਜ਼ੀ, ਹਿੰਦੀ ਦੇ ਨਾਲ ਹੀ ਤਮਿਲ ਅਤੇ ਤੇਲਗੂ ਵਿੱਚ ਵੀ ਰਿਲੀਜ ਹੋਈ ਹੈ। ਫਿਲਮ ਦੇ ਚੌਥੇ ਦਿਨ ਦਾ ਕਲੈਕਸ਼ਨ ਆਉਣਾ ਅਜੇ ਬਾਕੀ ਹੈ। 

ਉਧਰ, ਦੂਜੇ ਹਫ਼ਤੇ ਵਿਚ ਵੀ ਰਾਜੀ ਦੀ ਕਮਾਈ ਜਾਰੀ ਹੈ। ਫਿਲਮ ਹੁਣ ਤਕ 82.03 ਕਰੋੜ ਕਮਾ ਚੁਕੀ ਹੈ। ਇਹ ਫਿਲਮ ਤੇਜ਼ੀ ਨਾਲ 100 ਕਰੋੜ ਕਲੱਬ ਵੱਲ ਵੱਧ ਰਹੀ ਹੈ। ਪਹਿਲਾਂ ਇਹ ਸੀ ਕਿ ਡੈੱਡਪੂਲ 2 ਦੇ ਆ ਜਾਣ ਨਾਲ ਬਾਕਸ ਆਫਿਸ ਉੱਤੇ ਰਾਜੀ ਦੀ ਕਮਾਈ ਪ੍ਰਭਾਵਿਤ ਹੋਵੇਗੀ। ਪਰ ਅਜਿਹਾ ਹੁੰਦਾ ਨਹੀਂ ਦੀਖਿਆ। ਦੂਜੇ ਹਫ਼ਤੇ ਵਿਚ ਵੀ ਫਿਲਮ ਰਾਜੀ ਕਾਫ਼ੀ ਮਜਬੂਤ ਬਣੀ ਹੋਈ ਹੈ। ਤੀਸਰੇ ਹਫ਼ਤੇ ਵਿੱਚ ਅਮਿਤਾਭ ਅਤੇ ਰਿਸ਼ੀ ਦੀ 102 ਨਾਟਆਊਟ ਨੇ ਵੀ ਠੀਕ - ਠਾਕ ਕਲੈਕਸ਼ਨ ਕੀਤਾ ਹੈ।