ਵੈੱਬ ਸੀਰੀਜ਼ 'ਚ ਅਸ਼ਲੀਲ ਟਿੱਪਣੀਆਂ ਕਰਨ 'ਤੇ ਅਨੁਸ਼ਕਾ ਵਿਰੁਧ ਸ਼ਿਕਾਇਤ

ਈਟਾਨਗਰ, 24 ਮਈ : ਅਰੁਣਾਚਲ ਪ੍ਰਦੇਸ਼ 'ਚ ਗੋਰਖਾ ਸੰਗਠਨ ਨੇ ਵੈੱਬ ਸੀਰੀਜ਼ ਨੂੰ 'ਪਾਤਾਲ ਲੋਕ' ਦੇ ਇਕ ਦ੍ਰਿਸ਼ 'ਚ ਗੋਰਖਾ ਭਾਈਚਾਰੇ 'ਤੇ ਅਸ਼ਲੀਲ ਟਿੱਪਣੀ ਕਰਨ ਦੇ ਲਈ ਅਭਿਨੇਤਰੀ ਅਨੁਸ਼ਕਾ ਸ਼ਰਮਾ ਵਿਰੁਧ ਰਾਸ਼ਟਰੀ ਮਨੁੱਖੀ ਅਧਿਕਾਰ ਕਮਿਸ਼ਨ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ। ਅਨੁਸ਼ਕਾ ਸ਼ਰਮਾ ਇਸ ਵੈਬ ਸੀਰੀਜ਼ ਦੀ ਨਿਰਮਾਤਾ ਹੈ। ਆਲ ਅਰੁਣਾਚਲ ਪ੍ਰਦੇਸ਼ ਗੋਰਖਾ ਯੂਥ ਐਸੋਸੀਏਸ਼ਨ (ਏ. ਏ. ਪੀ. ਜੀ. ਵਾਈ. ਏ.) ਦੇ ਨਾਮਸਾਈ ਇਕਾਈ ਦੇ ਪ੍ਰਧਾਨ ਬਿਕਾਸ ਭੱਟਾਚਾਰੀ ਨੇ ਹਾਲ 'ਚ ਇਹ ਸ਼ਿਕਾਇਤ ਦਰਜ ਕਰਵਾਈ ਹੈ। ਸੰਗਠਨ ਨੇ ਅਪਣੀ ਸ਼ਿਕਾਇਤ 'ਚ ਕਿਹਾ ਹੈ ਕਿ ਵੈਬ ਸੀਰੀਜ਼ ਦੇ ਦੂਜੇ ਐਪੀਸੋਡ 'ਚ ਮਹਿਲਾ ਚਰਿੱਤਰ ਦੇ ਵਿਰੁਧ ਇਸਤੇਮਾਲ ਕੀਤੀ ਗਈ ਅਸ਼ਲੀਲ ਟਿੱਪਣੀ ਨੇਪਾਲੀ ਬੋਲਣ ਵਾਲੇ ਲੋਕਾਂ ਦਾ ਸਿੱਧਾ ਅਪਮਾਨ ਹੈ। ਇਸ ਨੇ ਮੰਗ ਕੀਤੀ ਕਿ ਜਾਂ ਤਾਂ ਵੈੱਬ ਸੀਰੀਜ਼ ਨੂੰ ਦਿਖਾਉਣਾ ਬੰਦ ਕਰ ਦੇਣ ਚਾਹੀਦਾ ਜਾਂ ਪਾਤਾਲ ਲੋਕ ਦੀ ਟੀਮ ਗੋਰਖਾ ਲੋਕਾਂ ਤੋਂ ਮੁਆਫ਼ੀ ਮੰਗੇ।