Fatima Sana Shaikh and Sidharth Malhotra

ਮੁੰਬਈ : ਸਿਧਾਰਥ ਮਲਹੋਤਰਾ ਅਤੇ ਦੰਗਲ ਫ਼ਿਲਮ ਤੋਂ ਮਸ਼ਹੂਰ ਹੋਈ ਫ਼ਾਤੀਮਾ ਸਨਾ ਸ਼ੇਖ ਪਹਿਲੀ ਵਾਰ ਇਕੱਠੇ ਸਿਲਵਰ ਸਕ੍ਰੀਨ 'ਤੇ ਦਿਖਣ ਜਾ ਰਹੇ ਹਨ। ਖ਼ਬਰ ਹੈ ਕਿ ਫ਼ਿਲਮ ਸ਼ਾਟਗਨ ਸ਼ਾਦੀ ਦੇ ਮੇਕਰਜ਼ ਨੇ ਸਿਧਾਰਥ ਮਲਹੋਤਰਾ ਦੇ ਆਪੋਜਿਟ ਮੁਖ ਭੁਮਿਕਾ ਲਈ ਫ਼ਾਤੀਮਾ ਸਨਾ ਸ਼ੇਖ ਨਾਲ ਸੰਪਰਕ ਕੀਤਾ ਹੈ। ਪਹਿਲਾਂ ਅਜਿਹਾ ਕਿਹਾ ਜਾ ਰਿਹਾ ਸੀ ਕਿ ਇਸ ਫ਼ਿਲਮ 'ਚ ਸਿਧਾਰਥ ਦੇ ਆਪੋਜਿਟ ਕਾਸਟ ਕਰਨ ਲਈ ਪਹਿਲਾਂ ਸ਼ਰੱਧਾ ਕਪੂਰ ਅਤੇ ਫਿਰ ਕ੍ਰਿਤੀ ਸੈਨਨ ਨੂੰ ਸਾਈਨ ਕੀਤਾ ਗਿਆ ਸੀ ਪਰ ਕੁਝ ਕਾਰਨਾਂ ਤੋਂ ਇਹ ਦੋਹੇਂ ਹੀ ਅਦਾਕਾਰਾਂ ਇਸ ਫ਼ਿਲਮ ਨੂੰ ਸਾਈਨ ਨਹੀਂ ਕਰ ਸਕੀਆਂ।

ਹਾਲਾਂਕਿ ਬਾਅਦ 'ਚ ਇਸ ਫ਼ਿਲਮ 'ਚ ਪਰਿਨੀਤੀ ਚੋਪੜਾ ਨੂੰ ਸਾਈਨ ਕੀਤਾ ਗਿਆ ਸੀ। ਪਰਿਨੀਤੀ ਨੂੰ ਇਸ ਫ਼ਿਲਮ ਦੀ ਸਕ੍ਰਿਪਟ ਵੀ ਚੰਗੀ ਲਗੀ ਸੀ ਪਰ ਉਨ੍ਹਾਂ ਕੋਲ ਇਸ ਫ਼ਿਲਮ ਲਈ ਸਮਰਥ ਤਰੀਕਾਂ ਨਹੀਂ ਸਨ। ਦਸ ਦਈਏ ਕਿ ਇਸ ਤੋਂ ਪਹਿਲਾਂ ਪਰਿਨੀਤੀ, ਸਿਧਾਰਥ ਨਾਲ ਫ਼ਿਲਮ 'ਹਸੀ ਤੋ ਫਸੀ' ਵਿਚ ਕੰਮ ਕਰ ਚੁਕੀ ਹਨ। ਇੰਨੀ ਅਦਾਕਾਰਾਵਾਂ ਕੋਲ ਜਾਣ ਤੋਂ ਬਾਅਦ ਫ਼ਿਲਮ ਦੀ ਪ੍ਰੋਡਿਊਸਰ ਏਕਤਾ ਕਪੂਰ ਨੇ ਫ਼ਾਤੀਮਾ ਨਾਲ ਸੰਪਰਕ ਕਰਨ ਦਾ ਫ਼ੈਸਲਾ ਕੀਤਾ ਜੋ ਲੰਮੇ ਸਮੇਂ ਤੋਂ ਉਨ੍ਹਾਂ ਨਾਲ ਕੰਮ ਕਰਨਾ ਚਾਹੁੰਦੀ ਸੀ।  

ਖ਼ਬਰਾਂ ਮੁਤਾਬਕ ਮੇਕਰਜ਼ ਨੇ ਪਹਿਲਾਂ ਹੀ ਫ਼ਿਲਮ 'ਚ ਫ਼ਾਤੀਮਾ ਦੇ ਰੋਲ ਬਾਰੇ ਚਰਚਾ ਕੀਤੀ ਹੈ ਅਤੇ ਇਹ ਉਨ੍ਹਾਂ ਨੂੰ ਕਾਫ਼ੀ ਪਸੰਦ ਆਇਆ ਹੈ।  ਇਸ ਰੋਲ ਲਈ ਫ਼ਾਤੀਮਾ ਭੋਜਪੁਰੀ ਭਾਸ਼ਾ ਸਿਖ ਰਹੀ ਹੈ ਕਿਉਂਕਿ ਫ਼ਿਲਮ ਬਿਹਾਰ ਦੀ ਪਿਛੋਕੜ 'ਤੇ ਆਧਾਰਿਤ ਹੈ। ਹੁਣ ਦੇਖਦੇ ਹਾਂ ਕਿ ਇਸ ਬਾਰੇ ਸਰਕਾਰੀ ਪੁਸ਼ਟੀ ਕਦੋਂ ਤਕ ਆਉਂਦਾ ਹੈ।