ਵਿਆਹ ਦੇ 5 ਸਾਲ ਬਾਅਦ ਵੀ ਪਿਤਾ ਨਹੀਂ ਬਨਣਾ ਚਾਹੁੰਦੇ : ਰਵੀ ਦੁਬੇ

Ravi Dube and Sargun Mehta

ਮੁੰਬਈ : ਟੀਵੀ ਸੀਰੀਅਲ ‘ਜਵਾਈ ਰਾਜਾ’ ਦੇ ਅਭਿਨੇਤਾ ਰਹੇ ਰਵੀ ਦੁਬੇ  ਨੇ 2013 ਵਿਚ ਅਭਿਨੇਤਰੀ ਸਰਗੁਨ ਮਹਿਤਾ ਨਾਲ ਵਿਆਹ ਕਰਵਾਇਆ ਸੀ| ਦੋਨੋਂ ਇਕ-ਦੂਜੇ ਨੂੰ ਬੇਹੱਦ ਪਿਆਰ ਕਰਦੇ ਹਨ ਪਰ 5 ਸਾਲ ਬਾਅਦ ਵੀ ਉਹ ਫੈਮਿਲੀ ਅੱਗੇ ਨਹੀਂ ਵਧਾਉਣਾ ਚਾਹੁੰਦੇ| ਰਵੀ ਦੁਬੇ (34) ਦਾ ਕਹਿਣਾ ਹੈ ਕਿ ਉਹ ਅਤੇ ਉਨ੍ਹਾਂ ਦੀ ਪਤਨੀ ਅਜੇ ਕਰੀਅਰ ਦੇ ਚੰਗੇ ਦੌਰ ਵਿਚ ਚੱਲ ਰਹੇ ਹਨ| ਇਸ ਲਈ ਉਹ ਫੈਮਿਲੀ ਪਲਾਨਿੰਗ ਨਹੀਂ ਕਰਨਾ ਚਾਹੁੰਦੇ| 

ਰਵੀ ਨੇ ਇਕ ਵਾਰ ਕਿਹਾ ਸੀ ਕਿ ਉਹ ਬੱਚਿਆਂ ਨੂੰ ਬਹੁਤ ਪਿਆਰ ਕਰਦੇ ਹਨ ਅਤੇ ਪਾਪਾ ਬਨਣਾ ਚਾਹੁੰਦੇ ਹਨ ਪਰ ਕਰੀਅਰ ਦੇ ਸਿਖ਼ਰ ਉੱਤੇ ਉਹ ਨਹੀਂ ਚਾਹੁੰਦੇ ਕਿ ਉਨ੍ਹਾਂ ਦੀ ਪਤਨੀ ਸਰਗੁਨ ਕਿਸੇ ਵੀ ਤਰ੍ਹਾਂ ਦੀ ਤਕਲੀਫ਼ ਤੋਂ ਗੁਜਰੇ| ਰਵੀ ਅਤੇ ਸਰਗੁਨ ਸੀਰੀਅਲ ‘12/24 ਕਰੋਲ ਬਾਗ’ (2009-2010) ਵਿਚ ਕੋ-ਸਟਾਰ ਸਨ| ਇੱਥੇ ਹੀ ਦੋਨਾਂ ਦੀ ਲਵ ਸਟੋਰੀ ਸ਼ੁਰੂ ਹੋਈ ਸੀ| 5 ਫਰਵਰੀ 2013 ਨੂੰ ਰਵੀ ਨੇ ਸਰਗੁਨ ਨੂੰ ਰਿਅਲਿਟੀ ਸ਼ੋਅ ‘ਨਚ ਬਲੀਏ 5’ ਦੇ ਸੇਟ ਉੱਤੇ ਪ੍ਰਪੋਜ਼ ਕੀਤਾ ਸੀ|
ਰਵੀ ਨੂੰ ਆਖਰੀ ਵਾਰ ਰਿਅਲਿਟੀ ਸ਼ੋਅ ‘ਰਾਇਜਿੰਗ ਸਟਾਰ 2’ ਨੂੰ ਹੋਸਟ ਕਰਦੇ ਦੇਖਿਆ ਗਿਆ ਸੀ| ਰਵੀ ਦੁਬੇ ਨਵੇਂ ਗੇਮ ਸ਼ੋਅ ‘ਸਬਸੇ ਸਮਾਰਟ ਕੌਨ’ ਵਿਚ ਬਿਜੀ ਹੈ, ਜੋ ਜਲਦੀ ਹੀ ਸਟਾਰ ਪਲਸ ਉੱਤੇ ਸ਼ੁਰੂ ਹੋਵੇਗਾ| ਗੱਲ ਸਰਗੁਨ ਦੀ ਕਰੀਏ ਤਾਂ ਉਹ ਆਖਿਰੀ ਵਾਰ ‘ਇੰਟਰਟੇਨਮੈਂਟ ਕੀ ਰਾਤ (2017)’ ਵਿਚ ਨਜ਼ਰ ਆਈ ਸੀ|