ਪੰਜਾਬੀ ਸੰਗੀਤ ਜਗਤ ’ਚ ਵੱਡਾ ਘਾਟਾ, ਨਹੀਂ ਰਹੀ ਇਹ ਮਸ਼ਹੂਰ ਗਾਇਕਾ
ਮੋਹਣੀ ਰਸੀਲਾ ਦਾ ਸਸਕਾਰ ਅੱਜ ਮਜੀਠਾ ਬਾਈਪਾਸ ਦੇ ਨਜ਼ਦੀਕ ਕੀਤਾ ਜਾਵੇਗਾ
Folk singer Mohini Rasila passes away: ਪੰਜਾਬੀ ਲੋਕ ਗਾਇਕ ਰਸ਼ਪਾਲ ਰਸੀਲਾ ਦੀ ਹਮਸਫ਼ਰ ਤੇ ਸਟੇਜਾਂ ’ਤੇ ਲੰਬੀ ਹੇਕ ਲਾਉਣ ਵਾਲੀ ਗਾਇਕਾ ਮੋਹਣੀ ਰਸੀਲਾ ਦੇ ਹੋਏ ਦਿਹਾਂਤ ਕਾਰਨ ਸੰਗੀਤ ਜਗਤ ਤੇ ਕਲਾਕਾਰਾਂ ’ਚ ਸੋਗ ਦੀ ਲਹਿਰ ਦੌੜ ਗਈ।
ਮੋਹਣੀ ਰਸੀਲਾ ਦਾ ਸਸਕਾਰ ਅੱਜ ਮਜੀਠਾ ਬਾਈਪਾਸ ਦੇ ਨਜ਼ਦੀਕ ਕੀਤਾ ਜਾਵੇਗਾ। ਮੋਹਣੀ ਰਸੀਲਾ ਦੇ ਦਿਹਾਂਤ ਨਾਲ ਸੰਗੀਤ ਜਗਤ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਉਹ ਆਪਣੇ ਸਮੇਂ ਦੀ ਸਭ ਤੋਂ ਮਸ਼ਹੂਰ ਗਾਇਕ ਜੋੜੀਆਂ ਵਿਚੋਂ ਸਨ। ਹਰ ਪੰਜਾਬੀ ਦੇ ਮੂੰਹ ਉੱਤੇ ਉਨ੍ਹਾਂ ਦੇ ਗੀਤਾਂ ਦੇ ਬੋਲ ਚੜ੍ਹੇ ਹੋਏ ਸਨ।
ਰਸ਼ਪਾਲ ਰਸੀਲਾ ਤੇ ਮੋਹਣੀ ਰਸੀਲਾ ਦੇ ਮਸ਼ਹੂਰ ਗੀਤ- ਕੋਰਾ ਕੁਜਾ, ਯਾਰਾਂ ਦੀ ਕੁੱਲੀ, ਛੱਡ ਗੱਲ ਮੰਗਣੀ ਦੀ, ਦਾਜ ਬਿਨਾ ਭੈਣ ਛੱਡਤੀ, ਬਾਤਾਂ ਪਾ ਮਿੱਤਰਾਂ, ਮੇਰੀ ਬੇਬੇ ਦਾ ਜਵਾਈ, ਤੇਰੇ ਵੀਰ ਗੇੜਿਆ ਟੋਕਾ, ਮੈਂ ਅੱਗੇ ਪਿੱਛੇ ਲੱਭਦੀ ਫਿਰਾਂ, ਨੱਚਦੀ ਦੀ ਗੁੱਤ ਖੁੱਲ੍ਹ ਗਈ, ਕਦੇ ਨੈਣ ਨਾ ਮਿਲਾਵੇਂ ਦਿਲਦਾਰਾ, ਆਪਾਂ ਜਾਣਾ ਮੇਲੇ, ਲੜ ਗਿਆ ਨਾਗ ਜ਼ਹਿਰੀਲਾ, ਰੱਖ ਹੌਂਸਲਾ ਮੁਲ੍ਹਾਜੇਦਾਰਾ, ਲੋਹੜੀ ਵੰਡਣੀ, ਨੱਚਦੀ ਦੇ ਮੋਚ ਪੈ ਗਈ, ਕਾਲਜ ਦੇ ਵਿਚ ਭਾਬੀ, ਕੁੜੀ ਚੰਨ ਵਰਗੀ ਮੁਟਿਆਰ ਆਦਿ ਤੋਂ ਇਲਾਵਾ ਹੋਰ ਵੀ ਕਈ ਮਸ਼ਹੂਰ ਲੋਕ ਗੀਤ ਇਸ ਜੋੜੀ ਨੇ ਪੰਜਾਬੀਆਂ ਦੀ ਝੋਲੀ ਪਾਏ ਸਨ।