Khatron Ke Khiladi 14 ਦੇ ਜੇਤੂ ਬਣੇ ਕਰਨ ਵੀਰ ਮਹਿਰਾ, ਟਰਾਫੀ ਦੇ ਨਾਲ ਮਿਲੀ ਇੰਨੀ ਵੱਡੀ ਰਕਮ
ਟਰਾਫ਼ੀ ਦੇ ਨਾਲ ਇਨਾਮ ਵਜੋਂ ਮਿਲੇ 20 ਲੱਖ ਰੁਪਏ ਤੇ ਗੱਡੀ
Khatron Ke Khiladi 14: ਲੋਕ ਟੀਵੀ ਦੇ ਮਸ਼ਹੂਰ ਸਟੰਟ ਬੇਸਡ ਰਿਐਲਿਟੀ ਸ਼ੋਅ 'ਖਤਰੋਂ ਕੇ ਖਿਲਾੜੀ 14' ਦੇ ਫਿਨਾਲੇ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ ਤਾਂ ਕਿ ਉਹ ਜੇਤੂ ਦਾ ਨਾਂ ਜਾਣ ਸਕਣ। ਆਖ਼ਰਕਾਰ ਉਹ ਪਲ ਆ ਹੀ ਗਿਆ ਹੈ ਅਤੇ 'ਖਤਰੋਂ ਕੇ ਖਿਲਾੜੀ 14' ਨੂੰ ਆਪਣਾ ਵਿਨਰ ਮਿਲ ਗਿਆ ਹੈ, ਜਿਸ ਲਈ ਲੋਕ ਉਤਸ਼ਾਹਿਤ ਹੋ ਰਹੇ ਸਨ।
ਟੀਵੀ ਐਕਟਰ ਕਰਨਵੀਰ ਮਹਿਰਾ ਨੇ ਰੋਹਿਤ ਸ਼ੈੱਟੀ ਦੇ ਸ਼ੋਅ ਦੇ ਇਸ ਸੀਜ਼ਨ ਦੀ ਟਰਾਫੀ ਜਿੱਤੀ ਹੈ। 'ਖਤਰੋਂ ਕੇ ਖਿਲਾੜੀ 14' ਦੇ ਜੇਤੂ ਕਰਨਵੀਰ ਮਹਿਰਾ ਦੀ ਜਿੱਤ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕ ਬਹੁਤ ਖੁਸ਼ ਹਨ ਅਤੇ ਉਨ੍ਹਾਂ ਨੂੰ ਵਧਾਈਆਂ ਦੇ ਰਹੇ ਹਨ। ਆਓ ਜਾਣਦੇ ਹਾਂ 'ਖਤਰੋਂ ਕੇ ਖਿਲਾੜੀ 14' ਦਾ ਖਿਤਾਬ ਜਿੱਤਣ ਤੋਂ ਬਾਅਦ ਕਰਨਵੀਰ ਮਹਿਰਾ ਨੂੰ ਟਰਾਫੀ ਤੋਂ ਇਲਾਵਾ ਹੋਰ ਕਿਹੜੇ-ਕਿਹੜੇ ਇਨਾਮ ਮਿਲੇ ਹਨ।
'ਖਤਰੋਂ ਕੇ ਖਿਲਾੜੀ 14' ਦੇ ਫਿਨਾਲੇ 'ਚ ਪੰਜ ਪ੍ਰਤੀਯੋਗੀਆਂ ਨੇ ਥਾਂ ਬਣਾਈ ਸੀ। ਇਨ੍ਹਾਂ 'ਚ ਅਭਿਸ਼ੇਕ ਕੁਮਾਰ, ਕ੍ਰਿਸ਼ਨਾ ਸ਼ਰਾਫ, ਸ਼ਾਲਿਨ ਭਨੋਟ, ਕਰਨਵੀਰ ਮਹਿਰਾ ਅਤੇ ਗਸ਼ਮੀਰ ਮਹਾਜਨੀ ਦੇ ਨਾਂ ਸ਼ਾਮਲ ਹਨ। ਕਰਨਵੀਰ ਮਹਿਰਾ ਨੇ ਇਨ੍ਹਾਂ ਚਾਰ ਪ੍ਰਤੀਯੋਗੀਆਂ ਨੂੰ ਪਿੱਛੇ ਛੱਡ ਕੇ 'ਖਤਰੋਂ ਕੇ ਖਿਲਾੜੀ 14' ਦੇ ਵਿਜੇਤਾ ਦਾ ਤਾਜ ਆਪਣੇ ਨਾਂ ਕੀਤਾ ਹੈ।
ਟਰਾਫੀ ਦੇ ਨਾਲ ਕਰਨਵੀਰ ਮਹਿਰਾ ਨੂੰ 20 ਲੱਖ ਰੁਪਏ ਅਤੇ ਇੱਕ ਕਾਰ ਇਨਾਮ ਵਜੋਂ ਮਿਲੀ ਹੈ। 'ਖਤਰੋਂ ਕੇ ਖਿਲਾੜੀ 14' ਦਾ ਵਿਜੇਤਾ ਬਣਦੇ ਹੀ ਕਰਨਵੀਰ ਮਹਿਰਾ ਨੂੰ ਵਧਾਈਆਂ ਮਿਲਣੀਆਂ ਸ਼ੁਰੂ ਹੋ ਗਈਆਂ। ਕਰਨ ਵੀਰ ਮਹਿਰਾ ਦੀ ਜਿੱਤ ਤੋਂ ਉਨ੍ਹਾਂ ਦੇ ਸਾਰੇ ਪ੍ਰਸ਼ੰਸਕ ਬਹੁਤ ਖੁਸ਼ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸ਼ੋਅ 'ਖਤਰੋਂ ਕੇ ਖਿਲਾੜੀ 14' 27 ਜੁਲਾਈ ਨੂੰ ਸ਼ੁਰੂ ਹੋਇਆ ਸੀ ਅਤੇ 29 ਸਤੰਬਰ ਨੂੰ ਖ਼ਤਮ ਹੋਇਆ।