ਸਰਦਾਰ ਪਟੇਲ ਦੀ ਜਯੰਤੀ 'ਤੇ ਕੀ ਬੋਲ ਦਿੱਤਾ ਕੰਗਨਾ ਨੇ?ਮਹਾਤਮਾ ਗਾਂਧੀ 'ਤੇ ਵੀ ਲਗਾਏ ਇਲਜ਼ਾਮ

Kangana Ranaut

ਨਵੀਂ ਦਿੱਲੀ: ਜਿੱਥੇ-ਜਿੱਥੇ ਕੰਗਣਾ, ਉਥ-ਉਥੇ ਵਿਵਾਦ। ਇਕ ਵਾਰ ਫਿਰ, ਕੰਗਨਾ ਨੇ ਆਪਣੇ  ਬੇਬਾਕ ਬੋਲਾਂ ਨਾਲ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ। ਉਨ੍ਹਾਂ ਸਰਦਾਰ ਪਟੇਲ ਦੇ ਜਨਮ ਦਿਵਸ ਮੌਕੇ ਅਜਿਹੀ ਗੱਲ ਕਹੀ ਕਿ ਹਰ ਕੋਈ ਹੈਰਾਨ  ਰਹਿ ਗਿਆ ਹੈ।

ਜਯੰਤੀ ਦੇ ਮੌਕੇ 'ਤੇ ਅਭਿਨੇਤਰੀ ਕੰਗਣਾ ਰਨੌਤ ਨੇ ਸਰਦਾਰ ਵੱਲਭਭਾਈ ਪਟੇਲ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਹੈ। ਇੰਨਾ ਹੀ ਨਹੀਂ, ਕੰਗਨਾ ਨੇ ਇਕ ਹੋਰ ਟਵੀਟ ਵਿੱਚ ਮਹਾਤਮਾ ਗਾਂਧੀ ਅਤੇ ਪੰਡਿਤ ਜਵਾਹਰ ਲਾਲ ਨਹਿਰੂ ਦੀ ਆਲੋਚਨਾ ਕੀਤੀ ਹੈ।

ਕੰਗਨਾ ਨੇ ਟਵੀਟ ਕੀਤਾ,  ਭਾਰਤ ਦੇ  ਆਇਰਨ ਪੁਰਸ਼ ਸਰਦਾਰ ਪਟੇਲ ਨੂੰ ਉਹਨਾਂ ਦੀ ਜਯੰਤੀ  ਤੇ ਯਾਦ ਕਰਦੀ ਹਾਂ। ਤੁਸੀਂ ਇਕ ਅਜਿਹੇ ਵਿਅਕਤੀ ਸੀ ਜਿਸ ਨੇ ਸਾਨੂੰ ਅਜੋਕਾ ਭਾਰਤ ਦਿੱਤਾ ਹੈ, ਪਰ ਤੁਸੀਂ ਪ੍ਰਧਾਨ ਮੰਤਰੀ ਦੇ ਅਹੁਦੇ ਦਾ ਤਿਆਗ ਕਰਦਿਆਂ ਸਾਡੀ ਮਹਾਨ ਲੀਡਰਸ਼ਿਪ ਅਤੇ ਦੂਰਦਰਸ਼ਤਾ ਨੂੰ ਤਿਆਗ ਦਿੱਤਾ ਹੈ। ਸਾਨੂੰ ਤੁਹਾਡੇ ਫੈਸਲੇ 'ਤੇ ਦਿਲੋਂ ਪਛਤਾਵਾ ਹੈ।

 

 

ਕੰਗਨਾ ਦਾ ਕਹਿਣਾ ਹੈ ਕਿ ਪਟੇਲ ਹੁੰਦੇ ਸਭ ਤੋਂ ਵੱਧ ਯੋਗ ਪ੍ਰਧਾਨ ਮੰਤਰੀ 
ਕੰਗਨਾ ਨੇ ਟਵੀਟ ਕਰਦੇ ਹੋਏ ਕਿਹਾ, 'ਉਹਨਾਂ ਨੇ ਗਾਂਧੀ ਨੂੰ ਖੁਸ਼ ਕਰਨ ਲਈ ਭਾਰਤ ਦੇ ਪਹਿਲੇ ਪ੍ਰਧਾਨ ਮੰਤਰੀ ਵਜੋਂ ਆਪਣੇ ਸਭ ਤੋਂ ਯੋਗ ਅਤੇ ਚੁਣੇ ਗਏ ਅਹੁਦੇ ਦੀ ਕੁਰਬਾਨੀ ਦਿੱਤੀ ਕਿਉਂਕਿ ਗਾਂਧੀ ਨੂੰ ਲੱਗਦਾ ਸੀ ਕਿ ਨਹਿਰੂ ਬਿਹਤਰ ਅੰਗਰੇਜ਼ੀ ਬੋਲਦੇ ਹਨ।  ਇਸ ਨਾਲ ਨਾ ਸਿਰਫ ਸਰਦਾਰ ਪਟੇਲ, ਬਲਕਿ ਪੂਰੇ ਦੇਸ਼ ਨੇ ਕਈ ਦਹਾਕਿਆਂ ਤਕ ਦੁੱਖ ਝੱਲਿਆ। ਅਸੀਂ ਬੇਸ਼ਰਮੀ ਨਾਲ ਉਹ ਲੈਣਾ ਚਾਹੀਦਾ ਦਿਸ ਤੇ ਸਾਡਾ ਹੱਕ ਸੀ।

ਕੰਗਨਾ ਨੇ ਕੀਤੀ ਮਹਾਤਮਾ ਗਾਂਧੀ 'ਤੇ ਟਿੱਪਣੀ
ਕੰਗਨਾ ਨੇ ਇਸ ਮੌਕੇ ਇੱਕ ਹੋਰ ਟਵੀਟ ਕੀਤਾ, ਜਿਸ ਵਿੱਚ ਉਹਨਾਂ ਨੇ ਲਿਖਿਆ, ‘ਉਹ ਭਾਰਤ ਦੇ ਅਸਲ ਪੁਰਸ਼ ਹਨ ਮੇਰਾ ਮੰਨਣਾ ਹੈ ਕਿ ਗਾਂਧੀ ਜੀ ਵੀ ਨਹਿਰੂ ਵਾਂਗ ਕਮਜ਼ੋਰ ਦਿਮਾਗ ਚਾਹੁੰਦੇ ਸਨ ਤਾਂ ਕਿ ਉਹ ਉਨ੍ਹਾਂ ਨੂੰ ਕਾਬੂ ਵਿਚ ਰੱਖ ਸਕਣ ਅਤੇ ਨਹਿਰੂ ਨੂੰ ਅੱਗੇ ਲੈ ਕੇ ਸਾਰੇ ਫੈਸਲੇ ਲੈਣ। ਇਹ ਇਕ ਚੰਗੀ ਯੋਜਨਾ ਸੀ, ਪਰ ਗਾਂਧੀ ਦੇ ਮਾਰੇ ਜਾਣ ਤੋਂ ਬਾਅਦ ਜੋ ਹੋਇਆ ਉਹ ਇਕ ਵੱਡੀ ਤਬਾਹੀ ਸੀ।

ਅੱਜ ਸਰਦਾਰ ਪਟੇਲ ਦੀ ਜਯੰਤੀ ਅੱਜ 
ਦੱਸ ਦਈਏ ਕਿ ਅੱਜ (31 ਅਕਤੂਬਰ) ਆਇਰਨ ਮੈਨ ਸਰਦਾਰ ਵੱਲਭਭਾਈ ਪਟੇਲ ਦਾ 145 ਵਾਂ ਜਨਮ ਦਿਵਸ ਹੈ, ਜਿਸ ਨੂੰ ਪੂਰਾ ਦੇਸ਼ ਰਾਸ਼ਟਰੀ ਏਕਤਾ ਦਿਵਸ ਵਜੋਂ ਮਨਾ ਰਿਹਾ ਹੈ।