ਬਰਸੀ ਮੌਕੇ ਅਦਾਕਾਰ ਰਾਜੇਸ਼ ਖੰਨਾ ਨੂੰ ਸ਼ਰਧਾਂਜਲੀਆਂ

ਭੋਪਾਲ, 19 ਜੁਲਾਈ: ਬਾਲੀਵੁਡ ਵਿਚ ਅਪਣੇ ਜ਼ਮਾਨੇ ਦੇ ਮਸ਼ਹੂਰ ਸੁਪਰ ਸਟਾਰ ਰਹੇ ਰਾਜੇਸ਼ ਖੰਨਾ ਦੀ ਪੰਜਵੀਂ ਬਰਸੀ ਮੌਕੇ ਸੰਗੀਤ ਪ੍ਰੇਮੀਆਂ ਨੇ ਇਕ ਸੰਗੀਤਮਈ ਸ਼ਰਧਾਂਜਲੀ ਸਭਾ ਦਾ ਆਯੋਜਨ ਕੀਤਾ। ਉਪਨਾਮ 'ਕਾਕਾ' ਤੋਂ ਪ੍ਰਸਿੱਧ ਰਾਜੇਸ਼ ਖੰਨਾ ਦੀ ਬਰਸੀ 18 ਜੁਲਾਈ ਨੂੰ ਸੀ। ਸਮਰਾਟ ਸਾਧਨਾ ਸੇਵਾ ਕਮੇਟੀ ਵਲੋਂ ਕਰਵਾਈ ਇਸ ਸੰਗੀਤਮਈ ਸ਼ਾਮ ਵਿਚ ਲੱਖਾਂ ਲੋਕਾਂ ਦੇ ਦਿਲਾਂ 'ਤੇ ਰਾਜ ਕਰਨ ਵਾਲੇ ਰਾਜੇਸ਼ ਖੰਨਾ ਦੇ ਫ਼ਿਲਮੀ ਗੀਤਾਂ ਦੀ ਪੇਸ਼ਕਾਰੀ ਦਿਤੀ। ਸੰਸਥਾ ਦੇ ਮਿਲਿਨ ਮਿਸ਼ਰਾ ਅਤੇ ਸੁਨੀਲ ਸ਼ੁਕਰਵਾਰੇ ਨੇ ਅੱਜ ਦਸਿਆ, ''ਸੰਸਥਾ ਹਰ ਸਾਲ ਰਾਜੇਸ਼ ਖੰਨਾ ਦੀ ਬਰਸੀ 'ਤੇ ਸੰਗੀਤਮਈ ਪ੍ਰੋਗਰਾਮ ਦਾ ਆਯੋਜਨ ਕਰ, ਮਹਾਨ ਕਲਾਕਾਰ ਨੂੰ ਯਾਦ ਕਰਦੀ ਹੈ।''