Diljit Dosanjh News: ਪਾਕਿ ਦੀ ਅਦਾਕਾਰਾ ਹਾਨੀਆ ਦੇ ਦੀਵਾਨੇ ਹੋਏ ਦਿਲਜੀਤ ਦੁਸਾਂਝ, ਸਭ ਦੇ ਸਾਹਮਣੇ ਦੱਸਿਆ 'ਲਵਰ'

ਦਰਅਸਲ ਦਿਲਜੀਤ ਸਟੇਜ 'ਤੇ ਪਰਫਾਰਮ ਕਰ ਰਹੇ ਸਨ। ਇਸੇ ਦੌਰਾਨ ਪਾਕਿਸਤਾਨੀ ਅਦਾਕਾਰਾ ਹਾਨੀਆ ਆਮਿਰ ਵੀ ਇਸ ਸ਼ੋਅ ਦੇ ਦੌਰਾਨ ਮੌਜੂਦ ਸੀ।ਦਿਲਜੀਤ ਦੋਸਾਂਝ ਨੇ ਜਦੋਂ ਹਾਨੀਆ ਨੂੰ ਆਪਣੇ ਸ਼ੋਅ ‘ਚ ਵੇਖਿਆ ਤਾਂ ਉਨ੍ਹਾਂ ਨੇ ਹਾਨੀਆ ਨੂੰ ਸਟੇਜ ‘ਤੇ ਬੁਲਾਇਆ ।

ਦਿਲਜੀਤ ਨੇ ਕਿਹਾ ਕਿ ਸੁਪਰ ਸਟਾਰ ਆਈ ਹੋਵੇ ਤੇ ਥੱਲੇ ਖੜੀ ਨੱਚੀ ਜਾਵੇ। ਇਹ ਨਹੀਂ ਹੋ ਸਕਦਾ। ਇਸ ਤੋਂ ਬਾਅਦ ਹਾਨੀਆ ਸਟੇਜ 'ਤੇ ਗਈ।  ਇਸ ਤੋਂ ਬਾਅਦ ਉਸ ਨੇ ਹਾਨੀਆ ਲਈ ਆਪਣਾ ਸੁਪਰਹਿੱਟ ਗੀਤ ਲਵਰ ਗਾਇਆ। ਹਾਨੀਆ ਇਸ ਗੀਤ 'ਤੇ ਸਟੇਜ 'ਤੇ ਡਾਂਸ ਕਰਦੀ ਨਜ਼ਰ ਆਈ। ਹਾਨੀਆ ਨੇ ਦਿਲਜੀਤ ਦੋਸਾਂਝ ਵੱਲੋਂ ਇੰਨ੍ਹਾਂ ਮਾਣ ਸਤਿਕਾਰ ਦੇਣ ‘ਤੇ ਸ਼ੁਕਰੀਆ ਅਦਾ ਕੀਤਾ। ਦਿਲਜੀਤ ਦੋਸਾਂਝ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਅਤੇ ਹਰ ਕੋਈ ਦਿਲਜੀਤ ਦੋਸਾਂਝ ਦੇ ਇਸ ਵਰਤਾਉ ਦੀ ਸ਼ਲਾਘਾ ਕਰ ਰਿਹਾ ਹੈ।