ਸਿੱਧੂ ਮੂਸੇਵਾਲਾ ਦੇ ਜਨਮਦਿਨ ਮੌਕੇ ਪੰਜਾਬੀ ਇੰਡਸਟਰੀ ਦੇ ਇਨ੍ਹਾਂ ਕਲਾਕਾਰਾਂ ਨੇ ਕੀਤਾ ਮਰਹੂਮ ਗਾਇਕ ਨੂੰ ਯਾਦ 

late Sidhu Moosewala

ਚੰਡੀਗੜ੍ਹ : ਪੰਜਾਬੀ ਸੰਗੀਤ ਤੋਂ ਸ਼ੁਰੂਆਤ ਕਰ ਕੇ ਪੂਰੀ ਦੁਨੀਆ ਵਿਚ ਨਾਮ ਬਣਾਉਣ ਵਾਲੇ ਮਰਹੂਮ ਗਾਇਕ ਸਿੱਧੂ ਮੂਸੇਵਾਲਾ ਦਾ ਅੱਜ ਜਨਮਦਿਨ ਹੈ। ਇਸ ਮੌਕੇ ਪੰਜਾਬੀ ਇੰਡਸਟਰੀ ਦੇ ਕਲਾਕਾਰਾਂ ਨੇ ਸਿੱਧੂ ਮੂਸੇਵਾਲਾ ਨੂੰ ਯਾਦ ਕੀਤਾ ਅਤੇ ਉਨ੍ਹਾਂ ਦੇ ਜਨਮਦਿਨ ਮੌਕੇ ਸੋਸ਼ਲ ਮੀਡੀਆ 'ਤੇ ਪੁਰਾਣੀਆਂ ਯਾਦਾਂ ਸਾਂਝੀਆਂ ਕੀਤੀਆਂ। 

ਡਾਇਰੈਕਟਰ ਅਮਰਦੀਪ ਸਿੰਘ ਗਿੱਲ ਨੇ ਸਾਂਝੀ ਕੀਤੀ ਪੋਸਟ 
''ਜਨਮਦਿਨ ਮੁਬਾਰਕ ਸ਼ੇਰਾ ! ਤੂੰ ਤਾਂ ਸਦਾ ਹੀ ਜਿਊਂਦਾ ਰਹੇਂਗਾ, ਤੇਰਾ ਜਨਮਦਿਨ ਰਹਿੰਦੀ ਦੁਨੀਆ ਤੱਕ ਹਰ ਸਾਲ ਮਨਾਇਆ ਜਾਇਆ ਕਰੇਗਾ। ਪ੍ਰਮਾਤਮਾ ਭੈਣ ਚਰਨ ਕੌਰ ਜੀ ਅਤੇ ਬਾਈ ਬਲਕੌਰ ਸਿੰਘ ਜੀ ਦੇ ਵੀ ਅੰਗ ਸੰਗ ਹੈ ਇਸ ਲਈ ਹੀ ਤਾਂ ਤੇਰੇ ਜਾਣ ਤੋਂ ਬਾਅਦ ਬਤੌਰ ਮਾਂ-ਬਾਪ ਉਹਨਾਂ ਨੇ ਮਿਸਾਲ ਕਾਇਮ ਕਰ ਦਿੱਤੀ। ਤੂੰ ਮਾਪਿਆਂ ਦਾ ਸਰਵਣ ਪੁੱਤ ਸੀ, ਬੇਸ਼ੱਕ ਲੋਕ ਅਸਲ ਸਰਵਣ ਦੇ ਮਾਂ ਬਾਪ ਦਾ ਨਾਂ ਨਹੀਂ ਜਾਣਦੇ ਪਰ ਤੇਰੇ ਮਾਂ-ਬਾਪ ਦਾ ਨਾਂ ਸਦਾ ਤੇਰੇ ਨਾਂ ਦੇ ਨਾਲ ਲਿਆ ਜਾਵੇਗਾ। ਚੜ੍ਹਦੀ ਕਲਾ !!

ਸਿੱਧੂ ਮੂਸੇਵਾਲਾ ਦੇ ਜਨਮ ਦਿਨ ਮੌਕੇ ਮਨਿੰਦਰ ਬੁੱਟਰ ਨੇ ਸਾਂਝੀ ਕੀਤੀ ਪੋਸਟ
SYL ਗਾਣਾ ਸੁਣ ਕੇ ਸਾਰੇ ਖੜ੍ਹੇ ਹੋ ਕੇ ਸਲੂਟ ਕਰਨਗੇ- ਮਨਿੰਦਰ ਬੁੱਟਰ
“ਰਹਿੰਦੀ ਦੁਨੀਆ ਤੱਕ ਨਾਮ ਰਹਿਣਾ ਬਾਈ ਤੇਰਾ, ਨਾ ਹੀ ਤੇਰੇ ਵਰਗਾ ਸਰਵਣ ਪੁੱਤਰ ਮਿਲਣਾ ਤੇ ਨਾ ਹੀ ਕਦੇ ਉਹ ਗਰਜਦੀ ਆਵਾਜ਼ ਮਿਲਣੀ। ਮੇਰੀ ਗੱਲ ਯਾਦ ਰੱਖਿਓ SYL ਗਾਣਾ ਸੁਣ ਕੇ ਖੜ੍ਹੇ ਹੋ ਕੇ ਸਲੂਟ ਕਰੋਗੇ ਤੁਸੀਂ ਸਾਰੇ।   

ਮਰਹੂਮ ਸਿੱਧੂ ਮੂਸੇਵਾਲਾ ਦੇ ਜਨਮ ਦਿਨ ਮੌਕੇ ਅਦਾਕਾਰਾ ਸਰਗੁਨ ਮਹਿਤਾ ਨੇ ਸਾਂਝੀ ਕੀਤੀ ਪੋਸਟ
“ਓਹਦੀ ਪਛਾਣ ਦੁਨੀਆ ’ਚੋਂ ਅਲੱਗ ਦਿਸਦੀ
ਡਰੇਕ ਦੀਆਂ ਸਟੋਰੀਆਂ ’ਚ ਪੱਗ ਦਿਸਦੀ”

ਸਿੱਧੂ ਮੂਸੇਵਾਲਾ ਦੇ ਜਨਮ ਦਿਨ ਮੌਕੇ ਦਿਲਜੀਤ ਦੁਸਾਂਝ ਨੇ ਕਿਹਾ
“Creativity..Music  ਕਿਤੇ ਨਹੀਂ ਜਾਂਦਾ” 

ਮਰਹੂਮ ਸਿੱਧੂ ਮੂਸੇਵਾਲਾ ਦੇ ਜਨਮ ਦਿਨ ਮੌਕੇ ਗਾਇਕ ਤਰਸੇਮ ਜੱਸੜ ਦਾ ਸਵਾਲ
“ਹਰ ਕੋਈ ਤੈਨੂੰ ਯਾਦ ਕਰ ਰਿਹਾ, ਪਰ ਸੱਚ ਕਿੱਥੇ ਐ?”