Chandigarh News: ਚੰਡੀਗੜ੍ਹ 'ਚ ਅੱਜ ਸਤਿੰਦਰ ਸਰਤਾਜ ਦਾ ਲਾਈਵ ਕੰਸਰਟ, ਪੁਲਿਸ ਨੇ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ
Chandigarh News: ਕਈ ਰੂਟ ਕੀਤੇ ਡਾਇਵਰਟ
Live concert of Satinder Sartaj in Chandigarh today: ਪੰਜਾਬੀ ਗਾਇਕ ਸਤਿੰਦਰ ਸਰਤਾਜ ਦਾ ਲਾਈਵ ਕੰਸਰਟ ਪ੍ਰੋਗਰਾਮ ਅੱਜ (ਐਤਵਾਰ) ਸੈਕਟਰ-34 ਸਥਿਤ ਐਗਜ਼ੀਬਿਸ਼ਨ ਗਰਾਊਂਡ ਵਿਖੇ ਹੋਵੇਗਾ। ਪ੍ਰੋਗਰਾਮ ਨੂੰ ਲੈ ਕੇ ਚੰਡੀਗੜ੍ਹ ਟਰੈਫਿਕ ਪੁਲਿਸ ਵਲੋਂ ਐਡਵਾਈਜ਼ਰੀ ਜਾਰੀ ਕੀਤੀ ਗਈ ਹੈ, ਤਾਂ ਜੋ ਲੋਕਾਂ ਨੂੰ ਦਿੱਕਤਾਂ ਦਾ ਸਾਹਮਣਾ ਨਾ ਕਰਨਾ ਪਵੇ। ਚੰਡੀਗੜ੍ਹ ਟਰੈਫਿਕ ਪੁਲਿਸ ਦੀ ਸਲਾਹ ਅਨੁਸਾਰ ਘਰੋਂ ਨਿਕਲਦੇ ਸਮੇਂ ਪੁਲਿਸ ਵਲੋਂ ਸੁਝਾਏ ਗਏ ਰੂਟ ਤੋਂ ਲੰਘੋ।
ਇਹ ਵੀ ਪੜ੍ਹੋ: Ludhiana News: ਲੁਧਿਆਣਾ ਏਅਰਪੋਰਟ 'ਤੇ ਪੁਲਿਸ ਮੁਲਾਜ਼ਮ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ
ਸਮਾਗਮ ਵਿਚ ਸ਼ਾਮਲ ਹੋਣ ਲਈ ਜਿਨ੍ਹਾਂ ਕੋਲ ਟਿਕਟਾਂ ਜਾਂ ਐਂਟਰੀ ਪਾਸ ਹਨ, ਉਹ ਸੈਕਟਰ-33/34 ਐਲਪੀ ਬੈਕ ਸਾਈਡ ਪੈਟਰੋਲ ਪੰਪ ਸੈਕਟਰ-34 ਨੇੜੇ ਉਪਲਬਧ ਪਾਰਕਿੰਗ ਵਿਚ ਜਾ ਸਕਦੇ ਹਨ। ਇਹ ਪਾਰਕਿੰਗ ਪਹਿਲਾਂ ਆਓ ਪਹਿਲਾਂ ਪਾਓ ਦੇ ਆਧਾਰ 'ਤੇ ਉਪਲਬਧ ਹੋਵੇਗੀ। ਜੇਕਰ ਉਪਰੋਕਤ ਪਾਰਕਿੰਗ ਵਿਚ ਜਗ੍ਹਾ ਉਪਲਬਧ ਨਹੀਂ ਹੈ ਤਾਂ ਲੋਕਾਂ ਨੂੰ ਆਪਣੇ ਵਾਹਨ ਪੇਡ ਪਾਰਕਿੰਗ ਜਾਂ ਪ੍ਰਦਰਸ਼ਨੀ ਗਰਾਊਂਡ ਸੈਕਟਰ-34 ਦੇ ਨੇੜੇ ਉਪਲਬਧ ਖੁੱਲ੍ਹੀਆਂ ਥਾਵਾਂ ਵਿੱਚ ਪਾਰਕ ਕਰਨੇ ਪੈਣਗੇ।
ਇਹ ਵੀ ਪੜ੍ਹੋ: Samana News: ਪਟਿਆਲਾ 'ਚ ਭਾਜਪਾ ਉਮੀਦਵਾਰ ਖਿਲਾਫ ਪ੍ਰਦਰਸ਼ਨ, ਪ੍ਰਨੀਤ ਕੌਰ ਨੂੰ ਦਿਖਾਈਆਂ ਕਾਲੀਆਂ ਝੰਡੀਆਂ
ਸੜਕ ਦੇ ਦੋਵੇਂ ਪਾਸੇ ਬੱਸ ਸਟਾਪ ਸੈਕਟਰ-34 ਮਾਰਕੀਟ ਨੇੜੇ ਟੈਕਸੀ ਲਈ ਪਿਕ ਐਂਡ ਡਰਾਪ ਦੀ ਸਹੂਲਤ ਉਪਲਬਧ ਹੈ। ਕਿਸੇ ਵੀ ਵਾਹਨ ਨੂੰ ਸੜਕ/ਸਾਇਕਲ ਟਰੈਕ/ਫੁੱਟਪਾਥ 'ਤੇ ਪਾਰਕ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਸੈਕਟਰ-33/34 ਲਾਈਟ ਪੁਆਇੰਟ ਤੋਂ ਨਿਊ ਲੇਬਰ ਚੌਕ ਤੱਕ ਪਾਰਕਿੰਗ/ਪਿਕਅੱਪ ਜਾਂ ਡਰਾਪ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਹਰੇਕ ਟਿਕਟ 'ਤੇ ਨਿਸ਼ਚਿਤ ਪਾਰਕਿੰਗ ਦਾ ਜ਼ਿਕਰ ਕੀਤਾ ਜਾਵੇਗਾ। ਮਨੋਨੀਤ ਪਾਰਕਿੰਗ ਵਿੱਚ ਦਾਖਲੇ ਦੀ ਇਜਾਜ਼ਤ ਸਿਰਫ਼ ਵੈਧ ਟਿਕਟਾਂ ਨਾਲ ਹੀ ਹੋਵੇਗੀ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
(For more Punjabi news apart from Live concert of Satinder Sartaj in Chandigarh today, stay tuned to Rozana Spokesman)