ਬੀਬੀ ਰਜਨੀ ਦੀ ਸਫਲਤਾ ਤੋਂ ਬਾਅਦ ਹੁਣ ਵੱਡੇ ਪਰਦੇ ’ਤੇ ਛੇਤੀ ਹੀ ਵੇਖਣ ਨੂੰ ਮਿਲੇਗੀ "ਸਿੱਖ ਰਾਜ ਦੀ ਗਾਥਾ"
“ਪ੍ਰੋਡਿਊਸਰ ਗੁਰਕਰਨ ਧਾਲੀਵਾਲ ਨੇ ਸਿੱਖ ਰਾਜ ਦੀਆਂ ਤਿੰਨ ਪੀੜੀਆਂ ਰਾਈਜ਼, ਰੂਲ ਐਂਡ ਫਾਲ ਦੀ ਕੀਤੀ ਘੋਸ਼ਣਾ”
16 ਅਕਤੂਬਰ, 2024 - ਬੀਬੀ ਰਜਨੀ ਦੀ ਜ਼ਬਰਦਸਤ ਸਫਲਤਾ ਤੋਂ ਬਾਅਦ, ਮੇਕਰਸ -ਮੈਡ 4 ਫਿਲਮਜ਼ ਇੱਕ ਇਤਿਹਾਸਕ ਲੜੀ ਨਾਲ ਇੱਕ ਵਾਰ ਫਿਰ ਦਰਸ਼ਕਾਂ ਨੂੰ ਮੋਹ ਲੈਣ ਲਈ ਤਿਆਰ ਹਨ। ਇਹ ਸਿਨੇਮੈਟਿਕ ਯਾਤਰਾ ਸਿੱਖ ਰਾਜ ਦੇ ਉਭਾਰ, ਰਾਜ ਅਤੇ ਪਤਨ ਨੂੰ ਦਰਸਾਏਗੀ, ਸਿੱਖ ਇਤਿਹਾਸ ਨੂੰ ਵੱਡੇ ਪਰਦੇ 'ਤੇ ਮੁੜ ਜੀਵਿਤ ਕਰੇਗੀ।
ਇਸ ਇਤਿਹਾਸਕ ਲੜੀ ਦੀ ਸ਼ੁਰੂਆਤ 3 ਅਪ੍ਰੈਲ, 2026 ਨੂੰ "ਦਿ ਰਾਈਜ਼ ਆਫ਼ ਸਿੱਖ ਰਾਜ" ਨਾਲ ਹੋਵੇਗੀ, ਜਿਸ ਤੋਂ ਬਾਅਦ 28 ਅਗਸਤ, 2026 ਨੂੰ "ਸਿੱਖ ਰਾਜ ਦਾ ਰਾਜ" ਹੋਵੇਗਾ। 2027 ਵਿੱਚ "ਸਿੱਖ ਰਾਜ ਦੇ ਪਤਨ" ਦੀ ਗਾਥਾ ਦਰਸਾਈ ਜਾਵੇਗੀ। ਇਹਨਾਂ ਫਿਲਮਾਂ ਦਾ ਉਦੇਸ਼ ਸਿੱਖ ਸਾਮਰਾਜ ਦੀ ਵਿਰਾਸਤ ਨੂੰ ਪਰਿਭਾਸ਼ਿਤ ਕਰਨ ਵਾਲੇ ਬਹਾਦਰ ਜਰਨੈਲਾਂ, ਯੋਧਿਆਂ ਤੇ ਸਿੱਖ ਰਾਜ ਵਿੱਚ ਆਈਆਂ ਚੁਣੌਤੀਆਂ ਨੂੰ ਦਰਸਾਉਣਾ ਹੈ।
ਨਿਰਮਾਤਾ ਪਿੰਕੀ ਧਾਲੀਵਾਲ ਅਤੇ ਗੁਰਕਰਨ ਧਾਲੀਵਾਲ ਨੇ ਇਸ ਪ੍ਰੋਜੈਕਟ ਲਈ ਆਪਣੇ ਉਤਸ਼ਾਹ ਦਾ ਪ੍ਰਗਟਾਵਾ ਕਰਦੇ ਹੋਏ ਕਿਹਾ, “ਅਸੀਂ ਦਰਸ਼ਕਾਂ ਦੇ ਬਹੁਤ ਧੰਨਵਾਦੀ ਹਾਂ ਜਿਹਨਾਂ ਨੇ ਸਾਡੀ ਫਿਲਮ "ਬੀਬੀ ਰਜਨੀ" ਨੂੰ ਇੰਨਾ ਪਿਆਰ ਬਖਸ਼ਿਆਂ, ਜਿਸ ਨੂੰ ਵੇਖਦੇ ਹੋਏ ਸਾਡੇ ਉਤਸ਼ਾਹ ਦੇ ਵਿੱਚ ਹੋਰ ਵਾਧਾ ਹੋਇਆ ਤੇ ਅਸੀਂ ਇੱਕ ਨਵੇਂ ਇਤਿਹਾਸਿਕ ਪ੍ਰੋਜੈਕਟ ਦੇ ਨਾਲ ਹਾਜ਼ਿਰ ਹਾਂ, ਅਸੀਂ ਉਮੀਦ ਕਰਦੇ ਹਾਂ ਕਿ ਸਾਡੀ ਇਸ ਕੋਸ਼ਿਸ਼ ਨੂੰ ਵੀ ਦਰਸ਼ਕਾਂ ਦਾ ਭਰਵਾਂ ਹੁੰਗਾਰਾ ਮਿਲੇਗਾ।"
ਇਹ ਇਤਿਹਾਸਿਕ ਲੜੀ ਨਾ ਸਿਰਫ਼ ਇਤਿਹਾਸ ਦੇ ਨਾਲ ਨਹੀਂ ਜੋੜਦੀ ਹੈ ਸਗੋਂ ਆਉਣ ਵਾਲੀ ਪੀੜੀ ਦੇ ਲਈ ਵੀ ਇਤਿਹਾਸ ਦੇ ਨਾਲ ਜਾਣੂ ਕਰਵਾਏਗੀ। ਇਹ ਇਤਿਹਾਸਿਕ ਫ਼ਿਲਮਾਂ ਸਾਡੀ ਆਉਣ ਵਾਲੀ ਪੀੜੀ ਨੂੰ ਸਿੱਖ ਇਤਿਹਾਸ ਨਾਲ ਵੀ ਜੋੜੇਗੀ ਤੇ ਨਵੀਂ ਪਹਿਲਕਦਮੀ ਕਰੇਗੀ!