ਕਿਮੀ ਵਰਮਾ ਦੇ ਜਨਮਦਿਨ ਮੌਕੇ ਤੇ ਜਾਣੋ ਉਹਨਾਂ ਬਾਰੇ ਕੁੱਝ ਖਾਸ ਗੱਲਾਂ
ਸਕੂਲ 'ਚ ਪੜਨ ਦੌਰਾਨ ਖੇਡਾਂ 'ਚ ਵੀ ਕਾਫੀ ਐਕਟਿਵ ਸਨ
ਮੁਹਾਲੀ: ਪਾਲੀਵੁਡ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਕਿਮੀ ਵਰਮਾ ਦਾ ਅੱਜ ਜਨਮਦਿਨ ਹੈ। ਜਿਹਨਾਂ ਨੇ ਪੰਜਾਬ ਦੇ ਮਸ਼ਹੂਰ ਗਾਇਕ ਤੇ ਅਦਾਕਾਰ ਹਰਭਜਨ ਮਾਨ ਨਾਲ ਕਈ ਪੰਜਾਬੀ ਫਿਲਮਾਂ ਕੀਤੀਆਂ ਜੋ ਕਿ ਸੁਪਰਹਿੱਟ ਸਾਬਿਤ ਹੋਈਆਂ। ਹਿੱਟ ਫਿਲਮਾਂ ਦੇਣ ਤੋਂ ਬਾਅਦ ਵੀ ਕਿਉਂ ਪੰਜਾਬੀ ਇੰਡਸਟਰੀ ਤੋਂ ਦੂਰ ਹੋ ਗਏ ਕਿਮੀ ਇਸ ਸਮੇਂ ਕਿੱਥੇ ਰਹਿ ਰਹੇ ਨੇ ਤੇ ਕਿਸ ਨਾਲ ਵਿਆਹ ਹੋਇਆ ਅੱਜ ਉਹਨਾਂ ਦੇ ਜਨਮਦਿਨ 'ਤੇ ਤੁਹਾਨੂੰ ਦੱਸਾਂਗੇ।
ਕਿਮੀ ਵਰਮਾ ਦਾ ਜਨਮ 20 ਨਵੰਬਰ, 1977 ਨੁੰ ਜਗਰਾਓ ਲੁਧਿਆਣਾ, ਪੰਜਾਬ 'ਚ ਪਿਤਾ ਕ੍ਰਿਸ਼ਨ ਕਮਲ ਤੇ ਮਾਤਾ ਕਮਲਜੀਤ ਦੇ ਘਰ ਹੋਇਆ। ਜੇਕਰ ਗੱਲ ਕਰੀਏ ਉਹਨਾਂ ਦੇ ਅਸਲੀ ਨਾਮ ਦੀ ਤਾਂ ਉਹ ਹੈ ਕਿਰਨਦੀਪ ਵਰਮਾ ਹੋਇਆ. ਕਿਮੀ ਦੇ ਪਿਤਾ ਇੱਕ ਬਹੁਤ ਹੀ ਫੇਮਸ ਫੋਟੋਗ੍ਰਾਫਰ ਰਹਿ ਚੁੱਕੇ ਹਨ। ਜਦੋਂ ਕਿਮੀ ਛੋਟੀ ਸੀ ਉਦੋਂ ਹੀ ਉਹਨਾਂ ਦਾ ਸਾਰਾ ਪਰਿਵਾਰ ਮੁੰਬਈ ਜਾ ਕੇ ਰਹਿਣ ਲੱਗ ਗਿਆ ਸੀ।
ਕਿਮੀ ਦੀ ਪੜਾਈ ਦੀ ਗੱਲ ਕਰੀਏ ਤਾ ਉਹ ਉਹਨਾਂ ਨੇ ਜਗਰਾਓ ਤੇ ਮੁੰਬਈ ਤੋਂ ਕੀਤੀ। ਬੰਬੇ ਯੂਨੀਵਰਸਿਟੀ ਤੋਂ ਐੱਮ.ਬੀ.ਏ. ਕਰਨ ਤੋਂ ਬਾਅਦ ਉਹ ਲਾਸ ਏਂਗਲਸ ਵਿਖੇ ਚਲੀ ਗਈ ਅਤੇ ਵਰਤਮਾਨ ਸਮੇਂ ਵੀ ਉਹ ਉੱਥੇ ਹੀ ਰਹਿ ਰਹੀ ਹੈ। ਨਿੱਜੀ ਜਿੰਦਗੀ ਦੀ ਗੱਲ ਕਰੀਏ ਤਾਂ ਉਹਨਾਂ ਦਾ ਵਿਆਹ ਵਿਸ਼ਾਲ ਭਾਂਤੀਆਂ ਨਾਲ ਹੋਇਆ। ਵਿਆਹ ਤੋਂ ਬਾਅਦ ਕਿਮੀ ਦੇ ਘਰ ਦੋ ਬੇਟੀਆਂ ਨੇ ਜਨਮ ਲਿਆ ਜਿਸ ਦੀ ਖੁਸ਼ੀ ਉਹਨਾਂ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਦਰਸ਼ਕਾਂ ਨਾਲ ਸਾਂਝੀ ਕੀਤੀ ਸੀ। ਕਿਮੀ ਨੇ ਕਦੇ ਵੀ ਨਹੀਂ ਸੋਚਿਆ ਸੀ ਕਿ ਉਹ ਫਿਲਮ ਇੰਡਸਟਰੀ 'ਚ ਆਉਣਗੇ ।
ਹਮੇਸ਼ਾ ਉਹਨਾਂ ਦਾ ਧਿਆਨ ਪੜਾਈ ਵੱਲ ਹੀ ਹੁੰਦਾ ਸੀ। ਹੁਣ ਤੁਹਾਨੂੰ ਦੱਸਦੇ ਹਾਂ ਕਿ ਕਿਵੇਂ ਕਿਮੀ ਨੂੰ ਬਿਨਾਂ ਸੰਘਰਸ਼ ਕੀਤੇ ਪਹਿਲੀ ਫਿਲਮ ਮਿਲੀ। ਜਦੋਂ ਕਿਮੀ ਦਸਵੀ 'ਚ ਸਨ ਤਾਂ ਉਹਨਾਂ ਦੇ ਪਿਤਾ ਦੇ ਦੋਸਤ ਮਨਮੋਹਨ ਫਿਲਮ ਲਈ ਇੱਕ ਦਸ ਕੁ ਸਾਲਾਂ ਦੀ ਕੁੜੀ ਲੱਭ ਰਹੇ ਸਨ ਜਦ ਉਹਨਾਂ ਨੇ ਕਿਮੀ ਨੂੰ ਦੇਖਿਆ ਤਾਂ ਉਸ ਨੂੰ ਫਿਲਮ ਲਈ ਫਾਈਨਲ ਕਰ ਲਿਆ ਅਤੇ ਕਿਮੀ ਦੇ ਦਸਵੀ ਦੇ ਐਗਜ਼ਾਮ ਹੋਣ ਤੋ ਬਾਅਦ ਫਿਰ ਇਸ ਫਿਲਮ ਦੀ ਸ਼ੂਟਿੰਗ ਪੂਰੀ ਕੀਤੀ ਗਈ। ਫਿਲਮ ਨੂੰ ਬਣਦੇ ਬਣਦੇ ਤਿੰਨ ਚਾਰ ਸਾਲ ਲੱਗ ਗਏ।
1994 'ਚ ਫਿਲਮ ਰਿਲੀਜ਼ ਹੋਈ। ਕਿਮੀ ਨੇ ਪੜਾਈ ਕਰਦੇ ਸਮੇਂ ਕੋਈ ਵੀ ਡਰਾਮਾ ਕੰਪੀਟੀਸ਼ਨ 'ਚ ਭਾਗ ਨਹੀਂ ਲਿਆ ਤੇ ਨਾਹੀ ਕਦੇ ਐਕਟਿੰਗ ਸਿੱਖੀ ਸੀ। ਇਸ ਫਿਲਮ ਤੋਂ ਬਾਅਦ ਕਿਮੀ ਨੇ ਸਾਲ 2000 'ਚ ਆਈ ਫਿਲਮ ਸ਼ਹੀਦ ਊਧਮ ਸਿੰਘ , ਜੀ ਆਇਆ ਨੂੰ, 2004 'ਚ ਅਸਾਂ ਨੂੰ ਮਾਣ ਵਤਨਾਂ ਦਾ,2008 'ਚ ਮੇਰਾ ਪਿੰਡ 2009 'ਚ ਸਤਿ ਸ਼੍ਰੀ ਅਕਾਲ ,2010 'ਚ ਇੱਕ ਕੁੜੀ ਪੰਜਾਬ ਦੀ ਤੇ ਫਿਰ 2012 'ਚ ਫਿਲਮ ਆਈ ਅੱਜ ਦੇ ਰਾਂਝੇ । ਇਸ ਤੋਂ ਬਾਅਦ ਕਿਮੀ ਕਾਫੀ ਲੰਬੇ ਸਮੇਂ ਤੱਕ ਫਿਲਮਾਂ ਤੋਂ ਦੂਰ ਰਹੇ।
ਹਰਭਜਨ ਨਾਲ ਆਈਆਂ ਉਹਨਾਂ ਦੀਆਂ ਸਭ ਫਿਲਮਾਂ ਹਿੱਟ ਰਹੀਆਂ। ਕਿਮੀ ਇਸ ਸਮੇਂ ਲਾਸ ਐਂਜਲਸ ਵਿੱਚ ਰਹਿ ਰਹੇ ਨੇ। ਜਿੱਥੇ ਉਹ ਆਪਣੀ ਸ਼ੈਲ ਕੇ ਨਾਮ ਦੀ ਡਿਜਾਈਨਿੰਗ ਕੰਪਨੀ ਚਲਾ ਰਹੇ ਹਨ। ਜੋ ਕਾਫੀ ਮਸ਼ਹੂਰ ਹੈ। ਹੁਣ ਗੱਲ ਕਰਦੇ ਹਾਂ ਕਿਮੀ ਬਾਰੇ ਕੁਝ ਇੰਟਰਸਟਿੰਗ ਗੱਲਾਂ ਦੀ। 1994 'ਚ ਕਿਮੀ ਨੇ ਕਾਲਜ 'ਚ ਪੜਦੇ ਸਮੇਂ ਫੇਮਿਨਾ ਮਿਸ ਬਿਉਟੀਫੁਲ ਹੇਅਰ ਦਾ ਖਿਤਾਬ ਜਿੱਤਿਆ ਸੀ।
ਯੂਐਸਏ 'ਚ ਮਿਸ ਇੰਡੀਆਂ ਪੀਜੈਂਟ ਨੂੰ ਵੀ ਕਿਮੀ ਜਿੱਤ ਚੁਕੇ ਹਨ। ਫਿਲਮ ਨਸੀਬੋ ਤੋਂ ਬਾਅਦ 1997 'ਚ ਆਈ ਫਿਲਮ ਕਹਿਰ 'ਚ ਵੀ ਕਿਮੀ ਕੰਮ ਕਰ ਚੁੱਕੇ ਹਨ। ਕਿਮੀ ਸਕੂਲ 'ਚ ਪੜਨ ਦੌਰਾਨ ਖੇਡਾਂ 'ਚ ਵੀ ਕਾਫੀ ਐਕਟਿਵ ਸਨ। ਇਹ ਸੀ ਕਿਮੀ ਦੇ ਜਨਮਦਿਨ 'ਤੇ ਉਹਨਾਂ ਬਾਰੇ ਖਾਸ ਜਾਣਕਾਰੀ ਜਿਸ ਬਾਰੇ ਸ਼ਾਇਦ ਤੁਸੀ ਨਹੀਂ ਜਾਣਦੇ ਹੋਵੋਗੇ।