AP Dhillon V/S Diljit Dosanjh: AP ਢਿੱਲੋਂ ਦਾ ਦਿਲਜੀਤ ਦੋਸਾਂਝ ਨੂੰ ਮੋੜਵਾਂ ਜਵਾਬ, ਮੁੜ ਪੋਸਟ ਪਾ ਕੇ ਕਹੀਆਂ ਇਹ ਗੱਲਾਂ
AP Dhillon V/S Diljit Dosanjh: ਢਿੱਲੋਂ ਨੇ ਮੰਨਿਆ ਕਿ ਉਸ ਦਾ ਝਗੜਾ ਜਨਤਕ ਮੰਚ 'ਤੇ ਲਿਆਉਣ ਦਾ ਕੋਈ ਇਰਾਦਾ ਨਹੀਂ ਸੀ
AP Dhillon V/S Diljit Dosanjh: ਗਾਇਕ ਏਪੀ ਢਿੱਲੋਂ ਨੇ ਦਿਲਜੀਤ ਦੋਸਾਂਝ ਨਾਲ ਨੂੰ ਲੈ ਕੇ ਸਟੇਜ 'ਤੇ ਵੱਡੀ ਗੱਲ ਕਹਿ ਦਿੱਤੀ । ਗਾਇਕ ਨੇ ਚੰਡੀਗੜ੍ਹ ਵਿਖੇ ਆਪਣੇ ਸ਼ੋਅ ਦੌਰਾਨ ਦਾਅਵਾ ਕੀਤਾ ਕਿ ਦਿਲਜੀਤ ਨੇ ਜਨਤਕ ਤੌਰ 'ਤੇ ਉਸ ਦਾ ਸਮਰਥਨ ਕੀਤਾ ਪਰ ਅਸਲ ਵਿਚ, ਉਸ ਨੇ ਮੈਨੂੰ ਬਲੌਕ ਕੀਤਾ ਹੋਇਆ ਹੈ।
ਦਿਲਜੀਤ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਢਿੱਲੋਂ ਦੇ ਅਕਾਊਂਟ ਦੇ ਸਕਰੀਨ ਸ਼ਾਟ ਨਾਲ ਜਵਾਬ ਦਿੱਤਾ ਅਤੇ ਸਪੱਸ਼ਟ ਕੀਤਾ ਕਿ ਉਸ ਨੇ ਉਸ ਨੂੰ ਬਲੌਕ ਨਹੀਂ ਕੀਤਾ। ਢਿੱਲੋਂ ਨੇ ਹੁਣ ਸਾਹਮਣੇ ਆਈ ਸਥਿਤੀ ਬਾਰੇ ਇੱਕ ਗੁਪਤ ਨੋਟ ਸਾਂਝਾ ਕੀਤਾ ਹੈ।
ਆਪਣੀਆਂ ਇੰਸਟਾਗ੍ਰਾਮ ਸਟੋਰੀਜ਼ ਨੂੰ ਲੈ ਕੇ, ਢਿੱਲੋਂ ਨੇ ਮੰਨਿਆ ਕਿ ਉਸ ਦਾ ਝਗੜਾ ਜਨਤਕ ਮੰਚ 'ਤੇ ਲਿਆਉਣ ਦਾ ਕੋਈ ਇਰਾਦਾ ਨਹੀਂ ਸੀ। ਉਹ ਜਾਣਦਾ ਸੀ ਕਿ ਉਸ ਨੂੰ ਇਸ ਦੇ ਲਈ ਨਫ਼ਰਤ ਮਿਲੇਗੀ ਪਰ ਉਸ ਨੇ ਸਟੇਜ 'ਤੇ ਅੱਗੇ ਵਧਣ ਦਾ ਫ਼ੈਸਲਾ ਕੀਤਾ।
ਢਿੱਲੋਂ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਸ਼ੇਅਰ ਕੀਤਾ, "ਇਹ ਜਾਣਦੇ ਹੋਏ ਕਿ ਹਰ ਕੋਈ ਮੈਨੂੰ ਨਫ਼ਰਤ ਕਰੇਗਾ, ਮੇਰਾ ਝਗੜਾ ਜਨਤਕ ਮੰਚ 'ਤੇ ਲਿਆਉਣ ਦਾ ਕੋਈ ਇਰਾਦਾ ਨਹੀਂ ਸੀ ਪਰ ਘੱਟੋ ਘੱਟ ਸਾਨੂੰ ਪਤਾ ਹੈ ਕਿ ਅਸਲ ਕੀ ਹੈ ਅਤੇ ਕੀ ਨਹੀਂ''। ਇਸ ਨਾਲ ਉਸ ਨੇ ਦਿਲਜੀਤ ਦੀ ਅਕਾਊਂਟ ਦੀ ਸਕਰੀਨ ਰਿਕਾਡਿੰਗ ਵੀ ਸਾਂਝੀ ਕੀਤੀ।