ਕਰਮਜੀਤ ਧੂਰੀ ਵਰਗੇ ਗਾਇਕ ਨਿੱਤ ਨਿੱਤ ਨੀ ਜੰਮਣੇ.
ਕਰਮਜੀਤ ਦੇ ਚਲੇ ਜਾਣ ਸਦਕਾ ਪੰਜਾਬੀ ਸੰਗੀਤ ਜਗਤ ਨੂੰ ਇਕ ਹੋਰ ਵੱਡਾ ਘਾਟਾ ਪੈ ਗਿਆ ਹੈ।
Karamjit singh Dhuri
ਬੀਤੇ ਦਿਨੀਂ ਜਦੋਂ ਇਹ ਖ਼ਬਰ ਮਿਲੀ ਕਿ 'ਮਿੱਤਰਾਂ ਦੀ ਲੂਣ ਦੀ ਡਲੀ' ਗੀਤ ਗਾਉਣ ਵਾਲਾ ਗਾਇਕ ਕਰਮਜੀਤ ਧੂਰੀ ਇਕ ਹਾਦਸੇ ਦਾ ਸ਼ਿਕਾਰ ਹੋ ਕੇ ਸਾਰੇ ਮਿੱਤਰਾਂ, ਦੋਸਤਾਂ ਅਤੇ ਸੰਗੀਤ ਪ੍ਰੇਮੀਆਂ ਨੂੰ ਵਿਛੋੜਾ ਦੇ ਗਿਆ ਹੈ ਤਾਂ ਗੱਲ ਸੱਚ ਨਾ ਜਾਪੀ। ਐਨਾ ਜਿੰਦਾ ਦਿਲ ਇਨਸਾਨ ਇਸ ਤਰ੍ਹਾਂ ਨੀ ਜਾ ਸਕਦਾ। ਤੁਰੰਤ ਕਰਮਜੀਤ ਦੇ ਬੇਟੇ ਮਿੰਟੂ ਧੂਰੀ ਨੂੰ ਫੋਨ ਕੀਤਾ ਤਾਂ ਅੱਗੋਂ ਉਸ ਨੇ ਰੋਂਦੇ ਹੋਏ ਗੱਲ ਪੱਕੀ ਕਰ ਦਿੱਤੀ ਕਿ 'ਚਾਚਾ ਭਾਣਾ ਤਾਂ ਸੱਚਮੁੱਚ ਵਰਤ ਗਿਆ।' ਕੁਝ ਦਿਨ ਪਹਿਲਾਂ ਪਿਆਰੇ ਲਾਲ ਬਡਾਲੀ ਤੇ ਉਸ ਤੋਂ ਬਾਅਦ ਸਾਬਰ ਕੋਟੀ ਦੇ ਅਚਾਨਕ ਵਿਛੋੜੇ ਕਾਰਨ ਪੰਜਾਬੀ ਸੰਗੀਤ ਜਗਤ ਨੂੰ ਬਹੁਤ ਵੱਡਾ ਘਾਟਾ ਪਿਆ ਹੈ ਅਤੇ ਹੁਣ ਕਰਮਜੀਤ ਦੇ ਚਲੇ ਜਾਣ ਸਦਕਾ ਪੰਜਾਬੀ ਸੰਗੀਤ ਜਗਤ ਨੂੰ ਇਕ ਹੋਰ ਵੱਡਾ ਘਾਟਾ ਪੈ ਗਿਆ ਹੈ।