ਟੀਮ ਇੰਡੀਆ ਦੀ ਲੱਕੀ ਚਾਰਮ ਬਣੇਗੀ ਸੋਨਮ ਕਪੂਰ

ਬਾਲੀਵੁੱਡ ਅਦਾਕਾਰਾਂ ਸੋਨਮ ਕਪੂਰ ਸਿਲਵਰ ਸਕਰੀਨ ‘ਤੇ ਟੀਮ ਇੰਡੀਆ ਦੀ ਲੱਕੀ ਚਾਰਮ 'ਚ ਨਜ਼ਰ ਆ ਸਕਦੀ ਹੈ। ਸਾਲ 2008 ‘ਚ ਪ੍ਰਕਾਸ਼ਿਤ ਅਨੁਜਾ ਚੌਹਾਨ ਦੇ ਨਾਵਲ ‘ਦਿ ਜੋਇਆ ਫੈਕਟਰ’ ਦੀ ਫਿਲਮ ਬਣਾਉਣ ਲਈ 3 ਸਾਲ ਦੇ ਰਾਈਟਸ ਸ਼ਾਹਰੁਖ ਖਾਨ ਦੀ ਪ੍ਰੋਡਕਸ਼ਨ ਕੰਪਨੀ ਰੈੱਡ ਚਿਲੀਜ਼ ਇੰਟਰਟੈਂਨਮੈਂਟ ਨੇ ਖਰੀਦੇ ਸਨ ਪਰ ਗੱਲ ਨਹੀਂ ਬਣੀ। ਬਾਅਦ ਵਿਚ ਫਿਲਮਕਾਰ ਮਨਮੋਹਨ ਸ਼ੈੱਟੀ ਦੀ ਬੇਟੀ ਪੂਜਾ ਨੇ ਇਸ ਕਿਤਾਬ ਦੇ ਰਾਈਟਸ ਖਰੀਦੇ ਸਨ ਪਰ ਕੰਮ ਨਹੀਂ ਹੋ ਸਕਿਆ। ਹੁਣ ਇਸ ‘ਤੇ ਫਿਲਮ ਬਣਨ ਜਾ ਰਹੀ ਹੈ।

ਚਰਚਾ ਹੈ ਕਿ ਲੀਡ ਰੋਲ ‘ਚ ਸੋਨਮ ਕਪੂਰ ਦਾ ਨਾਂ ਤੈਅ ਕੀਤਾ ਜਾ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ‘ਦਿ ਜੋਇਆ ਫੈਕਟਰ’ ਜੋਇਆ ਸਿੰਘ ਸੋਲੰਕੀ ਨਾਂ ਦੀ ਰਾਜਪੂਤ ਲੜਕੀ ਦੀ ਕਹਾਣੀ ਹੈ, ਜੋ ਸਾਲ 2010 ‘ਚ ਵੈਸਟਇੰਡੀਜ਼ ‘ਚ ਹੋਏ ਟੀ-20 ਵਰਲਡ ਕੱਪ ਕ੍ਰਿਕਟ ਦੌਰਾਨ ਟੀਮ ਇੰਡੀਆ ਦੀ ਲੱਕੀ ਚਾਰਮ ਬਣ ਜਾਂਦੀ ਹੈ। ਫਿਲਮ ਬਾਰੇ ਅਜੇ ਅਧਿਕਾਰਤ ਪੁਸ਼ਟੀ ਨਹੀਂ ਹੋ ਸਕੀ ਹੈ।