ਦਿਵਿਯੰਕਾ ਤ੍ਰਿਪਾਠੀ ਨੂੰ ਸੈੱਟ 'ਤੇ ਲੱਗੀ ਗੋਲੀ ਤਾਂ ਰੋ ਪਏ ਫੈਂਨਸ

ਮਸ਼ਹੂਰ ਟੀ.ਵੀ ਅਦਾਕਾਰਾ ਦਿਵਿਯੰਕਾ ਤ੍ਰਿਪਾਠੀ ਦਹਿਆ ਆਪਣੇ ਫੈਨਜ਼ ‘ਚ ਬਹੁਤ ਪਾਪੂਲਰ ਹੈ। ਇੰਸਟਾਗ੍ਰਾਮ ‘ਤੇ ਉਨ੍ਹਾਂ ਦੇ 50 ਲੱਖ ਫੋਲੋਅਰਜ਼ ਹਨ। ਲੋਕ ਉਨ੍ਹਾਂ ਲਈ ਕਿੰਨੇ ਕਰੇਜ਼ੀ ਹਨ। ਇਸਦਾ ਤਾਜ਼ਾ ਉਦਾਹਰਨ ਹਾਲ ਹੀ 'ਚ ਦੇਖਣ ਨੂੰ ਮਿਲਿਆ। ਦਰਅਸਲ, ਦੋ ਲੜਕੀਆਂ 'ਯੇ ਹੈ ਮੋਹੋਬਤੇਂ' ਦੇ ਸੈੱਟ `ਤੇ ਸ਼ੂਟਿੰਗ ਦੇਖਣ ਪਹੁੰਚੀਆਂ ਸਨ।

ਉਸ ਸਮੇਂ ਅਜਿਹਾ ਸੀਕੁਐਂਸ ਚਲ ਰਿਹਾ ਸੀ,ਜਿਸ 'ਚ ਦਿਵਿਯੰਕਾ ਯਾਨੀ ਇਸ਼ੀਤਾ ਨੂੰ ਗੋਲੀ ਲੱਗਦੀ ਹੈ। ਦੋਵੇਂ ਲੜਕੀਆਂ ਨੂੰ ਲੱਗਿਆ ਕਿ ਦਿਵਿਯੰਕਾ ਨੂੰ ਸੱਚ 'ਚ ਗੋਲੀ ਲੱਗੀ ਹੈ ਅਤੇ ਉਹ ਰੋਣ ਲੱਗ ਪਈਆਂ।

ਇਸ ਤੋਂ ਬਾਅਦ ਦਿਵਿਯੰਕਾ ਖੁਦ ਉਨ੍ਹਾਂ ਲੜਕੀਆਂ ਦੇ ਕੋਲ ਗਈ ਅਤੇ ਦੋਹਾਂ ਨੂੰ ਚੁੱਪ ਕਰਵਾਇਆ। ਦਿਵਿਯੰਕਾ ਨੇ ਦੋਹਾਂ ਲੜਕੀਆਂ ਦੇ ਨਾਲ ਆਪਣੀ ਤਸਵੀਰ ਇੰਸਟਾਗ੍ਰਾਮ ਅਕਾਊਂਟ 'ਤੇ ਪੋਸਟ ਵੀ ਕੀਤੀ।