ਫਰਦੀਨ ਖਾਨ ਦੇ ਘਰ ਆਇਆ ਨੰਨ੍ਹਾਂ ਮਹਿਮਾਨ

ਅਦਾਕਾਰ ਫਰਦੀਨ ਖਾਨ ਬੇਟੇ ਦੇ ਪਿਤਾ ਬਣੇ ਹਨ। ਉਨ੍ਹਾਂ ਨੇ ਆਪਣੇ ਟਵਿੱਟਰ ਅਕਾਊਂਟ ਦੇ ਜ਼ਰੀਏ ਇਹ ਖੁਸ਼ੀ ਨੂੰ ਸਾਂਝਾ ਕੀਤਾ ਹੈ। ਫਰਦੀਨ ਖਾਨ ਦਾ ਵਿਆਹ ਬੀਤੇ ਸਮੇਂ ਦੀ ਮਸ਼ਹੂਰ ਅਦਾਕਾਰਾ ਮੁਮਤਾਜ ਦੀ ਬੇਟੀ ਨਤਾਸ਼ਾ ਮਾਧਵਾਨੀ ਦੇ ਨਾਲ ਹੋਇਆ ਹੈ।

ਫਰਦੀਨ ਅਤੇ ਨਤਾਸ਼ਾ ਦੀ ਪਹਿਲਾ ਤੋਂ ਇੱਕ ਤਿੰਨ ਸਾਲ ਦੀ ਬੇਟੀ ਡਿਆਨੀ ਇਸਾਬੇਲਾ ਖਾਨ ਵੀ ਹੈ। ਉਨ੍ਹਾਂ ਨੇ ਆਪਣੇ ਬੇਟੇ ਦਾ ਨਾਮ ਏਜਾਰਿਊਸ ਰੱਖਿਆ ਹੈ। ਹੁਣ ਜਾਹਿਰ ਹੈ ਕਿ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ੳਨ੍ਹਾਂ ਦੇ ਬੇਟੇ ਦੀ ਤਸਵੀਰ ਦਾ ਇੰਤਜਾਰ ਹੋਵੇਗਾ। 

ਫਰਦੀਨ ਖਾਨ ਦੇ ਕਰੀਅਰ ਦੀ ਗੱਲ ਕਰੀਏ ਤਾਂ ਉਹ ਪਿਛਲੇ ਕਾਫੀ ਸਮੇਂ ਤੋਂ ਲਾਈਮਲਾਈਟ ਤੋਂ ਦੂਰ ਹਨ। ਆਖਿਰੀ ਵਾਰ ਉਹ ਸਾਲ 2010 ਵਿੱਚ ਆਈ ਫਿਲਮ 'ਦੂਲਹਾ ਮਿਲ ਗਿਆ' ਵਿੱਚ ਨਜ਼ਰ ਆਏ ਸੀ।