2020 ਤੱਕ 'ਹੰਬਲ ਮੋਸ਼ਨ ਪਿਕਚਰਸ' ਪੇਸ਼ ਕਰੇਗਾ ਇਹ ਧਮਾਕੇਦਾਰ 8 ਫ਼ਿਲਮਾਂ 

'Hubble Motion Pictures'

ਪਾਲੀਵੁੱਡ ਦੇ ਰਾਕਸਟਾਰ ਗਿੱਪੀ ਗਰੇਵਾਲ ਨੇ ਪਹਿਲਾਂ ਆਪਣੀ ਗਾਇਕੀ ਨਾਲ ਤੇ ਫੇਰ ਅਦਾਕਾਰੀ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਿਆ। ਅਜੇ ਕੁਝ ਸਮਾਂ ਪਹਿਲਾ ਹੀ ਗਿੱਪੀ ਦੀ ਫਿਲਮ 'ਕੈਰੀ ਆਨ ਜੱਟਾ 2' ਦਰਸ਼ਕਾਂ ਨੂੰ ਹਸਾਉਣ 'ਚ ਪੂਰੀ ਤਰ੍ਹਾਂ ਸਫ਼ਲ ਹੋਈ। ਤੁਹਾਨੂੰ ਦਸ ਦਈਏ ਹੁਣ ਗਿੱਪੀ ਗਰੇਵਾਲ ਦੀ ਕੰਪਨੀ 'ਹੰਬਲ ਮੋਸ਼ਨ ਪਿਕਚਰਜ਼' ਸਾਲ 2020 ਤਕ ਪੰਜਾਬੀ ਫਿਲਮ ਇੰਡਸਟਰੀ 'ਚ ਧਮਾਲਾਂ ਪਾਉਣ ਜਾ ਰਹੀ ਹੈ।

ਇਸ ਕੰਪਨੀ ਦੇ ਬੈਨਰ ਹੇਠ 2020 ਤਕ ਇਕ, ਦੋ ਜਾਂ ਤਿੰਨ ਨਹੀਂ, ਸਗੋਂ ਪੂਰੀਆਂ 8 ਫਿਲਮਾਂ ਬਣਨ ਜਾ ਰਹੀਆਂ ਹਨ। ਇਸ ਦਾ ਐਲਾਨ ਗਿੱਪੀ ਨੇ ਅੱਜ ਸੋਸ਼ਲ ਮੀਡੀਆ ਰਾਹੀਂ ਕੀਤਾ ਹੈ। ਗਿੱਪੀ ਨੇ ਇਕ ਤਸਵੀਰ ਸਾਂਝੀ ਕਰਦਿਆਂ ਫਿਲਮਾਂ ਦੇ ਨਾਂ ਤੇ ਰਿਲੀਜ਼ ਡੇਟ ਦੱਸੀ ਹੈ। ਇਸ ਖ਼ਬਰ ਨੂੰ ਜਾਣ ਕੇ ਗਿੱਪੀ ਨੂੰ ਚਾਹੁਣ ਵਾਲਿਆਂ ਲਈ ਜ਼ਰੂਰ ਖੁਸ਼ੀ ਹੋਵੇਗੀ , ਕਿਉਂਕਿ ਸਾਡੀ ਪਾਲੀਵੁਡ ਇੰਡਸਟਰੀ ਤਰੱਕੀ ਦੇ ਰਾਹ 'ਤੇ ਹੈ। 

2020 ਤੱਕ 'ਹੰਬਲ ਮੋਸ਼ਨ ਪਿਕਚਰਸ' ਲੈ ਕੇ ਆ ਰਿਹਾ ਇਹ ਅੱਠ ਫ਼ਿਲਮਾਂ —

1. ਮਰ ਗਏ ਓਏ ਲੋਕੋ

 'ਮਰ ਗਏ ਓਏ ਲੋਕੋ' ਫਿਲਮ ਗਿੱਪੀ ਗਰੇਵਾਲ ਦੁਆਰਾ ਲਿਖੀ ਗਈ ਹੈ।  ਇਸ ਫਿਲਮ ਦਾ ਨਿਰਦੇਸ਼ਨ ਸਿਮਰਜੀਤ ਸਿੰਘ ਕਰ ਰਹੇ ਹਨ ਅਤੇ ਇਹ ਫਿਲਮ 31 ਅਗਸਤ 2018 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।

2. ਮੰਜੇ ਬਿਸਤਰੇ 2

'ਮੰਜੇ ਬਿਸਤਰੇ' ਦੇ ਹਿੱਟ ਹੋਣ ਤੋਂ ਬਾਅਦ ਗਿੱਪੀ 'ਮੰਜੇ ਬਿਸਤਰੇ 2' ਲਈ ਵੀ ਪੂਰੀ ਤਰ੍ਹਾਂ ਨਾਲ ਤਿਆਰ। ਇਹ ਫਿਲਮ ਵੀ ਗਿੱਪੀ ਗਰੇਵਾਲ ਨੇ ਲਿਖੀ ਹੈ। ਦਸ ਦਈਏ ਕਿ ਬਲਜੀਤ ਸਿੰਘ ਦਿਓ ਇਸ ਫਿਲਮ ਦਾ ਨਿਰਦੇਸ਼ਨ ਕਰਨਗੇ ਤੇ ਫਿਲਮ 12 ਅਪ੍ਰੈਲ 2019 ਨੂੰ ਰਿਲੀਜ਼ ਹੋਵੇਗੀ।

3. ਚੱਕ ਦੇ ਫੱਟੇ 2

2008 'ਚ ਰਿਲੀਜ਼ ਹੋਈ ਸੁਪਰਹਿੱਟ ਪੰਜਾਬੀ ਫਿਲਮ 'ਚੱਕ ਦੇ ਫੱਟੇ ਦਾ ਸੀਕੁਅਲ ਬਣਨ ਜਾ ਰਿਹਾ ਹੈ। 'ਚੱਕ ਦੇ ਫੱਟੇ 2' ਨੂੰ ਸਮੀਪ ਕੰਗ ਡਾਇਰੈਕਟ ਕਰ ਰਹੇ ਹਨ, ਜਿਹੜੀ 2019 'ਚ ਰਿਲੀਜ਼ ਹੋਵੇਗੀ।

4. ਜ਼ਿੰਦਾਬਾਦ ਯਾਰੀਆਂ

ਇਸ ਫਿਲਮ ਦੀ ਕਹਾਣੀ ਨੂੰ ਵੀ ਗਿੱਪੀ ਗਰੇਵਾਲ ਨੇ ਕਲਮਬੱਧ ਕੀਤਾ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਫਿਲਮ ਨੂੰ ਡਾਇਰੈਕਟ ਵੀ ਖੁਦ ਗਿੱਪੀ ਹੀ ਕਰਨਗੇ। ਫਿਲਮ 2019 'ਚ ਰਿਲੀਜ਼ ਹੋਵੇਗੀ।

5. ਕੈਰੀ ਆਨ ਜੱਟਾ 3

ਇਸੇ ਮਹੀਨੇ 1 ਤਰੀਕ ਨੂੰ ਰਿਲੀਜ਼ ਹੋਈ ਫਿਲਮ 'ਕੈਰੀ ਆਨ ਜੱਟਾ 2' ਦਾ ਅਗਲਾ ਭਾਗ ਵੀ ਬਣਨ ਜਾ ਰਿਹਾ ਹੈ। ਜੀ ਹਾਂ, 'ਕੈਰੀ ਆਨ ਜੱਟਾ 3' ਦੀ ਪਲਾਨਿੰਗ ਸ਼ੁਰੂ ਹੋ ਚੁੱਕੀ ਹੈ। ਫਿਲਮ ਨੂੰ ਸਮੀਪ ਕੰਗ ਡਾਇਰੈਕਟ ਕਰਨਗੇ, ਜਿਹੜੀ 2020 'ਚ ਰਿਲੀਜ਼ ਹੋਵੇਗੀ।

6. ਵੀਰਾ

ਫਿਲਮ 'ਵੀਰਾ' ਵੀ ਗਿੱਪੀ ਵਲੋਂ ਲਿਖੀ ਗਈ ਹੈ ਤੇ ਇਸ ਨੂੰ ਡਾਇਰੈਕਟ ਵੀ ਗਿੱਪੀ ਕਰਨ ਵਾਲੇ ਹਨ। ਫਿਲਮ ਦੀ ਰਿਲੀਜ਼ ਡੇਟ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਮਿਲੀ।

7. ਮਾਂ

'ਮਾਂ' ਫਿਲਮ ਦੀ ਪਲਾਨਿੰਗ ਕਾਫੀ ਸਮੇਂ ਤੋਂ ਚੱਲ ਰਹੀ ਹੈ। ਜਦੋਂ ਗਿੱਪੀ 'ਮੰਜੇ ਬਿਸਤਰੇ' ਫਿਲਮ ਦੀ ਪ੍ਰਮੋਸ਼ਨ ਕਰ ਰਹੇ ਸੀ, ਉਸ ਵਕਤ ਉਨ੍ਹਾਂ ਦੱਸਿਆ ਸੀ ਕਿ ਉਹ ਬਹੁਤ ਜਲਦ 'ਮਾਂ' ਫਿਲਮ ਲੈ ਕੇ ਆ ਰਹੇ ਹਨ। ਇਹ ਰਿਲੀਜ਼ ਕਦੋਂ ਹੋਵੇਗੀ, ਇਸ ਲਈ ਸਾਨੂੰ ਥੋੜ੍ਹਾ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ।

8. ਆਪਣਾ ਪੰਜਾਬ ਹੋਵੇ

ਇਸ ਫਿਲਮ ਬਾਰੇ ਵੀ ਅਜੇ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਇਸ ਫਿਲਮ ਨੂੰ ਕੌਣ ਡਾਇਰੈਕਟ ਕਰ ਰਿਹਾ ਹੈ ਤੇ ਕਿਸ ਨੇ ਲਿਖਿਆ ਹੈ, ਇਹ ਜਾਣਨ ਲਈ ਥੋੜ੍ਹਾ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ। 'ਹੰਬਲ ਮੋਸ਼ਨ ਪਿਕਚਰਸ' ਸਾਲ 2020 ਤੱਕ ਅੱਠ ਫ਼ਿਲਮਾਂ ਲੈ ਕੇ ਆਉਣ ਲਈ ਪੂਰੀ ਤਰ੍ਹਾਂ ਤਿਆਰ ਹਨ। ਇਨ੍ਹਾਂ 8 ਫ਼ਿਲਮਾਂ 'ਚ ਜ਼ਿਆਦਾਤਰ ਫ਼ਿਲਮਾਂ ਗਿੱਪੀ ਵਲੋਂ ਗਈਆਂ ਹਨ।