Sonam Bajwa

ਚੰਡੀਗੜ੍ਹ : ਅਪਣੀ ਸਾਦਗੀ ਅਤੇ ਅਦਾਕਾਰੀ ਦੇ ਨਾਲ ਲੋਕਾਂ ਦੇ ਦਿਲਾਂ ਤੇ ਰਾਜ ਕਰਨ ਵਾਲੀ ਪਾਲੀਵੁਡ ਅਦਾਕਾਰ 'ਸੋਨਮ ਬਾਜਵਾ' ਨੇ ਹਾਲ ਹੀ 'ਚ ਅਪਣੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਤੇ ਸ਼ੇਅਰ ਕੀਤੀਆਂ ਹਨ। ਜਿਸ ਵਿਚ ਉਹ ਧੁੱਪ ਦਾ ਨਿੱਘ ਮਾਣ ਰਹੀ ਹੈ। ਜਿਥੇ ਸੂਰਜ ਦੀ ਚਮਕ ਵੀ ਸੋਨਮ ਦੇ ਅਗੇ ਫਿੱਕੀ ਪੈ ਰਹੀ ਹੈ। ਸੋਨਮ ਬਾਜਵਾ ਹਮੇਸ਼ਾ ਹੀ ਸੋਸ਼ਲ ਮੀਡੀਆ ਤੇ ਐਕਟਿਵ ਰਹਿੰਦੀ ਹੈ।

ਅਪਣੀ ਸ਼ੂਟਿੰਗ ਅਤੇ ਜ਼ਿੰਦਗੀ ਨਾਲ ਸਬੰਧਿਤ ਜਾਣਕਾਰੀ ਹਮੇਸ਼ਾ ਅਪਡੇਟ ਕਰਦੀ ਰਹਿੰਦੀ ਹੈ। ਸਿਖਰ ਦੁਪਹਿਰੇ ਧੁੱਪ ਵਾਂਗ ਚਮਕਦੀ ਸੋਨਮ ਨੇ ਅਪਣੀਆਂ ਫੋਟੋਆਂ ਦੇ ਨਾਲ ਕੈਪਸ਼ਨ 'ਚ ਲਿਖਿਆ ਹੈ "ਤੇਰੇ ਸ਼ਹਿਰ ਵਾਲੀ ਸਾਨੂੰ ਕਿੰਨੀ ਸੋਹਣੀ ਲਗਦੀ ਦੁਪਹਿਰ।"

ਸੋਨਮ ਬਾਜਵਾ ਦੀ ਅਦਾਕਾਰੀ ਦਾ ਜਾਦੂ ਹਮੇਸ਼ਾ ਹੀ ਦਰਸ਼ਕਾਂ ਦੇ ਉਤੇ ਚਲਦਾ ਹੈ। ਸੋਨਮ ਬਾਜਵਾ 'ਕੈਰੀ ਆਨ ਜੱਟਾ 2', 'ਨਿੱਕਾ ਜ਼ੈਲਦਾਰ 2', 'ਮੰਜੇ ਬਿਸਤਰੇ' ਅਤੇ 'ਸਰਦਾਰ ਜੀ' ਵਰਗੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੀ ਹੈ। 'ਪੰਜਾਬ 1984' ਫਿਲਮ ਵਿਚ ਸੋਨਮ ਦੀ ਅਦਾਕਾਰੀ ਦੀ ਦਰਸ਼ਕਾਂ ਵਲੋਂ ਕਾਫੀ ਪ੍ਰਸੰਸਾ ਕੀਤੀ ਗਈ ਸੀ।