ਬਾਲੀਵੁੱਡ ਦੀ ਬੋਲਡ ਬਾਲਾ ਮਰਡਰ ਗਰਲ ਮਲਿਕਾ ਸ਼ੇਰਾਵਤ ਦੇ ਸਿਤਾਰੇ ਕੁੱਝ ਠੀਕ ਨਹੀਂ ਚੱਲ ਰਹੇ। ਇੱਕ ਸਮਾਂ ਸੀ ਜਦ ਬਾਲੀਵੁੱਡ ਤੋਂ ਲੈ ਕੇ ਹਾਲੀਵੁੱਡ ਦੀਆਂ ਗਲੀਆਂ ਵਿੱਚ ਮਲਿਕਾ ਦੇ ਚਰਚੇ ਹੋਣ ਲੱਗੇ ਸਨ ਪਰ ਹੁਣ ਵਕਤ ਪਹਿਲਾਂ ਵਰਗਾ ਨਹੀਂ ਹੈ।
ਹਾਲ ਹੀ ਵਿੱਚ ਸਾਹਮਣੇ ਆਈ ਕੁੱਝ ਮੀਡੀਆ ਰਿਪੋਰਟਸ ਦਾ ਦਾਅਵਾ ਕੁੱਝ ਹੈਰਾਨ ਕਰ ਦੇਣ ਵਾਲਾ ਹੈ। ਮੀਡੀਆ ਰਿਪੋਰਟਸ ਦੇ ਮੁਤਾਬਕ ਆਪਣੇ ਬੁਆਏਫਰੈਂਡ ਦੇ ਨਾਲ ਪੈਰਿਸ ਵਿੱਚ ਰਹਿ ਰਹੀ ਸ਼ੇਰਾਵਤ ਇੰਨੀ ਦਿਨੀ ਪੈਸਿਆਂ ਦੀ ਤੰਗੀ ਤੋਂ ਗੁਜਰ ਰਹੀ ਹੈ ਅਤੇ ਪਿਛਲੇ ਕਾਫ਼ੀ ਸਮੇਂ ਤੋਂ ਉਨ੍ਹਾਂ ਨੇ ਆਪਣੇ ਫਲੈਟ ਦਾ ਕਿਰਾਇਆ ਤੱਕ ਨਹੀਂ ਦਿੱਤਾ। ਜਿਸ ਕਾਰਨ ਮਕਾਨ ਮਾਲਕ ਨੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਫਲੈਟ 'ਚੋਂ ਕੱਢ ਦਿੱਤਾ।