ਬਾਲੀਵੁੱਡ ਅਦਾਕਾਰਾ ਵਾਨੀ ਕਪੂਰ ਅੱਜ ਆਪਣਾ 29ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਟੂਰਿਜ਼ਮ ‘ਚ ਗ੍ਰੈਜੂਏਸ਼ਨ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਹੋਟਲ ਇੰਡਸਟਰੀ ਜੁਆਇਨ ਕੀਤੀ ਸੀ। ਹੋਟਲ ‘ਚ ਕੰਮ ਕਰਨ ਦੇ ਨਾਲ ਹੀ ਉਨ੍ਹਾਂ ਨੂੰ ਮਾਡਲਿੰਗ ਦਾ ਆਫਰ ਮਿਲਿਆ। ਮਾਡਲਿੰਗ ਕਰਦੇ ਹੋਏ ਉਹ ਫਿਲਮਾਂ ਵੱਲ ਆਈ। ਉਨ੍ਹਾਂ ਨੇ ਬਾਲੀਵੁੱਡ ਦੀਆਂ ਕੁਝ ਫਿਲਮਾਂ ‘ਚ ਕੰਮ ਕੀਤਾ ਪਰ ਅਜੇ ਤੱਕ ਉਹ ਸਫਲਤਾ ਹਾਸਿਲ ਕਰਨ ‘ਚ ਸਫਲ ਨਹੀਂ ਹੋ ਪਾਈ ਹੈ। ਹਾਲਾਂਕਿ ਫਿਲਮਾਂ ‘ਚ ਕਿਸਿੰਗ ਸੀਨਜ਼ ਦੇ ਕੇ ਵਾਨੀ ਨੇ ਸੁਰਖੀਆਂ ਜ਼ਰੂਰ ਬਟੋਰੀਆਂ ਸਨ।
ਜਾਣਕਾਰੀ ਮੁਤਾਬਿਕ ਵਾਨੀ ਦੇ ਪਿਤਾ ਨਹੀਂ ਚਾਹੁੰਦੇ ਸਨ ਕਿ ਉਹ ਫਿਲਮ ਇੰਡਸਟਰੀ ‘ਚ ਆਵੇ ਪਰ ਐਲਾਈਟ ਮਾਡਲ ਮੈਨੇਜਮੈਂਟ ਦੇ ਨਾਲ ਮਾਡਲਿੰਗ ਦਾ ਪ੍ਰੋਜੈਕਟਰ ਸਾਈਨ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਫਿਲਮਾਂ ‘ਚ ਕਰੀਅਰ ਬਣਾਉਣ ਦਾ ਫੈਸਲਾ ਕੀਤਾ। ਉਨ੍ਹਾਂ ਨੇ ਇਕ ਇੰਟਰਵਿਊ ‘ਚ ਦੱਸਿਆ ਸੀ ਕਿ ਉਨ੍ਹਾਂ ਦੇ ਪਿਤਾ ਦਾ ਮੰਨਣਾ ਸੀ ਕਿ ਲੜਕੀਆਂ ਦਾ ਵਿਆਹ ਕਰਕੇ ਉਨ੍ਹਾਂ ਦਾ ਘਰ ਵਸਾ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਦੀ ਵੱਡੀ ਭੈਣ ਦਾ ਵਿਆਹ ਸਿਰਫ 18 ਸਾਲ ਦੀ ਉਮਰ ‘ਚ ਹੋ ਰਿਆ ਸੀ ਪਰ ਉਹ ਸਭ ਕੁਝ ਆਪਣੇ ਮਨ ਦਾ ਕਰਨਾ ਚਾਹੁੰਦੀ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਪਿਤਾ ਤਾਂ ਉਨ੍ਹਾਂ ਨੂੰ ਮਾਡਲ ਵੀ ਨਹੀਂ ਬਣਾਉਣਾ ਚਾਹੁੰਦੇ ਸਨ ਪਰ ਮਾਂ ਨੇ ਸਾਥ ਦਿੱਤਾ ਅਤੇ ਪਾਪਾ ਨੂੰ ਮਨਾਉਣ ‘ਚ ਹੈਲਪ ਕੀਤੀ।