ਗਾਇਕੀ ਤੋਂ ਅਦਾਕਾਰੀ ਦਾ ਰੁੱਖ ਕਰਨ ਵਾਲੇ ਮਸ਼ਹੂਰ ਪੰਜਾਬੀ ਗਾਇਕ ਨਿੰਜਾ ਅੱਜ ਆਪਣਾ ਜਨਮਦਿਨ ਮਨ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਗਾਇਕ ਨਿੰਜਾ ਪੂਰੇ 25 ਸਾਲਾਂ ਦੇ ਹੋ ਚੁੱਕੇ ਹਨ। ਉਨ੍ਹਾਂ ਨੇ ਆਪਣੀ ਸੁਰੀਲੀ ਗਾਇਕੀ ਤੇ ਅਦਾਕਾਰੀ ਨਾਲ ਦੇਸ਼ 'ਚ ਹੀ ਨਹੀਂ ਸਗੋਂ ਵਿਦੇਸ਼ਾਂ 'ਚ ਵੀ ਖਾਸੀ ਪਛਾਣ ਬਣਾਈ ਹੈ।
ਗਾਇਕ ਨਿੰਜਾ ਨੇ ਆਪਣੀ ਗਾਇਕੀ ਦਾ ਸਫ਼ਰ ਅੰਡ ਮੰਡ ਕਾ ਟੌਲਾ ਤੋਂ ਕੀਤਾ ਸੀ ਹਾਲਾਂਕਿ ਉਹਨਾਂ ਦਾ ਇਹ ਗੀਤ ਫਲਾੱਪ ਰਿਹਾ ਜਿਸਤੋਂ ਬਾਅਦ ਉਹਨਾਂ ਦਾ ਗੀਤ " ਪਿੰਡਾਂ ਵਾਲੇ ਜੱਟ" ਆਇਆ ਜਿਸਨੇ ਸਫਲਤਾ ਦੇ ਰਿਕਾਰਡ ਕਾਇਮ ਕਰ ਦਿੱਤੇ। ਇਸ ਤੋਂ ਬਾਅਦ ਨਿੰਜਾ ਦੇ ਕਈ ਗੀਤ ਆਏ ਜੋ ਹਿੱਟ ਗਏ।
ਗਾਇਕੀ ਤੋਂ ਬਾਅਦ ਨਿੰਜਾ ਨੇ ਅਦਾਕਾਰੀ ਦਾ ਰੁੱਖ ਕੀਤਾ ਅਤੇ ਪੰਜਾਬੀ ਫਿਲਮ 'ਚੰਨਾ ਮੇਰਿਆ' ਨਾਲ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਜਿਸ ਤੋਂ ਬਾਅਦ ਅੱਜ ਉਹ ਬੁਲੰਦੀਆਂ 'ਤੇ ਹਨ। 'ਚੰਨਾ ਮੇਰਿਆ' 'ਚ ਨਿੰਜਾ ਅਦਾਕਾਰਾ ਪਾਇਲ ਰਾਜਪੂਤ ਨਾਲ ਰੋਮਾਂਸ ਕਰਦੇ ਨਜ਼ਰ ਆਏ ਸਨ। ਇਹ ਫਿਲਮ ਸਾਲ 2017 ਦੀਆਂ ਪੰਜਾਬੀ ਫ਼ਿਲਮਾਂ ਚ ਸਭ ਤੋਂ ਵਧੇਰੇ ਹਿੱਟ ਸਾਬਿਤ ਹੋਈ।