ਬਾਲੀਵੁੱਡ ਦੀ ਹੁਣ ਤੱਕ ਦੀ ਸਭ ਤੋਂ ਵੱਧ ਵਿਵਾਦਿਤ ਫਿਲਮ ਰਹੀ ਪਦਮਾਵਤੀ ਨੂੰ ਆਖਿਰਕਾਰ ਰਿਲੀਜ਼ ਲਈ ਅਨੁਮਤੀ ਮਿਲ ਗਈ ਹੈ। ਇਸ ਦੇ ਨਾਲ ਹੀ ਪਦਮਾਵਤ ਦੇ ਲਈ ਇਕ ਹੋਰ ਰਾਹਤ ਦੀ ਖਬਰ ਵੀ ਸਾਹਮਣੇ ਆਈ ਹੈ, ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2018 ਦੀ ਇਕ ਹੋਰ ਵੱਡੀ ਫਿਲਮ ਪੈਡਮੈਨ ਨੇ ਪਦਮਾਵਤ ਨੂੰ ਟੱਕਰ ਨਾ ਦਿੰਦੇ ਹੋਏ ਪਦਮਾਵਤ ਨੂੰ ਖੁੱਲਾ ਮੈਦਾਨ ਦੇ ਦਿੱਤਾ ਹੈ ਅਤੇ ਫਿਲਮ ‘ਪੈਡਮੈਨ’ ਦੀ ਰਿਲੀਜ਼ ਡੇਟ ਨੂੰ 9 ਫਰਵਰੀ ਨੂੰ ਰਿਲੀਜ਼ ਕਰਨ ਦਾ ਫੈਸਲਾ ਲਿਆ ਹੈ। ਅਕਸ਼ੇ ਦੀ ਇਸ ਦਰਿਆਦਿਲੀ ਤੋਂ ਪਦਮਾਵਤ ਦੀ ਟੀਮ ਬੇਹੱਦ ਖੁਸ਼ ਹੈ, ਅਤੇ ਇਸ ਦੇ ਲਈ ਉਹਨਾਂ ਨੇ ਸੋਸ਼ਲ ਮੀਡੀਆ 'ਤੇ ਅਕਸ਼ੇ ਦਾ ਧੰਨਵਾਦ ਅਦਾ ਕੀਤਾ ਹੈ। ਪਦਮਾਵਤ ਨੇ ਟਵੀਟ ਰਾਹੀਂ ਪੈਡਮੈਨ ਨੂੰ ਧੰਨਵਾਦ ਕੀਤਾ ਹੈ।
ਦੱਸ ਦੇਈਏ ਕਿ ਅਕਸ਼ੇ ਅਤੇ ਭੰਸਾਲੀ ਦੇ ਪੁਰਾਣੇ ਸਬੰਧ ਹਨ। ਅਕਸ਼ੇ ਦੀ ‘ਰਾਊੜੀ ਰਾਠੌਰ’ ਨੂੰ ਭੰਸਾਲੀ ਨੇ ਪ੍ਰੋਡਿਊਸ ਕੀਤਾ ਸੀ। ਉੱਥੇ ਹੀ ਪਦਮਾਵਤ ਦੀ ਸਟਾਰ ਕਾਸਟ ਵੀ ਅਕਸ਼ੇ ਦੇ ਕਰੀਬ ਹੈ। ਸੁਲਤਾਨ ਅਲਾਊਦੀਨ ਖਿਲਜੀ ਦਾ ਕਿਰਦਾਰ ਨਿਭਾ ਰਹੇ ਰਣਵੀਰ ਸਿੰੰਘ ਅਕਸ਼ੇ ਦੇ ਬਹੁਤ ਵੱਡੇ ਪ੍ਰਸ਼ੰਸਕ ਮੰਨੇ ਜਾਂਦੇ ਹਨ ਅਤੇ ਉਨ੍ਹਾਂ ਦੀਆਂ ਫਿਲਮਾਂ ਦਾ ਪ੍ਰਚਾਰ ਕਰਦੇ ਰਹਿੰਦੇ ਹਨ। ਇਸ ਦੇ ਖਾਤਿਰ ਅਕਸ਼ੇ ਨੇ ਇਹ ਫੈਸਲਾ ਲਿਆ ਜਿਸਦੀ ਸਭ ਸ਼ਲਾਘਾ ਕਰ ਰਹੇ ਹਨ।