ਨਵੀਂ ਦਿੱਲੀ: ਬਾਲੀਵੁਡ ਅਦਾਕਾਰ ਸ਼੍ਰੀਵੱਲਭ ਵਿਆਸ ਨੇ ਐਤਵਾਰ ਨੂੰ ਅੰਤਿਮ ਸਾਹ ਲਈ। ਆਮੀਰ ਖਾਨ ਦੀ ਸੁਪਰਹਿਟ ਫਿਲਮ 'ਲਗਾਨ' ਵਿਚ ਈਸ਼ਵਰ ਕਾਕਾ ਦਾ ਰੋਲ ਨਿਭਾਕੇ ਮਸ਼ਹੂਰ ਹੋਏ ਸ਼੍ਰੀਵੱਲਭ ਵਿਆਸ ਦਾ ਦਿਹਾਂਤ 60 ਸਾਲ ਦੀ ਉਮਰ ਵਿਚ ਜੈਪੁਰ ਵਿਚ ਹੋਇਆ। ਵਿਆਸ ਲੰਬੇ ਸਮੇਂ ਤੋਂ ਪੈਰਾਲਿਸਿਸ ਅਤੇ ਹਾਈਬਲੱਡ ਪ੍ਰੈਸ਼ਰ ਦੀ ਸਮੱਸਿਆ ਤੋਂ ਗੁਜਰ ਰਹੇ ਸਨ। ਲੰਬੇ ਸਮੇਂ ਤੋਂ ਉਹ ਹਸਪਤਾਲ ਵਿਚ ਭਰਤੀ ਸਨ ਅਤੇ ਆਖ਼ਿਰਕਾਰ ਉਨ੍ਹਾਂ ਨੇ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ।
2008 ਵਿਚ ਪੈਰਾਲਿਸਿਸ ਅਟੈਕ ਹੋਣ ਦੇ ਬਾਅਦ ਵਿਆਸ ਨੂੰ ਬੈੱਡ ਰੈਸਟ ਦੀ ਸਲਾਹ ਦਿੱਤੀ ਗਈ ਸੀ। ਸ਼ੁਰੂਆਤੀ ਇਲਾਜ ਉਨ੍ਹਾਂ ਨੇ ਮੁੰਬਈ ਵਿਚ ਕਰਾਇਆ ਫਿਰ ਆਰਥਿਕ ਤੰਗੀ ਦੇ ਚਲਦੇ ਉਨ੍ਹਾਂ ਦਾ ਪਰਿਵਾਰ ਜੈਸਲਮੇਰ ਆ ਗਿਆ ਅਤੇ ਇੱਥੇ ਉਨ੍ਹਾਂ ਦਾ ਇਲਾਜ ਚੱਲਦਾ ਰਿਹਾ। ਪਿਛਲੇ ਦੋ ਸਾਲ ਤੋਂ ਉਹ ਪਤਨੀ ਸ਼ੋਭਾ ਅਤੇ ਦੋ ਬੇਟੀਆਂ ਦੇ ਨਾਲ ਜੈਪੁਰ ਵਿਚ ਰਹਿ ਰਹੇ ਸਨ।