ਬਾਲੀਵੁੱਡ ਦੇ ਅਨੁਭਵੀ ਐਕਟਰ ਸ਼ਸ਼ੀ ਕਪੂਰ ਦਾ 79 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਇਹ ਬਾਲੀਵੁੱਡ ਜਗਤ ਲਈ ਹੀ ਨਹੀਂ, ਸਗੋਂ ਉਨ੍ਹਾਂ ਨੂੰ ਲੋਚਣ ਵਾਲੇ ਹਰ ਸ਼ਖਸ ਲਈ ਦੁੱਖ ਦੀ ਘੜੀ ਹੈ। ਕੁੱਝ ਮਹੀਨਿਆਂ ਪਹਿਲਾਂ ਹੀ ਇਹ ਬਾਇਪਾਸ ਸਰਜਰੀ ਤੋਂ ਗੁਜਰੇ ਸਨ। 1938 ਵਿੱਚ ਜੰਮੇ ਸ਼ਸ਼ੀ ਕਪੂਰ ਦੇ ਤਿੰਨ ਬੱਚੇ ਹਨ ਕਰਨ ਕਪੂਰ, ਕੁਨਾਲ ਕਪੂਰ ਅਤੇ ਸੰਜਨਾ ਕਪੂਰ। ਹਾਲ ਹੀ ਵਿੱਚ ਸ਼ਸ਼ੀ ਕਪੂਰ ਅਤੇ ਉਨ੍ਹਾਂ ਦੀ ਫੈਮਿਲੀ ਦਾ ਇੱਕ ਆਖਰੀ ਫੋਟੋ ਸਾਹਮਣੇ ਆਇਆ ਹੈ।
ਇਸ ਫੋਟੋ ਵਿੱਚ ਸ਼ਸ਼ੀ ਕਪੂਰ ਦੇ ਨਾਲ ਰਿਸ਼ੀ ਕਪੂਰ, ਕਰਿਸ਼ਮਾ ਕਪੂਰ, ਰਣਬੀਰ ਕਪੂਰ, ਨੀਤੂ ਸਿੰਘ ਸਮੇਤ ਲੱਗਭੱਗ ਪੂਰਾ ਖਾਨਦਾਨ ਨਜ਼ਰ ਆ ਰਿਹਾ ਹੈ। ਇਹ ਫੋਟੋ ਪਿਛਲੇ ਸਾਲ ਦੀ ਕਰਿਸਮਸ ਪਾਰਟੀ ਦਾ ਹੈ ਜੋ ਸ਼ਸ਼ੀ ਕਪੂਰ ਦੇ ਘਰ ਰੱਖੀ ਗਈ ਸੀ। ਦੱਸ ਦਈਏ ਕਿ ਕ੍ਰਿਸ਼ਣਾ ਕਪੂਰ ਦੇ ਪਰਿਵਾਰ ਵਿੱਚ ਸ਼ਸ਼ੀ ਸਭ ਤੋਂ ਛੋਟੇ ਮੈਂਬਰ ਸਨ।