ਮੁੰਬਈ,
10 ਸਤੰਬਰ: ਮਸ਼ਹੂਰ ਅਦਾਕਾਰ ਰਿਸ਼ੀ ਕਪੂਰ ਦਾ ਕਹਿਣਾ ਹੈ ਕਿ ਜੇਕਰ ਉਨ੍ਹਾਂ ਦੇ ਪਿਤਾ ਅਤੇ
ਮੰਨੇ-ਪ੍ਰ੍ਰਮੰਨੇ ਫ਼ਿਲਮਕਾਰ ਰਾਜ ਕਪੂਰ 'ਤੇ ਬਾਇਉਪਿਕ ਬਣੀ ਤਾਂ ਪਰਵਾਰ ਇਹ ਸੁਨਿਸ਼ਚਿਤ
ਕਰੇਗਾ ਕਿ ਉਸ ਨੂੰ ਸਨਸਨੀਖੇਜ਼ ਬਣਾਏ ਬਿਨਾ ਸੱਚੇ ਅਰਥਾਂ 'ਚ ਬਿਆਨ ਕੀਤਾ ਜਾਵੇ। ਉਨ੍ਹਾਂ
ਕਿਹਾ ਕਿ ਮੈਂ ਸਮਝ ਸਕਦਾ ਹਾਂ ਕਿ ਅੱਜ ਦੀ ਪੀੜ੍ਹੀ ਕਪੂਰ ਦੀ ਨਿੱਜੀ ਅਤੇ ਪੇਸ਼ੇਵਰ
ਜ਼ਿੰਦਗੀ ਬਾਰੇ ਜਾਣਨ ਦੀ ਇੱਛੁਕ ਹੈ ਪਰ ਜੇਕਰ ਬਾਇਓਪਿਕ ਬਣੀ ਤਾਂ ਕਹਾਣੀ ਨਾਲ ਪੂਰੀ
ਸਾਵਧਾਨੀ ਵਰਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਅਸੀਂ ਅਜਿਹਾ ਕੁਝ ਨਹੀਂ ਕਰਨਾ ਚਾਹੁੰਦੇ,
ਜਿਸ ਨਾਲ ਫ਼ਿਲਮ ਜਗਤ ਦੇ ਕਿਸੇ ਵੀ ਪਰਵਾਰ ਨੂੰ ਠੇਸ ਪਹੁੰਚੇ। ਉੁਨ੍ਹਾਂ ਕਿਹਾ ਕਿ ਕਈ
ਰਿਸ਼ਤੇ ਸਨ, ਜਿਨ੍ਹਾਂ ਦਾ ਮੈਂ ਅਪਣੀ ਕਿਤਾਬ 'ਚ ਜ਼ਿਕਰ ਕੀਤਾ ਸੀ। ਤੁਸੀਂ ਉਸ ਤੋਂ ਕਿਸੇ
ਵੀ ਤਰ੍ਹਾਂ ਇਨਕਾਰ ਨਹੀਂ ਕਰ ਸਕਦੇ ਤਾਂ ਫਿਰ ਅਜਿਹਾ ਕਰਨਾ ਹੀ ਕਿਉਂ ਹੈ। ਮੈਂ ਨਾ ਕਿਸੇ
ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣੀ ਚਾਹੁੰਦਾ ਹਾਂ ਅਤੇ ਨਾ ਕੋਈ ਹੰਗਾਮਾ ਖੜ੍ਹਾ ਕਰਨਾ
ਚਾਹੁੰਦਾ ਹਾਂ। ਅਸੀਂ ਉਸ ਨੂੰ ਸਨਸਨੀਖੇਜ਼ ਨਹੀਂ ਬਣਾਉਣਾ ਚਾਹੁੰਦੇ। ਅਸੀਂ ਚਾਹੁੰਦੇ ਹਾਂ
ਕਿ ਲੋਕ ਉਨ੍ਹਾਂ ਦੀ ਬਾਇਉਪਿਕ ਰਾਹੀਂ ਅਸਲੀ ਰਾਜ ਕਪੂਰ ਨੂੰ ਜਾਨਣ।
(ਏਜੰਸੀ)